🧑🏻‍🎓АОКАда бўлажак журналист кадрларнинг битирув малакавий ишлари ва магистрлик диссертацияси ҳимоя бўлиб ўтди

Бугун, 12 июнь куни, Ахборот ва оммавий коммуникациялар агентлигида Ўзбекистон Миллий университети Журналистика ва ўзбек филологиси факультети 4-босқич талабалари ўз малакавий диплом ишларини муваффақиятли ҳимоя қилишди.

Диплом ишлари ҳозирги замонавий ОАВ фаолияти, медиатрендлар, ахборот сиёсати ва журналистиканинг ижтимоий масъулияти, медиа аналитика, рақамли муҳим ва журналистика, фактчекинг, дезинформацияга қарши кураш ва бошқа матбуот йўналишларидаги долзарб мавзуларга бағишланди.

Талабалар ўз илмий раҳбарлари кўмагида назарий билимлари ва амалиётда орттирган тажрибаларини намоён этишди. Ҳимоя жараёнларида Агентлик мутахассислари, профессор-ўқитувчилар ва соҳа экспертлари иштирок этиб, талабалар ишларини холис баҳоладилар.

Ахборот ва оммавий коммуникациялар агентлиги талабаларнинг билим ва ташаббусларини қўллаб-қувватлаш, ёш мутахассисларни соҳага жалб этишга доимий равишда аҳамият қаратади.

Telegram | Youtube | Facebook | Instagram | Медиабанк | Сайт