group-telegram.com/astanasottary/2745
Last Update:
◾ Астана қаласының қылмыстық істер жөніндегі мамандандырылған ауданаралық соты электрондық ақпараттық ресурсты пайдалану арқылы адамдар тобында алдын ала сөз байласу арқылы өткізу мақсатында аса ірі мөлшерде психотроптық заттарды заңсыз дайындау, сақтау (ҚК 297-бабы 3-бөлігінің 1, 3, 5) тармақтары) және адамдар тобында алдын ала сөз байласу арқылы қылмыстық жолмен алынған мүлікті заңдастыру (ҚК 218-бабы 2-бөлігінің 1) тармағы) фактілері бойынша И.-ға қатысты қылмыстық істі қарады.
Айыптаудың мәні
◾ Сотталушы И. Telegram мессенджеріндегі "j" және "k" аккаунттарын пайдаланушылармен уағдаластық бойынша электрондық ақпараттық ресурсты пайдалану арқылы Астана қаласының Үркер қалашығында есірткі зертханасын ұйымдастырып және альфа-PVP психотроптық затын 82,79 кг.мөлшерінде (аса ірі мөлшерде) өткізу мақсатында дайындап, сақтаған (ҚК 297-бабы 3-бөлігінің 1, 3, 5) тармақтары).
◾ Сонымен қатар, ол есірткі зертханасының жұмыс істеуі үшін психотроптық заттардың заңсыз айналымында өндірілген ақшаға жылжымайтын мүлік, яғни үй мен гараж сатып алған (ҚК 218-бабы 2-бөлігінің 1) тармағы).
◾ Сотталушының кінәсі есірткі зертханасын тінту хаттамасымен, психотроптық заттың түрі мен мөлшерін анықтаған сот-химиялық сараптамалардың қорытындыларымен, И.-дың Telegram мессенджеріндегі "j" және "k" аккаунттарын пайдаланушылармен хат алмасуымен дәлелденді.
Тараптардың ұстанымы
◾ Прокурор мүлкі тәркіленіп, 11 жыл мерзімге бас бостандығынан айыру жазасын тағайындауды сұрады.
◾ Сотталушы өз кінәсін толық мойындады.
Жаза
Санкция:
✔️ ҚК 297-бабының 3-бөлігі мүлкi тәркiленiп, 10 жылдан 15 жылға дейiнгi мерзiмге бас бостандығынан айыруды;
✔️ ҚК 218-бабының 2-бөлігі мүлкі тәркіленіп, 3000-нан 7000 АЕК-ке дейінгі мөлшерде айыппұл салуды не сол мөлшерде түзеу жұмыстарын, не 3 жылдан 7 жылға дейінгі мерзімге бас бостандығынан айыруды көздейді.
◾ Сот сотталушының кінәсін мойындауы мен шын жүректен өкінуін қылмыстық жауаптылық пен жазаны жеңілдететін мән-жайлар ретінде таныды.
◾ Ауырлататын мән-жайлар анықталған жоқ.
◾ Жаза тағайындау барысында сот жасалған қылмыстардың қоғамдық қауіптілігінің сипаты мен дәрежесін ескерді.
◾ Сот үкімімен И. ҚК 297-бабы 3-бөлігінің 1, 3, 5) тармақтары және 218-бабы 2-бөлігінің 1) тармағы бойынша қылмыстық құқық бұзушылықтар жасағаны үшін кінәлі деп танылды және психотроптық заттардың заңсыз айналымында өндірілген ақшалай қаражатқа сатып алынған жылжымайтын мүлкі тәркілене отырып, 12 жылға бас бостандығынан айырылды.
◾ Үкім заңды күшіне енген жоқ.
Астана қаласының қылмыстық істер жөніндегі мамандандырылған ауданаралық соты
https://www.group-telegram.com/sg/astanasottary.com
BY АСТАНА СОТТАРЫ
Share with your friend now:
group-telegram.com/astanasottary/2745