МАРҲАМАТДА ГАЗ ЧАҚНАШИ ОҚИБАТИДА БИР ҚИЗ ВАФОТ ЭТДИ

Марҳамат туманидаги “Шомат” маҳалла фуқаролар йиғинида яшовчи Х.Ш. ўз уйидаги ётоқхона қисмида қўлбола иситиш печини ёқишга уриниб, гугурт чаққан пайтида хонага тўпланган табиий газ ва ҳаво аралашмасидан чақнаш содир бўлди. Натижада:

Х.Ш. танасининг 90 фоизи куйиш жароҳатларини олди.
Унинг турмуш ўртоғи Л.Ш. танасининг 35-40 фоизи куйди.
Ўғли Ж.Ҳ. танасининг 20-30 фоизи куйиш ташхиси билан касалхонага ётқизилди.
Қизи Х.Ҳ. танасининг 70 фоизи куйган бўлиб, унинг ҳаётини сақлаб қолиш имкони бўлмади. У 4 январь куни вафот этди.

Ҳодиса жойига туман прокурори, терговчи, ИИБ бошлиғи, Фавқулодда вазиятлар бўлими, ҳамда газ таъминоти филиали масъул ходимлари чиқиб, процессуал ҳужжатлар расмийлаштирилди.

Айни пайтда жабрланганлардан Х.Ш. ва унинг ўғли Ж.Ҳ. туман шошилинч тиббий ёрдам бўлимида даволанмоқда. Л.Ш. эса Андижон шаҳридаги Республика шошилинч тиббий ёрдам илмий-амалий марказида даволаняпти.

Қўшнилар ва маҳаллий аҳоли ҳодисадан ҳаяжонда бўлиб, газ билан боғлиқ хавфсизликка жиддий эътибор қаратиш зарурлигини таъкидламоқда.


💬Telegram |📱Facebook |
🐦Twitter |📱Instagram | ▶️YouTube

РАССОМ ТУЗ: “ЙИРТИҚ КРОССОВКА” ТЕАТРИ НЕГА КЕРАК ЭДИ?

Мени кузатиб бораëтган ва Ўзбекистонда давлатчилик мавжуд бўлиши ҳамда унинг Россияга мутлақ вассал бўлмаслигини истаган закий ватандошлардан бир нарса сўрамоқчиман:

"Йиртиқ кроссовка" шоусидан олдин тармоқнинг ўзбек сегментида қайси мавзу "чирсилллаб" турганди?

Ўзим эслата қолай - бу кремлпаарст Чеченистон тўдабошиси Рамзаннинг Ўзбекистон бошқарувида ҳозир ҳам ишлаëтган мулозим Дмитрий Ли ва яқинда ишдан олингани ортидан ўққа тутилган Комил Алламжоновга қарши қаратилган жиддий таҳдид мавзуси эди.

Ўлим таҳдиди эди бу.

Лондонлик таҳлилчи Илҳомов таъбирича, "Бу феълан Мирзиëевга қарши таҳдид" эди.

Рамзан Россия тўдабошиси босқинчи Путин амри билан иш кўришини ўртага қўйсак бари аëн бўлади.

Бунинг ëнига Россия босқинчи армиясига ëлланиб мустақил Украина тупроғига бостириб киреиб тинч аҳоли ва 10 дан зиëд украин аскарини ўлдирганини тан олган ўзбек наëмник қотили ўзбек суди тарафидан "уйда ухлайдиган" қилиб жазоланганини илова қилсак пазллар тўлиқ бўлади.

Хирсдай журналистлардан тортиб партия бошлиқларигача васавага солган "йиртиқ кроссовка" театри ва айниқса бу спектакл актёрининг "касал бўлиш" саҳнаси ва бошқа сариқ чақалик шоулардан мақсад битта.

Россия ҳукумати сўзчиси бўлган Рамзан таҳдидини унуттириш.

Жамоат шуурини парваришлаш.

Массовий гипнозни амалга оширганлар буни уддалади.

Аммо миллат ичида гипнозга чалинмайдиган, арзон васавага берилмайдиган оз сонли кишилар бор.

"Ëлғон ва сафсата бу қуллар эрмаги. Эркин одамлар учун тўғрилик зарур. Фақат эркин одамлар чин сўзлайди".

Бу гапни ўн бешинчи асрда яшаган файласуф Мишель де Монтень айтган.

Соғ бўлгайсизлар.


💬Telegram |📱Facebook |
🐦Twitter |📱Instagram | ▶️YouTube

БУХОРОНИНГ САНЪАТ АНЪАНАСИ: АБДУЛЛОҲ БУХОРИЙДАН АНЗОР БУХАРСКИЙГАЧА

Лос-Анжелесдаги санъат музейида 17-асрда яшаб ижод қилган бухоролик рассом Абдуллоҳ Бухорийнинг асари авайлаб сақланаётгани ҳақида ёзгандим.

Бухорода ҳеч қачон санъат анъаналари узилмаган. Бухоро амири саройида рассом бўлиб ишлаб, "Хотинлардан лаззатланиш" ("Лаззатун-нисо") китобига эротик расмлар чизган рассом Садриддин Поччаев амирлик ағдарилганидан кейин ҳам, советлар даврида ижодини давом эттирган.

Бу узвийлик ҳанузгача сақланиб келмоқда.

Рассом Анзор Бухарский бугунги кунда Бухорода яшаб, дунё эстетикаси даражасида ижод қилмоқда.

Лос-Анжелесда сақланаётган Абдуллоҳ Бухорийнинг асари миллион доллар қимматга эга.

Бухорода бугун яшаб ижод қилаётган Анзор Бухарскийнинг асарлари ҳам эртага кўп нолли рақамларга сотилишига ишонаман.

Рассомнинг "Қари чол ва унинг ёш хотини" асари эса бугунги санъатда муҳим аҳамият касб этмоқда.


💬Telegram |📱Facebook |
🐦Twitter |📱Instagram | ▶️YouTube

Трюдо ҳали истеъфога чиқмади, фақат эълон қилди, аммо Трамп яна Канадага бош вазирнинг расмий истеъфосидан кейин АҚШга 51-чи штат сифатида қўшилишни таклиф қилди ва бу кўп муаммоларни ҳал қилиши мумкинлигини айтди.

Божхона тўловлари бўлмайди ва Хитой ҳам, Россия ҳам «Канада» денгизларида ўз кемалари билан таҳдид қилмайди.

💬Telegram |📱Facebook |
🐦Twitter |📱Instagram | ▶️YouTube

ТЕРМИЗДАГИ ҚУДРАТЛИ “ЭРКИН ОБМЕРЧИ” КИМ ЎЗИ ?

“Шуҳрат Жўраев қурилиш экспертизаси ва назорати” МЧЖ томонидан уй жой қурилиши, йул қурилиши, сув омборлари, канал қуриш ташкилотларда назорат ўлчови ўтказилган. Лекин “МЧЖ” томонидан ўтказилган назорат ўлчовлари Вазирлар Маҳкамасининг 2021-йил 21-майдаги 321-сонли қарорига амал қилинмаган ҳолда ўтказилган.

Қарорнинг 4-иловасида назорат ўлчови ўтказиш тартиби белгиланган. Қурилиш лойиҳаларини экиспиртизадан ўтказиш учун аккредитация қилинган юридик шахслар, банк, бошқа бахолатиш шахслар назорат ўлчови ўтказиш ҳуқуқига эга эканлиги белгиланган.

Қурилиш ва уй-жой коммунал хўжалиги вазирлигининг 2021-йил № 16-06/7162-сонли хатида, вазирлик томонидан, “Шуҳрат Жўраев қурилиш экспертизаси ва назорати” МЧЖ га архитектура шаҳарсозлик ҳужжатларни ишлаб чиқиш фаолиятини амалга ошириш учун лицензия ва қурилиш лойиҳаларнинг экиспертизасини ўткказиш фаолиятини амалга оширишга аккредация гувоҳномаси берилмаганлиги маълум қилинган. 321-сонли қарор 2021-йил қабул қилинган бўлса-да, мазкур МЧЖ ҳозирги кунга қадар қанча ноқонуний текшириш ўтказган ўз фаолияти давомида?

Ҳар бир ўтказилган ноқонуний текширув учун МЧЖ ҳисоб рақамига миллионлаб маблағ ўтказиб берилган? Қанчадан қанча одамлар нохақ қамалди, жарималар тулашди, судланиб ишсиз юрганлар қанча?

Мазкур “Шуҳрат Жўраев қурилиш экспертизаси ва назорати” МЧЖ фаолиятидан кимлардур манфаатдорми? Хомийси ким? “Крышаси” ким? Сурхондарёда Э.Рўзиев “обмерчи” лақаби билан танилган.

Ўзбекистон республикаси Конституциясининг ХХ-боб 116-моддасида Ўзбекистон Республикаси Вазирлар Маҳкамаси конституциявий нормалар доирасида ва қонунчиликка мувофиқ Ўзбекистон Респпубликаси бутун ҳудудида барча органлар, корхонлар, муассасалар, ташкилотлар, мансабдор шахслар ва фуқаролар томонидан бажралиши мажбурий бўлган қарорлар ва фармойишлар чиқаради дейилган.

МЧЖ томонидан 2021-йилдан ҳозирги кунгача ўрказилган назорат ўлчовлари Вазирлар Маҳкамаси 321-сонли қарорига зид ўтказилган, қарор қўпол равишда бузилган “Шуҳрат Жўраев қурилиш экспертизаси ва назорати” МЧЖ ҳисобига назорат учун ўтказилган пуллар ҳаммаси эгаларига қайтарилиши лозим.

“Шуҳрат Жўраев қурилиш экспертизаси ва назорати” МЧЖ фаолияти тегишли органлар томонидан тўлиқ назорат қилиниб, тегишли хулоса берилиши лозим.
“Заказ” ни буюртма ишларни бажаровчи Э.Рўзиевнинг фаолияти давомидаги ноқонуний ишлари тегишли органлар томонидан тўлиқ ўрганиб чиқилиб, ҳуқуқий баҳо берилиши лозим.

Сурхандарё вилояти, Молия бошқармаси “Шуҳрат Жўраев қурилиш экспертизаси ва назорати” МЧЖ нинг назорат ўлчови ўтказиш учун лицензия ва гувоҳномаси юқлигидан бехабар бўлганми? Ёки манфаатдор бўлгам? Ҳуқуқни муҳофаза қилувчи органлардан жавоб оламиз деган умиддамиз.

Оддий мисол, автомашина бошқариш учун ҳайдовчилик гувоҳномаси бўлиши лозим. Агарда ҳайдовчилик гувоҳномаси бўлмасдан автомашина бошқарса, ҳайдовчига нисбатан қонунга асосан тегишли тартибда жазо тайинланади. Лекин “Шуҳрат Жўраев қурилиш экспертизаси ва назорати” МЧЖ томонидан Вазирлар Махкамасининг 321-сонли қарори қўпол равишда бузилиб, ноқонуний акредитация гувоҳномасиз текширувлар ўтказса, унга нисбатан ҳеч қандай чоралар кўрилмаса, одамлар ноҳақ қамалаверса, судланса охири нима бўлади? Ёки Вазирлар Маҳкамасининг қарорлари Сурхондарё вилояти учун таъсир қилмайдими?

P.S Сурхондарё вилояти Адлия Бошқармаси ва ҳуқуқни муҳофаза қилувчи органлар томонидан ўрнатилган тартибда “Шуҳрат Жўраев қурилиш экспертизаси ва назорати” МЧЖ фаолияти ўрганилиб, у томонидан ноқонуний ўтказилган текширишлар далолатномалари қонун, қарорларга асосланганлиги текширувдан ўтказилиши лозим.

💬Telegram |📱Facebook |
🐦Twitter |📱Instagram | ▶️YouTube

ДАВЛАТ КАДАСТРЛАРИ ПАЛАТАСИДА “ҲЕЧ КИМ БИЗНИ ЭШИТМАЙДИ”

Ассалому алайкум, Туз оға. Биз Давлат кадастрлари палатаси марказий аппаратида ишлаймиз. Ишимиз оғир, мурожаатлар кўп, ҳаммасини ўз вақтида кўриб чиқиб, жавоб беришга ҳаракат қиламиз. Бироқ шунча ҳаракатимизга қарамай, меҳнатимиз кўринмайди. Яримта камчилигимиз бўлса ҳам тушуниш йўқ. Ҳеч ким бизни эшитмайди. Раҳбарият эса маошимиз ва ҚПЕимизни кесиш билан оввора.


Ўзбекистонда Президент жамоаси ҳамда Кадастр палатаси раҳбари Моҳир Камаловичнинг жамоаси бор. Уларнинг ишонган одамларидан бири, матбуот котиби Муножат Йўлдошева. Бу аёлга барча томонидан мағтаов ва бўйсунув мажбурий. У ўзига ёқмаган ишчи-ходимларни, бошқа лавозимдаги аёллар ёки мутахассисларни, ҳатто тозаловчи ёки қоровулларни ҳам маошларини камайтириш ёки ҚПЕ қўшмаслик билан жазолайди.

Яқинда бизга адабиётчи ва шоира бўлган опа Давлат тили бўйича маслаҳатчи лавозимида ишга келди. Бу аёл ҳақиқатпарвар эканлигини кўрдик. У Муножат Йўлдошева билан бирга ишламай, ходимларни ёмонлаб, раҳбарнинг кўзига ёмон кўрсатишга киришмади. У оқни оқ, қорани қора деб ўз фикрини айта олди. Буни раҳбарият ёқтирмай, маслаҳатчини ёлғизлатиб қўйди.

Давлат тили бўйича маслаҳатчини раҳбарият йиғилишдан ҳамманинг олдида чиқариб юборди. Ҳар куни уни руҳий босим остига олиб, ишхонанинг оғир вазиятига дучор қилишди. Оқибатда, маслаҳатчи касалликка чалиниб, рухсат олиб чиқиб кетди. Лекин касаллик рухсатномаси давомида ҳам унга огоҳлантириш беришди. Янги йилда мукофот пули берилмаслиги учун ҳайфсан беришди.

Биз, оддий ходимлар, қўлимиздан ҳеч нарса келмаса-да, бу маслаҳатчига ачиндик. У ишлашга имконият тополмай қолди.

Муножат Йўлдошеванинг лақаби "Биринчи Хоним". Палатада унга ёқмаган киши маошдан ҳам, ишдан ҳам умидини узиши мумкин.


💬Telegram |📱Facebook |
🐦Twitter |📱Instagram | ▶️YouTube

“YOSHLAR” ТЕЛЕКАНАЛИ ФАОЛИЯТИДАГИ МУАММОЛАР ЮЗАСИДАН ОЧИҚ МУРОЖААТ

Ҳурматли Элтуз жамоаси!

Ўзбекистон Миллий телерадиокомпаниясининг “Yoshlar” телеканали оғир ҳолатга тушиб қолган. Ходимлар ўртасидаги норозилик ва шикоятлар кундан-кунга ортиб бормоқда. Қуйида телеканалда кузатилаётган асосий муаммоларни баён этамиз:

1. МОЛИЯВИЙ ҚИЙИНЧИЛИКЛАР
• Ходимларнинг иш ҳақлари ўз вақтида тўланмайди. Айрим ҳолларда ойликлар кечиктирилиши одатий ҳолга айланган.
• Президентнинг ойликларни ошириш бўйича қарорига қарамай, бу кўрсатма бажарилмаяпти. Аксинча, “маош тўлай олмаймиз” деган важлар билан ходимлар ишдан бўшатилмоқда.

2. ИШ ШАРОИТЛАРИ
• Иш учун зарур бўлган техник жиҳозлар эскирган ва талабга жавоб бермайди.
• Кам ойликка ишлашга мажбур бўлган ходимлар ортиқча меҳнатга жалб қилинмоқда. Бу эса ишчиларнинг руҳий ва жисмоний ҳолатига салбий таъсир қилмоқда.

3. ДАВР ИНФОРМАЦИОН ДАСТУРИДАГИ МУАММОЛАР
• Бош муҳаррир Ғайрат Қурбонов тарафкашликка йўл қўйиб, фақат ўзининг яқин шахсларига устуворлик бермоқда.
• Иш жараёнида адолат тамойилларига риоя қилинмаяпти, бу эса ходимлар орасида норозиликни кучайтирмоқда.

4. ИШДАГИ ИНТИЗОМСИЗЛИКЛАР
• Айрим раҳбар ходимлар, жумладан, Ғайрат Қурбонов, Тўлқин Алибеков ва Нодирбек Шамсиддинлар иш вақтида алкоголь ичимликлар истеъмол қилади.
• Маст ҳолатда бўлганларида улар бошқа ходимларга қўпол муносабатда бўлиши ҳақида бир неча хабарлар мавжуд.

5. ҚЎРҚИТИШ ВА БОСИМ ЎТКАЗИШ ҲОЛАТЛАРИ
• Ўз ҳақ-ҳуқуқини талаб қилган ходимлар шарманда қилиш ёки ишдан бўшатиш билан қўрқитилмоқда.
• Раҳбариятдаги айрим шахслар ушбу шикоятларни раҳбар даражасигача етказмаслик учун бости-бости қилмоқда.

Ушбу ҳолатлар нафақат телеканалнинг обрўсига, балки унинг ходимларининг руҳий ва жисмоний ҳолатига ҳам жиддий салбий таъсир кўрсатмоқда. Бу масалалар бўйича зудлик билан чоралар кўрилиши зарур. Ходимларнинг ҳақ-ҳуқуқлари тикланиши ва телеканалнинг фаолияти шаффофлик асосида йўлга қўйилиши талаб этилади.

Масъул раҳбарлардан ушбу муаммоларни ҳал қилиш учун чоралар кўришни сўраймиз. Шу билан бирга, тегишли идоралар томонидан назорат олиб борилиши ва ҳолат ўрганилиши лозим.

Ҳурмат билан, телеканал ходимлари номидан.


💬Telegram |📱Facebook |
🐦Twitter |📱Instagram | ▶️YouTube

«ЎЗТРАНСГАЗ»ДА КИМ РАҲБАР?

Ассалому алайкум, ҳурматли Элтуз.

Мен Жиззах вилоятида ўрта мактабда бир неча йиллар давомида ўқитувчи бўлиб ишлаб келаман.

Мурожаатим шундан иборатки, ўғлим Губкин номидаги Россия Давлат Нефть ва Газ Университетининг Тошкент филиалини аъло баҳолар билан битириб, «Ўзтрансгаз» АЖга ишга кириш учун йўлланма олди. Бироқ, мана ярим йилдирки, ўғлим ишга киролмай сарсон-саргардон юрибди.

Айтишларича, у ерда кадрлар бўлими бошлиғи Шуҳрат Бобоев деган шахс бор экан. «Ўзтрансгаз»да ким ишлайди ёки ишламайди, шу одам ҳал қиларкан.

Дастлаб қўлмни кўтариб, «Ўғлим, бошқа ерга ҳаракат қилиб кўр», деб айтган эдим.

Бироқ, кўп ўтмай Бобоевнинг Жамол деган бир шогирди ўғлимга чиқиб, «Минг доллар берсангиз, Бобоев билан гаплашиб бераман. Мен у билан яқинман», деб айтди.

Бошида бу гапларга ишонгим келмади, аммо вазият тезда ўзгарди. Минг доллар бир ярим минг долларга айланди. Шундан сўнг менинг ғазабим чиқди: Нега ўғлим ишини пора билан бошлаши керак? Эртага у ҳам шундай ёмон одамларга ўхшаб қоладими? Бу ҳолатни халқ билиши керак.

Мен мажбур бўлдим сизга мурожаат қилишга. Уларнинг қилмишлари жазосиз қолмаслиги керак!

«Ўзтрансгаз» раҳбарияти ёки унинг норасмий бошқарувчилари қачон қонуний жавобгарликка тортилади? Ҳақиқатни аниқлаш ва коррупцияни йўқ қилиш вақти келди!


💬Telegram |📱Facebook |
🐦Twitter |📱Instagram | ▶️YouTube

БУХОРО ДАВЛАТ УНИВЕРСИТЕТИ ТАЛАБАЛАРИ ПОРА БЕРИШДАН ЧАРЧАШДИ

Ассалому алайкум, ҳурматли Элтуз.

Биз, Бухоро давлат университети иқтисод факультети талабалари, дардимизга ечим сўраб мурожаат қиляпмиз. Ўқитувчи Гавҳар Хидированинг якуний имтиҳонлардан пул йиғишидан чарчадик. У ҳатто реферат қабул қилиш учун ҳам пул талаб қила бошлади.

У доим докторлик диссертациясини ҳимоя қилиш осон бўлмаганини таъкидлаб, талабалардан пул талаб қилади. Бироқ биз унинг коррупция йўли билан ҳимоя қилганининг жавобгари эмасмиз, ахир.

Университет раҳбариятига бир неча бор шикоят қилдик. Афсуски, раҳбарият унинг қариндошлари университетда ишлаши сабабли уни ҳимоя қилади. Талабаларнинг иқтисодий ҳолатига эса улар эътибор қаратишмайди.

Ҳозирда якуний имтиҳонлар яқинлашмоқда. Гавҳар Хидирова гуруҳ сардорлари орқали талабаларнинг рефератини қабул қилиш учун 50,000 сўмдан 80,000 сўмгача пул йиғишни буюрган. Талабалар дарсларга қанчалик келганига қараб пул миқдори ўзгариши мумкин. Якуний имтиҳон учун эса алоҳида пул йиғилиши ҳақида огоҳлантирилдик, аммо аниқ миқдор ҳали маълум эмас.

Ҳурматли Элтуз, биз талабалар порахўрликдан чарчадик. Мусофирчиликда келиб ўқияпмиз, молиявий аҳволимиз яхши эмас. Сиздан илтимос, бизга ёрдам беринг!

Коррупцияга қарши курашиш учун бу каби ҳолатларни очиқлаштиришингиз сўралади. Биз адолат тикланишини истаймиз!

💬Telegram |📱Facebook |
🐦Twitter |📱Instagram | ▶️YouTube

АМЕРИКАДАГИ ВАТАНСЕВАР ЎЗБЕК ЙИГИТИ

Америка бўйлаб сафарим ҳам оëқлаяпти. Икки уч кун олдин ўзбекча овқат пишадиган кафеда қатлама сомса еб ўтиргандим. Ташқаридан кўк куртка кийган бир бола кириб келди.

Буюк эҳтимолда Мексика орқали Ўзбекистондан келган ҳали 20га ҳам кирмаган бола.
Балки Чироқчи¸ балки Деҳқонобод....

Юзидан болалик саммийлиги кетиб улгурмаган.

Пул топиш учун қадим йўлларда "Нон дея" сандирақлаб юрган миллионлардан бири.

"Расмингни чизсам майлими ?" десам бош ирғаб розилик берди.

Кафеда турган ўзбек байроғини ушаб туриб менга поз берди.

Чизаëтганим холстга байроқ сиғмади.

Бу беғубор йигитнинг ватансевар экани кўзидан шундоқ кўриниб турибди.


💬Telegram |📱Facebook |
🐦Twitter |📱Instagram | ▶️YouTube

Суриялик машҳур эмас қўшиқчи, Лейлас Салом, Аҳмад Шаръа (Жўлоний) шарафига махсус қўшиқ куйлади.

"Жўлони бизнинг озодлик кучимиздир, Жўлоний бизнинг етакчимиздир".

Қизиғи шундаки, Лейлас Салом Жўлонийнинг сурати олдида қўшиқ куйлаганда рўмол ўрайди, аммо Жўлони сурати бўлмаган жойда ҳижобсиз туради.

Ўзбекистондаги баъзи артистларга ўхшатвордик…


💬Telegram |📱Facebook |
🐦Twitter |📱Instagram | ▶️YouTube