Абон, 10-æм мартъийы 136 азы сæххæст уыдаид фыццаг ирон музыкалон этнограф æмæ композитор, дирижер, ансамбль «Симд»-ы бындурæвæрæг Галаты Алыксандры фырт Барисыл.

Галаты Барис Хуссар Ирыстоны рæзгæ фæлтæртæй сæдæгай зæрдæргъæвд чызджытæ æмæ лæппутæн бауарзын кодта ирон музыкалон аивад, зарын, кафын, музыкалон инструменттыл цæгъдын. Фидарæй йæ уырныдта, уыдонæй бирæтæй кæй рауайдзæн, ирон музыкалон культурæйы рæзтыл æнтыстджынæй чи кусдзæн æмæ стыр музыкæмæ фæндагыл уæндон къахдзæфтæ кæй акæндзысты, уый.

Курдиатджын композиторы сфæлдыстад у зæрдæмæхъаргæ, бирæвæрсыг. Адæймаджы культурон, инттеллектуалон æгъдауæй кæны хъæздыгдæр, бæрзонддæр, уымæн æмæ йæ уацмыстæ сты æцæг адæмон.

Галаты Барисы ном нæ адæмы хсæн цæрдзæн арфæйаг æнустæм, уымæн æмæ йæ лæггæдтæ сты егъау.

@XurZaerin