#xalqaro_hamkorlik

KANADALIK O‘QUVCHILAR PREZIDENT MAKTABI MEHMONI

Mamlakatimizda Kanadaning "O‘zbekistonliklar Assotsiatsiyasi" vakillari, o‘quvchi yoshlaridan iborat delegatsiya mehmon bo‘lib turibdi.

"O‘zbekiston bo‘ylab sayohat" dasturi doirasida delegatsiya a’zolari Toshkent shahridagi Prezident maktabida bo‘lib, ta’lim muassasasi faoliyati, ta’lim jarayonlari bilan yaqindan tanishdi.

Kampus tur ishtirokchilarini Ixtisoslashtirilgan ta’lim muassasalari agentligi direktori Alisher Ubbiyev kutib oldi.

Mehmonlarga O‘zbekistonda ta’lim sohasidagi yangiliklar va yutuqlar, Prezident maktablarining ilg‘or va innovatsion ta’lim tizimi haqida ma’lumot berildi.

Shuningdek, kanadalik o‘quvchilar ta’lim muassasasida O‘zbekistonning boy milliy madaniyati va san’ati, o‘zbek xalqi an’analarining turli jihatlari, musiqasi, raqslari va san’at shakllari haqida hikoya qiluvchi ko‘rgazmalarni tomosha qilib, o‘zlari uchun yangi bilim va koʻnikmalar oldi.

Kampus tur davomida Prezident maktabi o‘quvchilari va kanadalik yoshlar o‘rtasida samimiy va qiziqarli muloqot bo‘lib o‘tdi.

Shu kabi tadbirlar madaniyatlararo aloqalarni mustahkamlash va yoshlar o‘rtasida o‘zaro do‘stlik munosabatlarini kuchaytirishga xizmat qiladi.

Telegram | Facebook | Instagram | YouTube