Каралеўскі палац у Панямуні за паўгода патаннеў у 10 разоў!

Частку палаца (сучасны адрас вул. Прагулачная, 15/1), дзе ў савецкі час быў клуб і бібліятэка, прадаюць на аўкцыёне.

Плошча памяшканняў 271,2 кв.м,
прызначэнне - спецыялізаванае культурна-асветнае і відовішчнае.
Плошча зямельнага ўчастку - 0,1054 га.

💰Мінімальны кошт - 35,1 тыс. руб.

🗓 Аўкцыён пройдзе 16 студзеня.

Яшчэ 30 ліпеня 2024 г. за памяшканні былой рэзідэнцыі караля ў Гродне хацелі 351 тыс. руб. Палац спрабавалі прадаць і ў траўні 2023 - за 374 тыс. руб. Папярэднія разы пакупнікоў не было.

🛡Будынак ахоўваецца законам як нерухомая гісторыка-культурная каштоўнасць. Пакупнік павінны будзе цягам месяца падпісаць ахоўнае абавязацельства.

Памяшканні прадае ААТ "Гроднапрамтэхніка". У другой частцы былога палаца - жылыя кватэры.