group-telegram.com/viasna_brest/3914
Last Update:
Баранавічы: 71-гадовага пенсіянера судзілі за абразу Лукашэнкі
26 ліпеня разглядалася крымінальная справа 71-гадовага жыхара Баранавічаў Генадзя Паляніна. Пенсіянера абвінавацілі ў абразе Лукашэнкі паводле ч.1 арт.368 КК. Справу разглядаў суддзя Арцём Падалянец, паведамляе @viasna96.
Па матэрыялах абвінавачання, Генадзь Палянін, "выкарыстоўваючы ў якасці сродку здзяйснення злачынства персанальны кампутар у адкрытым для публічнага доступу карыстальнікаў мэсэнджара "Telegram" у чаце “Беларусь у шоку! Chat", размясціў тэкставае паведамленне, якое прыніжае гонар і годнасць асобы прэзідэнта ў непрыстойнай форме, тым самым наўмысна публічна прынізіў гонар і годнасць ягонай асобы."
Да суда Палянін знаходзіўся пад падпіскай аб невыездзе.
Суд, з улікам узросту абвінавачанага, прызначыў яму 2 гады "хатняй хіміі".
На фота: Генадзь Палянін у 2014 годзе
BY Вясна | Брэст
Share with your friend now:
group-telegram.com/viasna_brest/3914