taqetirega 680 Telegram Group

0:46

(کامێرای ڕۆح)

ڕۆحم
کامێرای ڕووتە و
چرکەچرکە
وێنەی شازت لێهەڵدەگرم
پڕپڕ دەبم
لە جوانیت
لە شیرینیت
لە ئەوێنت
ئەوسا جوانی دیتوو
بێ خەم دەمرم
کاتێ
پۆلێ فریشتەی خودا
دەورم دەدەن
لێم دەپرسن لە ئیمانم
لە خۆشەویستی دەستکردی ئەو
دەیخەمە سەر سەفحەی ڕۆحم
با بیبینن
سەدان وێنەت نیشتمانم !

✍ شــــــــــەماڵ ئیسماعیل‌پوور

@taqetirega

1.5K views12:32

0:39

سنوور

(بۆ مامۆستا حەسەن زیرەک)

بۆ وڵاتم
کە دەکێشن
مەودا و سنوور
نە چیاکان
نە ڕووبار و
نە جی پی ئێس
نە میتر و نە گوریس و کڕ
ئاڵای کوردی لێ‌ هەڵدەدەم
تا ئەو جێیەی
شاباڵەکەی دەنگی زیرەک تیژ دەکا بڕ

✍ شــــــــەماڵ ئیسماعیل پوور

@taqetirega

3.1K viewsedited 21:05

11:38

وتاری شەماڵ ئیسماعیل‌پوور بۆ کۆڕی ڕێزلێنان لە خاتوو موفیدە مەزهەر ، ڕۆژی 31ی پووشپەڕی 2723ی کوردی لە سەقز

@taqetirega

2.6K viewsedited 03:57

Forwarded from کتێبخانەی کوردیکا

1.2K views18:21

Forwarded from کتێبخانەی کوردیکا

1.3K views18:21

1:33

1.0K views17:08

Forwarded from بەیان-لکێنەر

‌ ‌ شڕۆڤەی شێعری ‍ کچی بەیان

شاعیر: سوارە ئیلخانیزادە (١٩٣٧-١٩٧٦)

شرۆڤەکار :شەماڵ ئیسماعیل‌پوور

من ئەڵێم:
پەپوولەیەک فڕی بە باڵی سەوز و سوورەوە
من ئەڵێم:
گوڵێ بە دەم شنەی شەماڵەوە بزەی بزووت
تۆ ئەڵێی:
چ بوو پەپوولەیەک فڕی
یانە سوورەگوڵ، زەردە کەوتە لێوی ناسکی
من ئەڵێم:
ھەتا ھەتایە دەوری جوانییە
ئەمڕۆ گەر ھەتاو کەسیرەیە نەماوە ئاگر و گڕی
مێرگی ئاسمان بە سووتمانی ھەوری لۆکەیی نەزۆک
پڕ لە خاڵ و قۆپەنە
جەنگەڵێ کە جێ ژوانی پۆلەپۆڕی باڕییە
جێگە مۆڵی کەمتیار و گورگ و ڕێوییە
شۆڕەبی کە بۆتەداری چاکی بێ نەشە و شنە
زەلکە گەر تەیاری تێر و قۆشەنە
خۆشەویستەکەم
لە پەنجەرەی نیوەتاکی بوومەلێڵەوە
چاوی من لە دیمەنی کچی بەیانییە
لە حەنجەرەی زەمانەوە
گوێم لە زەمزەمەی زوڵاڵی خیزە وردەکانی کانییە.
باسی شەو مەکە نە شایەری شەوم
باسی خەو مەکە لەلای ھومێدێکەوە فێرە سەر ڕەوم
بەو دەمەت کە بۆنی سەد بەھاری لێوە دێ
بۆنی دەشتی بەختیاری باوەشی چیای، بەدەستی با
بە گوڵ چناوی، لێوە دێ
بۆنی سەرسەکۆی بە کاگڵی، بە ئاوپژاوی، لێوە دێ
پێم مەڵی کە داکەوم
پێم مەڵێ کە ئاڵی زاڵی شەو، چاوی بێخەوی چڕە
پێم مەڵێ نەھاتنەوە ئەوەی کە چوون
مەگری بۆ خەساری بێ گەڕانەوە
ڕێگەمان دوور و سەخت و قاقڕە
خۆشەویستەکەم
ئێمە نوێنەری خەباتی ڕۆژھەڵات
ڕۆژھەڵاتی سووری ئاگرین
فێر نەبووین بەزین و دابەزین
ڕانەھاتووە
چاوی قارەمانی کورد
بە شەونمی گرین
خۆشەویستەکەم
لە پەنجەرەی نیوەتاکی بوومەلێڵەوە
چاوی من لە دیمەنی کچی بەیانییە
لە حەنجەرەی زەمانەوە
گوێم لە زەمزەمەی زوڵاڵی خیزە وردەکانی کانییە

@taqetirega

attach📎

1.7K views17:46

3:47

مقامی پێ

لە ڕازی پرچی خاوی تۆ دەبا پرسن لە بارانێ
بەدەر لەو هەورە نازارە کەسێ ئەم ڕازە نازانێ
کە ناوت دێتە سەر زارم ، سروودی نیشتمانی دڵ
ئەمن چەکداری خاکت بم لەبۆ گیانت بدەم گیانێ
شنەی باخچە و سەفای عەشقی بە پایزدا گوزەر ناکەی
وەرە شەختەم لەسەر لابە بە نەرمەشنەی بەهارانێ
شەقام دەچڕێ بەگوێماندا ، لە گۆرانی و مەقامی پێ
مەلی بەختە دەکا تەقڵە ، دەبا بفڕێتە سەر شانێ
کە دەستت دێتە نێو دەستم ، ئەوین تێیدا دەکا لانە
لە سینەمدا پەری عەشقی ، لەسەر تەختی وەکوو خانێ
پەڕەی لێوت لەرەی دێت و لە ئامێزم گوڵاو دەپژێ
پەپوولێک دێتە سەر خونچەی، کەسێ بەم ماچە نازانێ
وشە و شێعرم وەکوو داران،گەڵا دەگرن لە ڕووی جوانت
گەرووم چیدی لە دووم نایا ، دەسا پیت بێ لە چاوانێ
ئەگەر شێعریش نەبێژم بۆت، هەموو لەم ڕازە لێزانن
لە بۆنی زوڵفی تۆ دەشنێ ، شەماڵ ناخرێتە گیرفانێ

شەماڵ ئیسماعیل پوور

1.4K viewsedited 18:59

1:44

(نووری ئاتەشگا)

خۆم دەسووتێم تا وڵاتم گڕ نەچێتە نێو لەشی
چاوەکانم بابسووتێن کزنەبێ چاوی گەشی
گەر هەزاران کەمتیاریش ببنە مۆتەی باخ و ڕەز
میوەکەی سەربەست وئازاد،تۆ بەشی باغی مەشی
من گڕێک بەربێتە جەستەم نووری ئاتەشگایە بۆم
با لەبەر شۆقم ببینێ دوژمنم چارەی ڕەشی
ناحەزان ئاگر بە جەستەی نیشتمانمدا دەکەن
من لە ئاوی مۆمی ڕۆحم پێی دەدەم ئێستا بەشی
پڕ بە مێژوو ئاگری بەربۆتە جەستە و ئێستەکەش
هەربەپێوە ڕادەوەستن دوند و شاخی سەرکەشی
ڕۆحی یاران بۆتە باران، قاقڕی خاکی وەتەن
لادەچێت و داری ئاوات دێتەوە کات و کەشی
سەدهەزاران خەونی پیست بۆ دەبینن خێڵی شەو
جوانی فەرموو مامەهێمن هەردەمێنی وهەر هەشی

شەماڵ ئیسماعیل پوور

@taqetirega

1.1K viewsedited 10:33

3:41

1.0K views20:56

دەنگ کاوە مەولانی

مزگێنی(د.ک شەماڵ)

‍ (مزگێنی)

هۆ گەزیزە
شۆخە کیژی مزگێنی‌دەر
هاتی؟
بەڵام
لە چی دەدوێی ، لە کام خۆشی
بۆکام بەهار
بۆکام جوانی
بۆکام نەورۆز پەلدەکێشی
لێرە زستان
نەک چلەیەک
نە دوان و سیان
چلەچلە مەرگی پێیە
بۆ کوێ دەچی
سەد هەواریش بگوێزیەوە
خێوە دەردان
لە سەر ڕێیە
هاتی ....
بەڵام
چاوێک نییە
سێحری ڕەنگت بیهەژێنێ
دەنگێک نییە
لە لاپاڵێک
بەلاتەوە بچریکێنێ
ئەوانەی وا دوورە مەرگن
بازرگانی پیسی و شەڕن
کوێر و کەڕن
هەرگیز لە جوانی تێناگەن
پیستر لە هەر ڤایرۆسێکن
گولن ، گەڕن
جوانییەکانی مرۆڤ دەدزن
لە نێو چاوی ئەهریمەن و
تاریکی‌دا
هەڵی دەچنن
ڕێگە لە زەروان و خۆر دەگرن
بڵێسەی ئاگر هەڵدەلووشن
کە "با" نەبوو
قورسن، ترسن
لاسارێکی شڕودڕن
تووشن
کە گەردەلوول
وەگەڕکەوت
سووکن ، خوێڕین ، بابردەڵەن
پووشن
هۆ گەزیزەی چاوگەی جوانی
هەرچەند سەبر
کۆشکی بەختی لێ‌ڕووخاندووم
سەدان زێڕینە هەلی لێ‌ئەستاندووم
بەڵام
بڵێ بەهار بەسەبر بێ
هەلم بدا با ئەم جارەش
پشتم بە چیا و خۆر ببەستم
ئەوسا
دەبمە پیرەداری سەر ڕێ
سەخت و بەهێز
تا هاتنی مامەنەورۆز ڕاودەستم!

شەماڵ ئیسماعیل پوور

@taqetirega

1.2K views17:42

0:34

@taqetirega

1.0K views11:28

1.2K views11:28

(کۆیلەی خۆزگە)

شەماڵ ئیسماعیل پوور

بەدوای چیدا وێڵن
گەلحۆیانی ژیان‌دزراو
ئەی ئەوانەی
زیوار ساتێک بوونی ئێوە لەخۆ ناگرێ
تاکەی لەنێو تەڵەی چەنە و
بۆگەنستانی بیری چەوتیان
مەلی مردووی ڕۆحی سستان ئۆقرە دەگرێ
لەجێی گێژی و سەرگەردانی
لەجێی تەقڵە و داپەڕین و
کەرمەستی نێو دانگەی کوێخا
لە خەرمانی بیرتان بدوێن
لەنێو کانی هزری خۆتان
لەگەڵ نەغمەی وردە زیخا
گۆرانی بۆ عەشق بچڕێن
دەبا ئیتر وردە بێچووی ئەم کەنارەش
ببنە ماسی چەقی دەریا
دەبا چی تر ڕۆڵەی چیا و بەڕوو و پێدەشت
نەبنە کۆیلەی خۆزگە و بریا

@taqetirega

1.2K viewsedited 08:23

4:00

ئەو دەمەی دەپژێ لە دڵمان سۆز و دەنگی تاهیری
دڵ دەخەمڵێ وەک گوڵستان نامێنێ هیچ ئایری
سێحری دەنگی دێتە سەر باڵی شەماڵ و پێم دەڵێ
وا لە قوڕگی تاهیری دا هەست و فەن و ماهیری

شەماڵ ئیسماعیل پوور

@taqetirega

2.9K views07:24

( شاخەوانی)

✍️ شەماڵ ئیسماعیل‌پوور

لە کوردستانی دێرینم
هەر لووتکەیەک خاوەن ڕازە و
جێپێی سەدان قارەمان و
شاسوارە لەسەر شانی
هەر شارێکی نیشتمانم
گەورە سڕڕی لە دڵدایە و
دیرۆک دیرۆک
بۆتە مان و ناونیشانی
بۆ نەغەدەی سندووسیشم
بوونە هێما
هەڵۆبوون و شاخەوانی

@taqetirega

1.2K viewsedited 17:49

2:49

(نووری ئاتەشگا)


خۆم دەسووتێم تا وڵاتم گڕ نەچێتە نێو لەشی
چاوەکانم بابسووتێن کزنەبێ چاوی گەشی
گەر هەزاران کەمتیاریش ببنە مۆتەی باخ و ڕەز
میوەکەی سەربەست وئازاد،تۆ بەشی باغی مەشی
من گڕێک بەربێتە جەستەم نووری ئاتەشگایە بۆم
با لەبەر شۆقم ببینێ دوژمنم چارەی ڕەشی
ناحەزان ئاگر بە جەستەی نیشتمانمدا دەکەن
من لە ئاوی مۆمی ڕۆحم پێی دەدەم ئێستا بەشی
پڕ بە مێژوو ئاگری بەربۆتە جەستە و ئێستەکەش
هەربەپێوە ڕادەوەستن دوند و شاخی سەرکەشی
ڕۆحی یاران بۆتە باران، قاقڕی خاکی وەتەن
لادەچێت و داری ئاوات دێتەوە کات و کەشی
سەدهەزاران خەونی پیست بۆ دەبینن خێڵی شەو
جوانی فەرموو مامەهێمن هەردەمێنی وهەر هەشی

  دەنگ و ئاواز: هونەرمەند وەستا حەسەن کاکایی
شیعر:   شەماڵ ئیسماعیل پوور

@taqetirega

1.8K views19:27

Forwarded from دەریا ئازەرپوور

1:10