Сәид Галиуллин «Голос. Дети»проектында икенче урынны алды.

Җиңүчедән Казан җырчысын берничә процент тавыш аерган.

🌟 TatNews Tatar

Дәүләт Думасында өйдә «чүплек» оештыручыларның фатирларын тартып алырга тәкъдим иттеләр.

Депутат Сергей Колунов антисанитариягә эләгүче шартлар исемлеген киңәйтергә һәм штрафларны арттырырга тәкъдим итә. Әгәр штраф санкцияләре эшләмәсә, торак мәйданын мәҗбүри тартып алырга.

Ул билгеләп үткәнчә, мәсьәлә шактый җитди. Әмма мондый милекчеләргә Административ хокук бозулар кодексында антисанитария өчен 500-1000 сумлык «көлке штрафлар» белән бер генә маддә бар. Колунов аның буенча сирәк җәлеп итәләр, ә күршеләр мондый шартларда еллар буе яшәргә мәҗбүр, дип өстәде.

🌟 TatNews Tatar

Безнең аффирмацияләрнең икенче өлеше 😇

🌟 TatNews Tatar

Г. Тукай исемендәге Татар дәүләт филармониясендә 15 декабрьдә «Кайтаваз. Әлфия Авзалова» концерты була.

Чара күренекле совет һәм Россия җырчысы Әлфия Авзалова мирасына һәм «Калеб»берләшмәсенең яшь авторларына багышланачак. Бу хакта легендар җырчының кызы һәм аның исемендәге фонд җитәкчесе Зөлфия Авзалова хәбәр итте.

Концертта Филүс Каһиров, Эльмира Кәлимуллина, Алинә Шәрипҗанова, Эльза Исламова, Илгиз Шәйхразиев һәм башкалар чыгыш ясаячак. Музыканы дирижер Ильяс Камал җитәкчелегендәге К. Тинчурин исемендәге Татар дәүләт драма һәм комедия театры оркестры башкарачак.

🌟 TatNews Tatar

ХХ гасыр башының бөек татар шагыйре, җәмәгать эшлеклесе, меценат, алтын приискалар хуҗасы булган Дәрдемәнд (Закир Рәмиев) исемендәге премия тапшырылды.

Премия ияләрен Казан кооператив институтында V Халыкара Татар мәдәнияте үзәкләренең онлайн фестивалендә бүләкләделәр.

Быел Дәрдемәнд премиясенә Татарстан Республикасы Әлки районы Нәби Дәүли исемендәге Базарлы Матак гимназиясенең 10 нчы сыйныф укучысы Камилә Мусина, Татарстан Республикасы Балык Бистәсе районы Югары Тегермәнлек мәктәбенең 9 нчы сыйныф укучысы Әмир Габдрахманов лаек булган. Аларга Мәскәү шәһәренең тарихи урыннарына сәяхәт кылу өчен сертификат тапшырылган.

Чыганак: ТИ

🌟 TatNews Tatar

Нигмедзяновой Зульфие Гумеровне – президенту «Фонда сохранения и развития творчества певицы Альфии Авзаловой» – присвоено звание Заслуженный деятель искусств РТ

🌷Иптәшләр Татарлар

Казанда татар аш-суы рецептлары белән открыткалар җыентыгын тәкъдим иттеләр.

Әлеге открыткалар җыентыгы — узган елгы Сабантуйда ук башлап җибәрелгән эшнең нәтиҗәсе. Ул вакытта рецептлар җыю игълан ителде. Электрон һәм кәгазь формада 200гә якын гариза кабул ителде, шулар арасыннан 123 рецепт сайлап алынды. Нәтиҗәдә җыентыкка 54 рецепт керде: гөбәдия, ит бәлеше, ат итеннән колбаса, өлеш, өчпочмак һәм башка милли ризыкларның вариантлары.

Җыентык өчен иллюстрацияләр һәм фотографияләрне Н. Фешин исемендәге Казан сәнгать училищесы каршындагы Креатив индустрияләр мәктәбе студентлары әзерләгән. Фоторәсемнәр ясау өчен ризыкларны В. Тимирясов исемендәге Казан инновацион университеты студентлары пешергән.

Рус һәм татар телләрендәге басмадан тыш җыентык инглиз һәм гарәп телләрендә дә җитештерелгән.

Чыганак: ТИ

🌟 TatNews Tatar

🌟🌟🌟 Данир Сабировның хәтта эте дә татарча аңлый.

🌟 TatNews Tatar

Шәхси компания татар әкиятләрендәге Алтынчәч һәм Убырлы Карчык персонажларын патентларга ниятли.

«Шүрәле», «Су Анасы», «Камыр Батыр» товар билгеләрен һәм татар фольклорының башка геройларын теркәгән «Милли уенчыклар» ҖЧҖ «Алтынчәч» һәм «Убырлы Карчык»ны теркәүгә гариза биргән.

Шулай ук «Милли уенчыклар» директоры «Татар егете», «Татар кызы» һәм «Татар әкияте йорты» товар билгеләрен теркәү планнары турында да әйтте.

🌟 TatNews Tatar

🌟🌟🌟 Мариин театры балеринасы Татарстанның атказанган артисты Ильмира Баһаутдинова Мурманск өлкәсендәге Кече Вудъяр күлендә боз өстендә «Лебединое озеро» балетының фрагментын биеде.

2021 елда балерина Фин култыгында да аккош биюен башкарган иде.

Чыганак: Сөембикә журналы

🌟 TatNews Tatar

Бу сезгә бабайдан үзеңне ничек яратырга кирәклеге турында кыска курс 😉

🌟 TatNews Tatar

Яшел Үзән районының Олы Ачасыр авылында татар мәгърифәтчесе, галим һәм язучы Каюм Насыйри туган һәм яшәгән йортны торгызырга ниятлиләр.

ТР Мәдәни мирас объектларын саклау комитеты Тарихи-мәдәни экспертизаның уңай нәтиҗәсен бастырды.

Хәзер бу урында Насыйри хөрмәтенә аталган архитектура-этнография комплексы урнашкан. Реставрация барышында диварларның һәм цокольнең зарарланган тышын алыштырачаклар, җимерелгән элементларны һәм югалган детальләрне торгызачаклар. Шулай ук түбәне ныгыту һәм аның өслеген яңарту планлаштырыла. Эчке яктан инженерлык челтәрләрен яңартачаклар һәм тарихи-мәдәни элементларны реставрацияләячәкләр.

🌟 TatNews Tatar