group-telegram.com/tealkramm/318
Last Update:
ليلة السابع محرم ١٤٤٢
زينب عباس الخيل امغيرته
زينب مريت ابصفه ومعرفته
زينب راح وراحت كل الخوه
زينب زينب
__________________
فتت من يمه بس شصار ونداريت
من عده واشمن ريحت اهل البيت
قبل ماكلي رايح انه اله حنيت
انكسر ضهري ورجعت الخيمتي وطبيت
زينب ماادري ايريد ايفاركني
زينب شميته ومن نحري ايشمني
زينب انه امضيع واحد يسوه
___________________
رجعت الخيمتي بس انه مامرتاح
يم الشاطي كمت اسمع دوي وصياح
صحت اخ وعرفت احزام ضهري الطاح
باجر نلتقي روس وعلينه ارماح
زينب هاي الااخ شسوت بيه
زينب طايح بس اعيونه اعليه
زينب طايح بس ابروحي اشسوه
____________________
وجه عباس مايتعوض ابأي ناس
محد مثل اخوي ايشبه بس عباس
شافوني وحيد وحاوطوني الناس
بعد بيمن ازامط من مشى العباس
زينب راح الجان الضهري احزامي
زينب واحدهم يضحك كدامي
زينب صعبه الشايل سيفه ويهوه
_____________________
هيه المشكله من كتله رد اوياي
كلي السهم خويه مجلب بعيناي
من اتجره خويه ابهيده موبهداي
عمت عيني يخويه وعمت عين الماي
زينب ماكو اجفوفه ويمه الرايه
زينب ضل يسئلني اعليج اهوايه
زينب سهم ابعينه وضل يتلوه
______________________
ماحاسب جنت جاهيه مال اوداع
قبل اشويه يمي وراح مني ابساع
موعباس روحي الضلت اعل الكاع
وعلي جان اشتريت الخوه لوتنباع
زينب محد يسمع صوتي ودمعي
زينب جن فاكد واحد من ضلعي
زينب راح وراحت كل الخوه
محمود الساعدي
BY محمود الساعدي
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/tealkramm/318