group-telegram.com/tealkramm/341
Last Update:
هيبه حيدريه "" غيره هاشميه
بيهه هيبة الله" مامشت سبيه
-------------------------------------
حته لومسبيه هم تبقه أميره
هيه تسبي الشام ماراحت اسيره
هيه صح وحدهه بس تسوه عشيره
شجره كل ماتنكسر ترجع جبيره
تمشي جنهه غيمه ""وبقلبهه خيمه
بل صبر تحلت """ مامشت سبيه
---------------------------------------
ياهو كال الحره زينب يسروهه
الضوه مايجتف وماجتفوهه
مثل سبع الكنطره يعرفهه أبوهه
هايه أخت أحسين والعباس أخوهه
دمهه جنهه دمه هيه جنهه نسمه
جن نبي واجاهم مامشت سبيه
----------------------------------------
كل عقلهم للسبي تروح العقيله
هيه ذلتهم ولاراحت ذليله
صعدت أعل الغيم موناكه هزيله
من وكع عباس سموهه الكفيله
خيمة السبايه جانت العبايه
ماطلع دمعهه مامشت سبيه
---------------------------------------
أن ها زينب الطلعت من خباها
طلعت وراية علي طلعت وراها
شو زلمهم سكتو بطلعت ضواها
الزلم تتراجف بقت مدري شجاها
تسولف أبراعه تمتلك شجاعه
طبت القصرهم مامشت سبيه
---------------------------------------
جبل شامخ مايقيدوهه بسلاسل
جانت تحاجي الشمر وتعرفه جاهل
جانت أمغطيه السمه فوك المحامل
بل شدايد زينب تصير أبوفاضل
لفت أبعباهه كل طفل أجاهه
تمشي جنهه سبحه مامشت سبيه
-----------------------------------------
غيمه ترست كاع الحسين بمطرهه
ستر هاي الدنيا مايوصل سترهه
حتى فوك الكاع ماينشاف أثرهه
شلون تبقئ أبضلمه أبوفاضل كمرهه
شامخه لكوهه تحاجي راس اخوهه
لاتهم يغالي مامشت سبيه
--------------------------------------------
ياجسور اليحجي وي الحره كلمه
مره بس أتعادل اثلاثين زلمه
هيه جن عباس اخوهه ودمهه دمه
كلمن يشوف ابوفاضل ينسه اسمه
زاهده بعلمهه يرتفع علمهه
زينب الاميره مامشت سبيه
-----------------------------------
خلص بتسبيحة الزهره دربهه
الدنيا تهتز بينه من تحاجي ربهه
هيه تل أمن الحزن شايل كلبهه
بت علي الكرار سيف الماعرفهه
زينب العقيله شامخه وثكيله
مختصر كلامي مامشت سبيه
محمود الساعدي
BY محمود الساعدي
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/tealkramm/341