حسين يااباعبد الله ❤️ حسين يااباعبد الله
_______
شيباتك طينهن والطم عل غريب
وهدومك شككهن للجسم السليب
مرسالك دمعاتك يوكع عل خيام
وتعلم تفديهم من جون وحبيب
_________
حزن الوادم فترى وينسونه أكيد
بس حزنك مايعتك يرجع من جديد
عايش بيه أمصابك مافاركني يوم
انته اقرب من كلبي ومن دم الوريد
_________
لاتحرمني بواهس ارد ابجي عليك
ماريد ابعد عنكم قرب كلبي ليك
يادمعاتي وحزني وياجرحي الجبير
موبس انه وكلبي روحه مجلبه بيك
_________
يامنحور وضامي وعطشان وصريع
فدوه انه وكل أهلي لكماط الرضيع
مابايع خدامك شراي انت دوم
هاي الوادم كله بس تعرف تبيع
__________
من غيرك مانقبل نستجدي الدموع
ياهو البينه اعليكم مايقبل يلوع
عطشان وترويني وانه اعطش عليك
ياعطشان ودامي ومكسور الضلوع
__________




محمود الساعدي

من ألعام أمتانيك انه. فاتحلك قلبي وبيبانه
ماناسيك ولاتنسانه. ياهلا يازاير

فرصه لاتحرمني منهه. هل سنه خليني أخدمك
والله لوترضه يزاير. أنه أبوس أتراب جدمك
بيك أشمن كربلائي. وأشتم الحظره من أشمك
انه اعرفك راعي غيره. يجري الحسين ويدمك

اليوم أوياي أتفضل زاير
بات أبيتي وأطلع باجر
كلشي تريده يصير وحاظر ياهلا يازاير
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
والله موبس المواكب فاتحين الكم قلبنه
لاتحرمونه الخدامه احنه واهسنه بتعبنه
احنه مايجمعنه موكب حب الحسين الجمعنه
احنه غربه والتقينه والخيم صارت وطنه

كل موكب بيتك تعتبره لوماجيت اتحسر حسره
تلكاني امتانيك بعبره ياهلا يازاير
__________
بل درب شايب اشوفه يسابك الشاب بمشيته
بلزياره شفته يمشي وعل سواتر هم لكيته
جن حبيب وشفته فازع للخيم راح بحميته
شفته بتراب الزياره طين ارموشه ولحيته

مملوحه وحلوه حجاياته. بلحب مطين شيباته
يواسي المذبوح بدمعاته ياهلا يازاير
__________
انه فاتح كلبي الكم وانتظركم ليله ليله
موسنه مرتة عليه جاي احس كلش طويله
الزاير الماشاله موكب انه بعيوني أشيله
انه وهلي والعشيره فدوه لعيون العقيله

شرفتني البيت بيتك. تفتر بكلبي لكيتك
قلبي جاباني واجيتك ياهلا يازاير
__________
جنكم اهلي وعني غابو كل سنه متانيكم انه
صارة الفركه طويله والله مشتاكه القانه
عمي خدمتكم شرفنه وكربله حبنه وهوانه
الماخدم هاي الزياره تلكه ويلاده بمكانه

مايضل مجانه خالي. شانه يم حسين عالي
مابرد كلبه الموالي ياهلا يازاير


محمود الساعدي

الك سلام. يل رحت شخبارك
الك سلام. ليش عايف دارك
الدار الفرغت أمن الضيف شايل يعني راعيهه
بنتك فزت اعل ال اه يل وجهك يداويهه
هيه الضيعت مسلم ياهو اليعرف شبيهه
بكد شط العرب والنيل اذا تحسب بواجيهه
دمعي تارسني وبلل جفوني
انته كل أهلي واهلي عافوني
أريد اموت بل هجر والنايحه
اريد اموت. كلبي ناصب فاتحه
_________
حميده تكول كافي أفراك مسلم ارد اشم عطره
يمر دونك فراغ اليل بين الحسره والحسره
بغيابك ليش أضل عدله اموت عليك هل مره
الفاكد من يمرله أغروب يلزم دمعته وضهره
كلبي الاجمني يكلي ماترجع
كوه لازمته أمن الجسد يطلع
بجفاك أموت عدله المن باقيه
بجفاك اموت. انت بويه العافيه
__________
رسايل شوك الك وديت ولاكن مااجه ردك
نفس انت وخنكني الشوك اعيش شلون من بعدك
منو يعوضني أبوي الراح خيمه واكعد بسدك
بل دنيا حرام أتعيش ؤابوك يروح من عندك
بويه محتاجه. الشوفتك عيني
تدري من دونك. دهري ياذيني
اشم هواك واطفى مثل الشمعه
اشم هواك اليله اخلصه بدمعه
__________
واكف يمي جان أحسين من وصلوله مكتوبك
تغير لون وجه بساع شوف شلونه محبوبك
يشم حسين بل مرسال وانه أشتم بثوبك
أرجع فرح أبنيتك أورجع شوف يعقوبك
هب عطر منك وانه شميته
كلي مايرجع مسلم البيته
بقت لي روح شوفتك تحييهه
بقت لي روح وهجرك أماذيهه
__________
بل كوفه ؤاجاك الصوت من أبنيه مشتاكه
شحالك لوشفتني شلون مجتوفه على الناكه
ماهمني اليصير أوياي أنتظرتك يمتى نتلاكه
موتدري العزيز أهواي بويه أيتعب أفراكه
من كلب بنتك أبعد الكوفه
ضيعت كلبي يعني ماشوفه
صحت تعال والصدى ضم صوتي
صحت تعال قبل ساعة موتي
_______

محمود الساعدي

يحب الله اليحبكم. تعشكون الخدمكم
الحرك روحه الخيمكم عنده حركه
______
اكره اليمنعني الطم هذا من عدنه شيريد
هذا مايملك عقيده هذا العن من يزيد
ياحسين المايحبكم هذا كلشي مايفيد
حزن كل الناس يبرد بس يظل حزنك جديد
جمر صاير كلبنه. نواسي الزهره ردنه
عل أنصار انحسبنه عدنه حركه
______
ثورة عد اهل المجالس واسمك يضل الشعار
عادة الشيعي الموالي خوش زلمه ودمه حار
احنه من عابس ورثنه الفزعه والحب والسمار
شلون يبجون اعل زينب علمت ولدي الزغار
اعلمهم قضيه. يواسون الزجيه
المصاب الغاظريه. عدنه حركه
_______
كل سنه مشايه نطلع سيدي ويعلى النداء
نطلع امن الناصريه ونعتنيك الكربلاء
مانعوفك يل نعرفك سيد الحب والولاء
الله يحسن خاتمتنه وكون موتتنه بعزاء
الك زوار اجينه. دمعنه يواسي بينه
ترى اليبجي الحسينه. عدنه حركه
_______
انت ياملح السوالف تعشك الرايد يجيك
بعد جم يوم الزياره وانه مشايه أعتنيك
حزنك مبين عليه سيدي قربني ليك
شفت ابوي بيوم عاشر طايح اعكاله عليك
يمن تسوى البواجي. ملح كل المحاجي
نذب حتى الخواجي عدنه حركه
_______
انت يادين المشاعر بيك اليسولف يحير
المايخدمك صعبه يكبر يبقى كل عمره زغير
حمزه صح اسمه الزغيره وانت سويته الجبير
كلمن يحاربني يعرف انه اعوفك مايصير
يضيع المابجالك. ولمفارك وصالك
مثل لوعة عيالك. عدنه حركه
________
للخيم منذوره روحي وكل هلي وكل العمام
شلون اضل ابيت كاعد والحسين بلا خيام
سلمة انه بدمعتي وانت رديت السلام
انت مسك الدنيا كلهه وللحزن مسك الختام

يضل ثابت شعاري. حسيني كربلائي
ابد ماتطفى ناري. عدنه حركه
______
محمود الساعدي

وين وين. يافرحتي وعيدي
وين وين. عايفني يو ليدي
انت كلشي بيه. رايح امن اديه
______
هايغالي. وكلشي غالي. بويه اليفاركله غالي يشبع جروح
وجهي ذابل. ظهري مايل. هسه انت ياعلي لو انه مذبوح
وين يل عايفني والوادم ولتني
تعوف ابوك الوحده. ماعودتني
انه ماعايز جروح وجملتني
ليش ليش عايفني يل غالي
ليش ليش طيفك هجر بالي
الدمعه مواليه رايح امن اديه
______
يبني اسمع.روحي تطلع. ياعلي حتى النفس بضلوعي مخنوك
محني ظهري. وانت تدري. بماي مايطفى يبويه الكلبه محروك
يبني وجهك والهوه ضاعن عليه
اباب خيمتنه ورفعت اثنين اديه
يل علي رجع علي سالم اليه
راح راح كلشي حلم انته
راح راح كل عمري ودعته
تانتك رقيه رايح امن اديه
________
جرحي يكبر وانت تزغر. من كثر طعن السيوف وهاي الارماح
انه اضلن .عايش المن. هوا جان وليد عندي وعافني وراح
بويه تدري بروحتك كلبي كسرته
عايش المن ياعلي اليدفن ظحكته
ليله اضلم ياعلي الفاكد شمعته
ليل ليل ياثكله عل فاكد
ليل ليل فاكد اعز واحد
مانضل سويه. رايح امن اديه
_____
هزني الافراك وانه مشتاك مثل رمشة عين يبني صار الاوداع
جنت اباريك وانه ادريك ماي من اطيح بويه تشربك الكاع
ريحتك جابتني يابويه واجيتك
ياعلي من العطش يابس لكيتك
تعوف ابوك الوحده تقبل حميتك
موت موت. يل فيني بغيابك
موت موت. من تفكد احبابك
كون الي المنيه رايح امن اديه
_____
والتتانيك. تعرف شبيك من طلعت امن الخيم لزمت كلبهه
ضلت تكول. ابني مجتول. ياعلي ضلت ولا تندل دربهه
امك اباب الخيم تنطر رجعتك
انه كوة تحملت مذبوح شفتك
من كثر فيض الدمه كوه عرفتك
اه اه ياتعبي وسنيني
اه اه بل هم تخليني
صعبه احس عليه رايح امن اديه
_______

محمود الساعدي

ياعباس دخيلك ياعباس

شد العزم ضل بلزلم يردم ردم
غيض الهواشم كله عد العباس
زلمه ويشور عده شارة ساده
سبعين الف ضد واحد وطب عباس
ضل بلنهر يشمر بروس القاده
________
هذا الشهم. شد العزم . يرسم رسم
كدام اخوي شلون يوكف حاجوز
همه الهواشم للحرب شرايه
دك صدره اليه وكال فدوه الجفين
زلمه الكفلني ومايثني احجايه
________
يم النهر. جيش انكسر . هوه انتصر
هيه المراجل صايره وي العباس
هيبه العساكر تجفي من طكاته
غيره اشتعل من كتله عباس الماي
ضل يرعد وجوه السمه بريشاته

________
زلمه وكلف. بي ينحلف ينعد بالف
سبعين الف عل مشرعه وبس عباس
شيخ السوالف بل سوالف يفرض
كاع الله خلصت مايخلص عباس
خل الزلم بل عكس كامت تركض
________
راعي الشيم .شال العلم .الموت أنهزم
كلمن يكابل سيفه ناوي اعل الموت
والمايكابل سيفه خوفه يكتله
بس كتله اريدن ماي كال تبشرين
نهر الفرات اليوم يمج كله
_________

محمود الساعدي

من ذيج الخيام. مر عل سبي عام
متغيره من هم اليسر
قلبه يموت ال ينتظر
______
خويه اليضل وحده يموت بحسرته
ماكو ناس تسكته وتنشف دمعته
بكلبي ضل مصابك وتلهب جمرته
خويه حافرهم يدج فوكاك شفته

شمسويه الاسهام. مكسرات الاعظام
والحافر الرض الصدر
_______
بسرعه رحتو وخاليه عفتو المنازل
أديار هاشم بعد مايكصدهه سائل
خويه زركه جفوفي من كد السلاسل
راحن جفوفي التحبهن يابوفاضل

الشالنك هواي. جرحوهن اهواي
كل ساعه كلبي ينعصر
_______
خويه زينب تبجي من اليوجعنهه
تحجي عن الطف سوالف تعبنهه
مومثل ماراح خالي رد ضعنهه
من اجتك للنهر عثرت بابنهه

انته اغله بهواي ياابني ياماي
ضليت اكومن وانهطر
______
يوم دفنتكم اجيت وهاي حيره
علي وليدك خويه لماك بحصيره
كمت احس الدنيا بفراكك كصيره
اكبار حسرات ال بكلبي موزغيره

لوكالون تهون. دم تبجي الاعيون
والدمعه يوكع ينكسر
______
شلون تقبل للسهم ياخذ مكاني
يل جنت يوميه اشمن نحرك اني
شما يدك بابي كلت عباس اجاني
وين جانت هايه اليه يازماني

فز كلبي تابوت. حيل شتهه الموت
والدنيا صارتلي كبر
_______
بيوم ميمونك رجع خالي اليه
هنا كمت اتصور مجتفين اديه
وعل هزل مريت من يمكم سبيه
سلمت بس ماكو واحد رد عليه

جرحتني الايام. ودتني للشام
علمني بجفاك الصبر

______
محمود الساعدي

صاحب فاتحة وفاكد. ومضيع اعز واحد
فاكدلي بشر تارس ضوه العين
شلي بدنيتي ومابيه الحسين
____
صاحب فاتحه وملجوم حك من يلطم وينعه
اذا ماتوكع اعل حسين المن رايد الدمعه
تعرفه على واحد زين لمن توكع بسرعه
البكلبه حجي مضموم ياكل صفحة من ضلعه

والملجوم من ناسه الشيب يجلجل براسه
الله يساعده الكل اهله ميتين
____
ياهو الضل ابو عطشان مامش ماي يسكونه
بلبر ضل ثلث أيام طايح مايشيلونه
المضيع هله ياناس محد يعرف شلونه
المضيع ضحكته شلون جابيمن يسكتونه

انه مضيع ابو وصاحب شاب انه وصرت شايب
احس اجدامي ثكلة عل خطوتين
____
حكه المثلي يحزن دوم وبكلبه حجي يألمه
ماشايفلي ميت يوم فصلو راس عن جسمه
جاليش انه ابوي حسين طاح وسلبو هدمه
ربعه وكل اهل بيته ضلو بس جثث يمه

الحزن ماينكضي جنه ونه أدرفع بونه
ماابرد لون أبجيلي نهرين
___
والله الرايحيله أعزاز حكه بسرعه يتغير
عبدالله بذاني يصيح والكاروك صار أحمر
انه العنده رفعة راس يم المشرعه موذر
انه الفاكد العريس والفاكد علي الاكبر

دلول الولد راحت. والحنه دمع صارت
كمر عل مشرعه عايفله جفين
___
ياريت حلم ينزاح نار بكلبي مستعره
لوعبدالله مامذبوح هسه صاير شكبره
موضامي ولاعطشان ولاجاس السهم نحره
وروحن يم ابوي احسين اطلع اسهام من صدره

بلكي يصير ملكانه. بويه يكلي هذا انه
يرجع للعقيله أمتانيه أسنين

محمود الساعدي

السلام عليك يامولاي ياعلي ابن الحسين

حي الله اخوي. حي الله عباس
___________
مالك الاشتر يسولف موقف ويتصوره
مره ابوفاضل خزرني جنه يوم الاخره
كتله ياحيدر دخيلك منك ارجو المعذره
ازغير بعده بس يخوف حيل سبع الكنطره

تكتل خزراته. كلفه احجاياته رفت ريشاته
الله اليستر من عباس تخوف خزرت عينه
هذا الغيور كله. غيره ونوماس
___________
يعادل السبعين اخونه وماكو زلمه يعادله
رايد العباس خيبر ماتكفي كربله
الجابت الكافل وفيه وبت اصول معدله
موحليب ترضعه جانت كله غيره ومرجله

غيره مرضعته. حره الجايبته يوافي معلمته
راعي الغيره وراعي الجود دخيل الكافل اسمه
هاي الالوف. طاح بيهم وهواس
________
يبدي بل جيش انكساره لودخل راعي العزم
جنه طوفان ودخلهم يردم العسكر ردم
حتى قائدهم يكلهم انه جاي احلم حلم
انه كل مادير عيني اطيح صفحه امن الزلم

حيرني الكافل. جن حيدر نازل. لوطب يقاتل
كالو حيدر بل ميدان العسكر خل يتشاهد
هذا الشجاع. مايطخ الهم راس
__________
لوشمس عن عيني غابت بينه ماتترك اثر
خل تصير الدنيا سوده عدنه ابوفاظل كمر
حتى من يوكع كفيلي يوكع شلون المطر
مره ماخلاني اعطش فايض بكصته النهر

مااعطش اني. الكافل رواني. من عينه انطاني
ياهو المثلك يلعباس اليفدي جفوفه وعينه
هذا ابن ابوي للخوه دك ساس
________
والفرات شكده لاكن من أبوفاضل روه
شيخ ابن شيخ ومضيفه مايسد بابه الهوه
معزب ومن ناره يمكن حاتم الطائي انجوه
الموت اذا كاصد علينه نصبله فنجان أكهوه

حياك أنكله. مكضيه وسهله. الموت يريد أهله
ونته معزب ملك الموت شلون الموت يخوفك
بلحومه صار ملحمه وركضت ناس
________
طب أبوفاضل عليهم بلركب سيفه يحز
الجندي واكف بس اشوفه من خياله ضل ينز
ضل يقلب صفحه صفحة بل عساكر ضل يجز
انه شديت بيمينه من ابو الحمله حرز

الماعاف الصيده حطهم بين ايده. صكار البيده
انت الحرالماتلاح تلوح الجيش بكيفك

بيمن اخوي يازلمه ينقاس

محمود الساعدي

اجه اليل. اجه اليل. وعلي راح. للكبور
اجه اليل اجه اليل. وعلي هوايه مكسور

شلون القلع باب يوكع ياترى
هد حيل ابوتراب درب المكبره
——————————————————
حيدر وماجنه حيدر. طير ينشاف وجريح
منه يرجف كلشي واكف هسه من يوكف يطيح

يبجي وعينه الصوب الباب
الله يعينه يعيش اصواب

اويلاه. اويلاه صحت صوت اويلاه
يزهراء يزهراء بعلي شلون يزهراء


وسفه علي شلون كسرو خاطره

————————————————-
فاطمه جرحج هدمني وبيه ينشاف الونين
البيت فاهي بلا وجودج فاطمه ام قلب الحنين

ظلمه الدنيا بعيني هواي
الله يصبرني اعل الجاي

يرجعون يرجعون المشو وين يرجعون
بل عيون بل عيون. ادفنتهه. بل عيون

انه الوكت حيل طكني بخنجره
—————————————————-
انتي روحي واعز مني. واعز من كلبي وغلاج
انطي كلبي وكلشي بيه لو عرف شنهو دواج

كلش مكسور انه اعليج
لوتردين ضلوعي انطيج

بلاروح بلاروح علي يموت بلاروح
بلاروح بلاروح جسد ضال بلاروح

نارج بل ضلوع ضلت مسعره

——————————————————
انه ساكت والسوالف بل كلب ضلت تعيل
الحزن كال ادخيل عندك وانه ماانطي الدخيل

مكتوب فراكج والصار
مكتوب يذبحج بسمار

سوه نموت سوه نموت تمنيت. سوه نموت
سوه نموت سوه نموت بل فراك. سوه نموت

بضلوعي جلمات احس مطشره
——————————————————-
ياعلي الله يعينك فركتي صعبه عليك
ياعلي فكد التحبه مشيبك وشمسوي بيك

انه مسامحتك معذور
يابعد اهلي شكد مكسور

علي وياك علي وياك. عل فراك. علي وياك
علي وياك علي وياك. القلب صاح علي وياك

تعبتك اهواي ارجو المعذره

——————————————————-
محمود الساعدي

يابوعلي. دخيلك يابوعلي

بدمعته الكربلائيه يترجم حزنه لطميه
مثل بيته الحسينيه. يغالينه

السوالف بيك محلاه. الخادم حكه يتباه
بيك الدنيا نلكاه. يغالينه


يل قبل ادم صاير نورك بل سمه
واحنه نحبك وانته تحبك فاطمه
عيني الذيج خيامك تبجي معلمه
“””””””””””””””””””””””””””””””

اريدن من عشك جونك. وحب مثل اليخدمونك
يبن الزهره وعيونك. يوالينه

تحب الوادم الفقره. احبك ياضوه الزهره
بدونك عايش بكسره يوالينه

يم الضايع شوفه تصير انته ضوه
الطاح بشده يزورك شيفيده الدوه
والله العافك يخسر ويطشره الهوه

"""""""""""""""""""""""""""""""""""""
هنيالك باابوفاضل شكد غيره وفه شايل
نفس صاعد نفس نازل. يكول اسمك

بس عباس يوفيهه الخوه وحكهه يطيهه
من يسولف عليهه. يكول اسمك

مانوصل لفعاله لوكطره ابحر
ياهو اليعطش بينه وبصفه نهر
الله يحبك كلش ونطاك الكمر
"""""""""""""""""""""""""""""""""""""
يااول عشك بيه نازل وي هوه الريه
تهز الكره الارضيه خدم عندك

من البحر للرايه. عندك وادم هوايه
تجي مشايه مشايه. خدم عندك

تاريخ اسمك يبقى متضيعه السنين
حتى الحي والميت يصرخ ياحسين
ياسلطان الفقره. وحب العاشقين
"""""""""""""""""""""""""""""""""""""""
تخدمك علمت ولدي وتحب وتناصر المهدي
وغيرك كلشي ماعندي. يبو جروحي

توبة عاشق ومذنب. بردائك رايد يجلب
غيرك كل بشر ماحب. يبو جروحي

بس انته بدلالي وتجري بل وريد
هوه العاشق مثلك من الله شيريد
يااقرب من نبضي وحسيتك بعيد


محمود الساعدي

من طلع راعي الوه. ضاع عل جيش الهوه
شوف عزمه. وغيره دمه.
____
طب على الحومه كفيلي وشردة الخياله
بني هاشم بالمعاركه من تطب عياله
الجيش من كدما يخزره يخاف من اخياله
اليرجع وراسه بركبته هذا الف هنياله

صوت صاح بكربله. يقره بيهه الزلزله
وصته امه. غيره دمه ضاع عل جيش الهوه
__
كتله حيهم ياكفيلي وكام يطوي البيده
جان اليضربه ابوفاضل راسه يوكع بيده
حيل داحي الباب عنده الكافل الله يزيده
الكاع يكلبها حدرهم كون شايل ايده

كصته تمطر وفه. طب عليهم عاصفه
مثل عمه. غيره دمه ضاع عل جيش الهوه
__
زلمه عنده احجايه وحده ومايثني احجايه
كال اموت وجفي يوكع مااعوف الرايه
هوه واحد لاكن انه جنت اشوفه اهوايه
من دخل للحومه سيفه سوه بيهه سوايه

من طلع من الخيم. يرتعد راعي الشيم
والله زلمه. غيره دمه. ضاع عل جيش الهوه
___
زلمه من طب للمعارك يرهب بواديها
هايه كاع الله شكبرهه بالحرب يطويها
العسكر وكل الكتايب بالحرب يمحيها
كباله كل هاي العساكر ضيعت رجليها

رجفت اقلوب العده الموت بالحومه بده
يرهب اسمه. غيره دمه ضاع عل جيش الهوه
___
انه اخو الماسد مضيفه واخو شيخ الساده
صاح سبع الغاظريه الموت بيهم ناده
راح اعوف الجيش هذا وبتدي من القاده
كاع صحره الحرب هايه وبيها دك اوتاده

انه ابن حامي الحمه. اليوم اسوي ملحمه
الجيش اعلمه. غيره دمه ضاع عل جيش الهوه

محمود الساعدي

اعزاز ومالكيت احد يعوضكم
كلبي يريد هاي اليله شوفتكم
___
واليني المرض يهلي. فوكاها انتو عفتوني
مشي اعليكم العباس ارجعو اوياكم اخذوني
من كد البجي عليكم احسهن خلصن عيوني
هم الكم رجه ترجعون لو هاهيه تنسوني

ارجعو الخاطري انه عليلتكم
___
هم الكم بعد جيه وافتح بابي والكاكم
وشبكم واصيح بصوت موت قلبي فركاكم
بيت ابلا ابو. واخوان قبر صاير بلياكم
حيهم يل سكنتو العين عيني شلون تنساكم

بليله ويوم شوشالت محاملكم
____
ماوجد بعد والشوف كل ماجاي اله يكصر
والله الراحو اهلى ابليل حتة بالهوه يعثر
والله افراكم بويه. اعز من الهواه واكثر
كلما شبكك انه اسمع. صوت ضلوع تتكسر
احن بليل واشتاك السوالفكم
____
جنت من اشتم ثيابك اشتم ريحت الجنه
يعكوب انتظرله اسنين يتاامل يرد ابنه
خذاكم وين درب الموت بساع بساع طشرنه
بيتي الجان كله اعزاز هسه مرافك الونه
اخذتو الروح من طلعت هوادجكم
_____
جبير الديره شال وراح محد يترس مجانه
ياهو يمر عليه يكول. وين حسين ديوانه
بويه للقهر والضيم عفت بنيتك اهنانه
حتى البيت من شلتو تهد الحيل حيطانه

من شوكي عليكم جاي اعاتبكم


محمود الساعدي

سامحني اذيتك يمولاي كلبك الطيب طيب اهواي
سامحني اذيتك
____
سوالي صيت اسمك ترة سوالي هيبة
بس كون اصير انه عدل وترك الغيبة
شهرة اليريد ابمجلسك اكبر مصيبه
تدعي الشفاعه ابمجلسك روحي الغريبه
ماتكفي من ابجيلك اعيون ماصير وصلت هدم من جون
سامحني اذيتك
__
اليحظر المجلس عزا والكتب كلمه
ابدفتر الخدام اكيد اتسجل اسمه
ونور تنزل بلكبر لوصار ضلمه
اتسكن اونينه وتخلص اليل يمه
حلوة تجيني اوراسي مطبور يحسين وانته اتكلي مااجور
سامحني اذيتك
___
الصاعد على اجتاف الجبل لاضنه يكبر
بس انته تدري الي عله بلعين يصغر
عل وادم اتواضع ترة موحلوة تنغر
درب الغرور اشمابعد توكع اوتعثر
باجر اهناك احساب وكتاب الماباجي جنه حارك الباب
سامحني اذيتك





____
حسين منك مستحين اهوايه احنه
اشيسوة كدامك لطمنه لو دمعنه
احسين احلفك بل زجيه ودمعت امنه
ابمجلسك سامحنه اذا مرة ضحكنه
مكتوب احبك انه مكتوب يحسين انته اغلى محبوب
سامحني اذيتك
_____
احسين ذرة امن الوفه لوعدنه الكم
جاحركنه ارواحنه ابحركت خيمكم
حسين غربة احنه بس لمنه وطنكم
والله هنياله الحمام الي ابكببكم
لومرة اصفي نيتي وياك تحظر وحشتي ابكبري الكاك
سامحني اذيتك

كالو الرجال عيب ويبجي زحمه
ااعليك من ابجي احس بروحي زلمه
عدنه شايب انت عايش ويه دمه
كل سنه عكاله يذبه ويشك هدمه

شيابنه اذب الخواجي. يحسين تستاهل بواجي
سامحني اذيتك

محمود الساعدي

مشاي بصف مشاي. ترسو كاع الطف ماي
كل العالم مشايه
--------------------------------------------------
شايب يمشي وراجع حيله يسابك عشريني
لايوكف كدامي معزب اوصل خليني
مشتاك ارد اشتم شباجه وعطره يكفيني
الراحه النفسيه انه الكاها بشباج حسيني
شايب رجع للعشرين. معجزة دربك يحسين
كل العالم مشايه
________
كلشي تشوف بدرب الجنه وادم مجنونه
هذا يخدمك ذاك ايشربك من ماي عيونه
حتى تراب الداسه الزاير. هذا يريدونه
من يتمرض واحد عدهم. منه ايشربونه
عشق مابي مقياس. بكثر شوك العباس
كل العالم مشايه
_________
من راس البيشه الحد نحرك. رايه بصف رايه
ومن شباجك حد الموصل بحر المشايه
ماجمعتنه بيوم الدنيا وجمعتنه اقرايه
موسبعين وتكضي انصارك يحسين اهوايه
درب يمطر زوار. الك يابو الاحرار
كل العالم مشايه
__________
طك عرج الغيره بزوارك. مايمنعهم حر
كلما تحتر نذكر جسمك. عريان وبالبر
يل منطينه خيامك. زحمه عنك نتااخر
خل نجوه بحر الهيمه. بيك انحس اكثر
النشدني رايح وين. كلت رايح لحسين
كل العالم مشايه
__________
يحسين الله الجابك نعمه للناس الفقره
يحسين ومن طبع الزارك ماينسه العشره
حاتم منك ضل متعجب من شاف السفره
انت اول انسان يعزب. للخيل بصدره
صدر ديوان وشيخ كبر بيك التاريخ
كل العالم مشايه
__________

الخادم محمود الساعدي

يافاطمه ورب السمه
فراكج نهر. وانه بضمه
يافاطمة يافاطمة
____
يلزهره باقي أبلا ضوه غير انتي نجمة ليلي
عفتيني ماكلني السهر يانجمه الضويلي
دافن عشيره بمكبره موحقي يخلص حيلي
وعلى الخيال انه انتجي هم نعمه ويتجيلي
بحظن الكبر دافن هلي
وراجع علي يكود بعلي
يافاطمة يافاطمة
___
شوحتى بيتي بفركتج مثل الكبر حسيته
المن علي عايش بعد ماعنده زهره أبيته
أفراشج ولاشلته أبد مفروش الج خليته
اتوقع ترجعين الي بابج ولاسديته
مات الهوه. ومات العشك
وكلما اطب بيتي اختنك
يافاطمة يافاطمة
___
الله يرحمك ياعلي ويرحم بقايه أجروحك
هواانه ميته ياعلي لو انته دافن روحك
خلصت عمرك ياعلي جايمتى يخلص نوحك
مقسوم لوتمطر فرح هم ماكو كطره تلوحك
عايش علي بس مندفن
ماكل تجاعيده الحزن
يافاطمة يافاطمة
____
حاولت أظم عنك جرح بس ال الم تعبني
تعبتك هوايه علي يابو الحسن سامحني
ماريدك تلفني بجفن تدري الضلع يلجمني
بكلبك اريدن ياعلي موبلكبر تدفني
كون انته دفاني صرت
مرتاحه هسه انه متت
يافاطمة يافاطمة
____
يافاطمه أغيابج جرح عايش يضل ابالي
هوانه بعدج فاطمه كل عيشه ماتهنالي
كلهم ترى غدرو علي وعافاني حتى خيالي
واليوجع هواي الكلب جاري طلع جتالي
اعرف منو جان السبب
موزلمه مايسوى العتب
يافاطمة يافاطمة
_____
محمود الساعدي

حظرنه دمعتنه. نحيي مجالسنه
الله يوفقنه .كون بمجالس فاطمه
__
ننتظر عاشور الضلع خاطر نهل العبره
ثلاثه روايات الضلع بلكت يصيرن عشره
مانشبع احنه امن البجي هوه احنه وادم فطره
لومايحبنه الله صدك جاماخدمنه الزهره

ماتشبع عيوني حيل ابجي خلوني
لومتت دفنوني. كون بمجالس فاطمه
____
لومره ماهل الدمع تسئلني ليش الدمعه
بل روح احس جمره بقت فوك الكلب متربعه
ادعي اعل قاتل فاطمه والحرك باب البظعه
يارب بحق المنتظر بسمار ياكل ضلعه

ثار الله ننتظره بينه بقت حسره
ماتنطفي الجمره كون بمجالس فاطمه
_____
اذكر احسين بكل وكت وبكلبي شايل ونه
بكل القصايد ينذكر حلوه السوالف عنه
مااكدر اذكر فاطمه وحسين ماذكرنه
ياناس جنه فاطمه وحسين باب الجنه

ياأول جروحي. يادمعتي ونوحي
ياربي اخذ روحي. كون بمجالس فاطمه
_____
الحمدلله والشكر ماقصر الله أويانه
اطانه علي وحب فاطمه وحب الحسين اطانه
والعاف مجلس فاطمه معناهه عاف ايمانه
مثل الصلا حب فاطمه وبيهه النبي وصانه

لاتستهن بيهه. يرضى المراضيهه
واجب تصليهه كون بمجالس فاطمه
_____
دارت سنه ونفس الحزن والناس كلهه تعايد
كالولي موكافي بجي وطلع السانه الحاقد
كلتلهم الشيعي الصدك لازم يضل موبارد
من شفت روحي تحاربت ضليت احبكم زايد

جمره بقت تسعر. طفيهه ماتكدر
لو ضلعي يتكسر كون بمجالس فاطمه
____
محمود الساعدي

يافاطمه ورب السمه
فراكج نهر. وانه بضمه
يافاطمة يافاطمة
____
يلزهره باقي أبلا ضوه غير انتي نجمة ليلي
عفتيني ماكلني السهر يانجمه الضويلي
دافن عشيره بمكبره موحقي يخلص حيلي
وعلى الخيال انه انتجي هم نعمه ويتجيلي
بحظن الكبر دافن هلي
وراجع علي يكود بعلي
يافاطمة يافاطمة
___
شوحتى بيتي بفركتج مثل الكبر حسيته
المن علي عايش بعد ماعنده زهره أبيته
أفراشج ولاشلته أبد مفروش الج خليته
اتوقع ترجعين الي بابج ولاسديته
مات الهوه. ومات العشك
وكلما اطب بيتي اختنك
يافاطمة يافاطمة
___
الله يرحمك ياعلي ويرحم بقايه أجروحك
هواانه ميته ياعلي لو انته دافن روحك
خلصت عمرك ياعلي جايمتى يخلص نوحك
مقسوم لوتمطر فرح هم ماكو كطره تلوحك
عايش علي بس مندفن
ماكل تجاعيده الحزن
يافاطمة يافاطمة
____
حاولت أظم عنك جرح بس ال الم تعبني
تعبتك هوايه علي يابو الحسن سامحني
ماريدك تلفني بجفن تدري الضلع يلجمني
بكلبك اريدن ياعلي موبلكبر تدفني
كون انته دفاني صرت
مرتاحه هسه انه متت
يافاطمة يافاطمة
____
يافاطمه أغيابج جرح عايش يضل ابالي
هوانه بعدج فاطمه كل عيشه ماتهنالي
كلهم ترى غدرو علي وعافاني حتى خيالي
واليوجع هواي الكلب جاري طلع جتالي
اعرف منو جان السبب
موزلمه مايسوى العتب
يافاطمة يافاطمة
_____
محمود الساعدي