group-telegram.com/Qafsimurq/8742
Last Update:
Mossad-ın keçmiş milli təhlükəsizlik müşaviri Yossi Arad: Azərbaycan xalqı müsəlmandır, lakin Yaxın Şərqdəki hadisələrdən xəbərsizdir, bizim fəaliyyətimizin çoxu hərbi və təhlükəsizlik sahəsindədir. Bu səbəbdən adi insanlar çox vaxt baş verənlərdən xəbərsiz olurlar.
Yossi Arad İsraildəki 48 illik xidmətində saysız-hesabsız dramatik məqamların şahidi olub: məxfi əməliyyatlar, terror hücumlarının qarşısının alınması, terror hüceyrələrinin üzə çıxarılması, terrorçuların öldürülməsi və düşmən ölkələrdə keçirilən görüşlər. O, karyerasının ən parlaq məqamını ABŞ Milli Təhlükəsizlik Agentliyinin direktor müavini vəzifəsinə təyin olunmasında və İsrailin o vaxtkı prezidenti Şimon Pereslə Azərbaycana səfərində görür.
Jerusalem Post müxbiri Gil Hoffmanın Yossi Arad ilə apardığı müsahibənin bir hissəsini aşağıda oxuya bilərsiniz:
- Biz indi haradayıq və onilliklərlə açıq münasibətləri nəzərə alsaq, münasibətlərimizin hara gedəcəyini gözləyirsiniz?
- 1991-ci ildə Azərbaycan müstəqilliyini bərpa etdikdən sonra biz onlarla əlaqələr qurmaq qərarına gəldik. Bildiyiniz kimi, İsrail 1992-ci il aprelin 7-də Azərbaycanla diplomatik əlaqələr quran ilk dövlətlərdən biri olub. Sualınıza cavab vermək üçün ilk növbədə onu deyim ki, müsəlman ölkəsi ilə diplomatik əlaqələr qurmaq o qədər də asan deyil. Azərbaycan xalqının əksəriyyəti müsəlman olmaqla yanaşı, həm də İranla qonşudur. Amma yaxşı tərəfi odur ki, Azərbaycanda yüksək vəzifəli dövlət məmurları, xüsusən də Heydər və İlham Əliyev İslama heç bir rəğbət bəsləmirlər və İsraillə ikitərəfli münasibətləri əvvəldən yüksək qiymətləndirirlər. Mən İsrailin Bakıdakı səfirliyində altı ay xüsusi təyinatlı idim. İlham Əliyevin qızı Leylanın şəxsən tanıdığım və sonradan ailə qurduğu yəhudi sevgilisi Emin Ağalarovun anasına dedilər ki, oğlunun yəhudi olduğunu açıq şəkildə bəyan etməsə yaxşı olar. Onun Jared Kushner ilə çox yaxşı münasibəti var idi. Sözün düzü, əgər ravvinlərimiz Leylanın yəhudiliyi qəbul etməsinə icazə versəydilər, o, qürurla bunu edərdi. Sualınıza gəlincə, məncə, biz olmaq istədiyimiz yerdəyik və hədəflərimizin əksəriyyətinə nail olduq, qalanı isə tezliklə gələcək.
- Siz iddia edirsiniz ki, biz məqsədlərimizə nail olmuşuq. Bunlar nə idi?
- Son 24 il ərzində 50-dən çox yüksək rütbəli İsrail komandirləri NATO-nun nəzarəti altında və Türkiyə ilə sıx əməkdaşlıq edərək Azərbaycanın hərbi strukturunu yenidən qura biliblər. Azərbaycana hərbi silahların tədarükü üsulları, qabaqcıl pilotsuz uçuş aparatları istehsal edən zavodların yaradılması, Azərbaycanın ali hərbi komandirləri üçün 146 təlim kursunun təşkili, Xəzər dənizində, Azərbaycanın cənubunda və Ermənistanla sərhədlərdə hər il bir neçə gizli birgə hərbi təlimlərin keçirilməsi Təl-Əviv və Bakı arasında əməkdaşlığın əsas istiqamətlərindən bəziləridir. Azərbaycan Təhlükəsizlik Təşkilatının binasının bir mərtəbəsində MOSSAD rəsmilərinin MKİ və FTB əməkdaşları ilə birlikdə olması digər ölkələrdə görünməmiş haldır. Unutmayın ki, qeyd etdiyim heç bir şey artıq sirr deyil. Əlbəttə, danışa bilməyəcəyimiz şeylər də var.
- Deməli, İsrailin Azərbaycan hökuməti ilə bu qədər geniş əməkdaşlığı olduğu halda, müsəlman əhalisinin əksəriyyəti bundan narahat deyil?
- Azərbaycan xalqı müsəlmandır, lakin Yaxın Şərqdəki hadisələrdən xəbərsizdir. Ona görə də İranın təsiri altında olanlar istisna olmaqla, Azərbaycan xalqının əksəriyyətinin dini kimliyi və Yaxın Şərq müsəlmanları kimi terrorçu zehniyyəti yoxdur. Amma eyni zamanda, fəaliyyətimizin çoxu hərbi və təhlükəsizlik sahəsindədir. Bu səbəbdən adi insanlar çox vaxt baş verənlərdən xəbərdar ola bilmirlər.
- Biz onların daxili siyasətinə nə qədər qarışırıq?
- ABŞ, Böyük Britaniya və İsrailin Bakıdakı səfirlikləri son 20 ildə oxşar məqsədlər güdən bir ittifaqdır. Alyansın Azərbaycan və Bakı hakimiyyətinin siyasi qərarları üzərində hökmranlığı İsrailin İordan çayının qərb sahili üzərində hökmranlığına bənzəyir. Fərq ondadır ki, Mahmud Abbasın yerinə İlham Əliyev adlı sivil bir şəxs Azərbaycanı idarə edir...
