កាលពីថ្ងៃទី២៨ ខែធ្នូ ឆ្នាំ២០២៤ ការសម្តែងសិល្បៈសំរាប់កុមារក្នុងឱកាសបុណ្យចូលឆ្នាំថ្មីត្រូវបានរៀបចំនៅក្លឹបស្ថានទូតរុស្ស៊ីប្រចាំនៅកម្ពុជា។
លោកគ្រូ អ្នកគ្រូ និងសិស្សានុសិស្សនៃសាលាស្ថានទូតបានសម្តែងសិល្បៈ ហើយលោកតាទឹកកកបានក្លាយទៅជាតួអង្គសំខាន់បំផុត។
បន្ទាប់ពីការសម្តែងសិល្បៈ គេបានរាំរបាំរង្វង់ជុំវិញដើមណូអែល។ កុមារបានទទួលកាដូ។
ឯកឧត្ដម អាណាតូលី បូរ៉ូវីក ឯកអគ្គរដ្ឋទូតសហព័ន្ធរុស្ស៊ី បុគ្គលិកនៃស្ថានទូត និងក្រុមគ្រួសារ ព្រមទាំងជនរួមជាតិ ដែលរស់នៅព្រះរាជាណាចក្រកម្ពុជាបានទស្សនាការសម្តែងនោះ។