رِوايات سُودانية🪐🤎!)"

رِوايات سُودانية🪐🤎!)"

#ثمن_الإختيار❤️ حلقة 21 و 22 وصلنا خط النهاية 😔❤️🔥

#ثمن_الإختيار❤️
حلقة 21

"من فرط حبي له أود لو أقول له:
إياك أن تفارقني بعد كُل هذا الحُب♥️))

_بس يا ملك أنا عايز أسمعا.
=وأنا ما ح أقولا ليك.
_ما ماشين من هنا لو ما قلتيها.
=خلينا نقعد هنا العمر كلو ما عندي مشكلة.
_يعني ما عندك مشكلة توريني إنك مُستعدة تقعدي معاي في أي مكان وتقضي معاي الباقي من عمرك كلو بس عندك مشكلة تقوليها؟
=ما ح أقول شي يا هشام برغم إنو في كلام كتير جواي.
_ح تسكتي لمتين؟
=أكتر الفات ولا الجاي؟
_أنا ما عارف الفات قدر شنو وكان كيف بس بوعدك من هنا وقدام ما ح أخلي شي جواي تجاهك وكل الجاي ح يكون حلو شديد شبهك كدا يا ملك.
=ما تقتل حيلي بكلامك السمح دا لأني ما ح أقولا ليك برضو.
_أركبي طيب.
=طول الطريق كان سايق براحة ومتلفت علي ويحكي لي قدر شنو هو خطط للحظة دي ومن متين هو حاسس تجاهي بإحساس حلو بس ما كان قادر يقول لحدي ما حس إنو عمرو دخل بينا وقتها حس إنو بي سكوتو ممكن يخسرني وهو ما عايز كدا ولا ح يقدر يتحمل حاجة زي دي في يوم من الأيام وحكى لي كيف فاتح عزو في الموضوع كنت بضحك عليو لأني فاكرة نفسي براي العايشة شعور صعب طلع هو عاش لحظات أصعب مني.
لما وصلنا قبل ننزل إتجه علي وقال لي:
_ملك أنا بجد أسف لو لحظات الإنتظار كانت قاسية عليك بس حقك علي ومن هنا لقدام الإنتظار دا أنسيه ح نكون سوا لأخر العمر وأحلى شي إنو مكان شغلنا واحد يعني طول اليوم ح تكوني قدامي لو في سبب خلاني أعمل كل شي بيطلع بيدي عشان تشتغلي معاي هو شوفتك طول اليوم يا ملك إنتِ ما كنتِ عارفة بس والله اليوم الما بشوفك فيهو دا ما بعرف أعديه عادي عشان كدا حتى في الإجازات بتصل عليك وبحاول مرات كتيرة أشوفك وأجيكم أنا صح وقتها ما كنت مركز مع الشعور دا وما كنت بفكر بقلبي بس والله شعوري تجاهك دا أهم إنجاز في حياتي ♡
=ما عارفة أقول ليك شنو يا هشام.
_هشام سادة كدا؟
=هشام بي عسل طيب.
_ضحك .. أعسل منك ماف.
=طيب خلينا ننزل لأنو لينا مسافة واقفين.

دخلنا البيت إتفاجأت إنو أمو قاعدة معانا إفتكرت ح ينزلوا ناس أمي ويرجعوا بس هشام قال لي هو قال لـ ود عمو يوصلهم ويخلي أمو هو ح يوصلني ويرجع معاها.

دخلت طلعت نعالي نادتني أمي كانوا منتظريني كلهم بما فيهم مصطفى وتروني لما خالتي قالت لي تعالي أقعدي جنبي هنا.
مشيت قعدت جنبها على يمينا كان قاعد هشام وهي في نصنا وأمي قاعدة جنبي من غير لف ودوران سألوني إذا هشام إتقدم لي ح أوافق؟
ما عرفت أقول شنو لقيت نفسي بعاين لي هشام متأكدة دي خطتو بس كان يكلمني أقلاها في داعي يختني في موقف محرج زي دا قدام أمو وأخواني.
سكتا مصطفى قال ليهم: ياها موافقة أنا بعرفا أعقدوا أديتكم الإذن مش أنا مسؤول منها عزو وعرس بعد كدا البنات ديل مسؤليتي يا هشام تعال نتفاهم راجل لـ راجل.
كلنا ضحكنا هشام وقف ومشى عليو وقف جنبو وقال ليو:
طيب يا راجل البيت أنا عايز أختك دي عشان هي عاجباني وما ح ألقى أحسن منها.
مصطفى: يا زول إتكلم كويس مفروض تقولا بي خجل كدا وبعدين جيب رجالك وقابلني عندنا شورة نحن بعداك نشوفكم.
أميرة: والله يا مصطفى عفيت منك تب.
سامية: بالغت يا مصطفى هشام دا حاضر ولادتك إتكلم بـ أدب.
هديل: يعني أنا أبجورة ما في زول عايز ياخد راي؟
أنا كنت ساكتة ما عارفة أشارك معاهم بس حقيقي هشام مجنون في زول بتقدم بالطريقة دي الساعة ماشة لـ 11 وقدام أمو وناس بيتنا كمان يصبر لي.
بعد جوطة وونسة خالتي فجأة فكت زغرودة وحضنتو وقبلت علي جسمي برد وقلبي بقى يدق بطريقة ما عادية باركت لي وقالت لـ أمي خلاص لما عزو وهبة يرجعوا من الشقة ونجيب أعمامو نتفاهم في الموضوع دا.
إنسحبت منهم دخلت غرفتي وأنا ماسكة دموعي غيرت ملابسي وصليت العشا لاول مرة في حياتي أحس إنو ربنا إستجاب لدعوتي الما كانت مفهومة ولما أجي أدعي كنت بصارع نفسي أقول اسمو ولا لا أقول شنو لحظات كتيرة بقول "يارب" وبسكت بس حتى وأنا ما عارفة ربنا عارف كل حاجة ♡

بعد ساعة إتصل لي:
_أنا وصلت لمن يهمه الأمر.
=ضحكت عشان هو قالا بطريقة بتضحك حسسني إني ما مهتمة بس كنت عايزة أتصل ليه وهو إتصل قلت ليو: أحلى من يوصل والله.
_ياااه الواحد طول عمرو ما إتقال ليه أحلى من يوصل.
=براك فوتو عليك.
_أسي ما فات شي من هنا لقدام أنا أحلى من يعمل أي شي.
=طب والله حصل بجد.
_قبيل لسانك دا كان مالو؟
=إنت أصبر لي لما نتلاقى.

إتكلمنا شوية وقفل من سنين طويلة الليلة نمت مرتاحة ومتأكدة إنو في الدنيا دي في شخص بحبني وبخصني أنا والشعور دا حلو شديد.

_____
"في بيت ناس ملك"

صحيت إتصلت لـ ننو قالت لي جاية تفطر معانا ونرتب البيت ونرجع الزفاف للكوفير.
وأنا أساسًا كُنت عايزة أكلما بموضوع هشام بس متوترة ما عارفة أبدا ليها كيف خايفة تفهمني غلط فحقيقي شلت هم لأنو أنهار بالذات أقرب صحبة لي ولو حصل ليها أي شي بتجي تحكي لي عمرها ما دست مني شي كل أسرارا معاي أنا ما عارفة أسي أتصرف كيف.

www.group-telegram.com/tr/RwayatSudan.com/42882

2.0K viewsتنزيل صابر ♡, Mar 21, 2023 at 07:19

#ثمن_الإختيار❤️
حلقة 21

"من فرط حبي له أود لو أقول له:
إياك أن تفارقني بعد كُل هذا الحُب♥️))

_بس يا ملك أنا عايز أسمعا.
=وأنا ما ح أقولا ليك.
_ما ماشين من هنا لو ما قلتيها.
=خلينا نقعد هنا العمر كلو ما عندي مشكلة.
_يعني ما عندك مشكلة توريني إنك مُستعدة تقعدي معاي في أي مكان وتقضي معاي الباقي من عمرك كلو بس عندك مشكلة تقوليها؟
=ما ح أقول شي يا هشام برغم إنو في كلام كتير جواي.
_ح تسكتي لمتين؟
=أكتر الفات ولا الجاي؟
_أنا ما عارف الفات قدر شنو وكان كيف بس بوعدك من هنا وقدام ما ح أخلي شي جواي تجاهك وكل الجاي ح يكون حلو شديد شبهك كدا يا ملك.
=ما تقتل حيلي بكلامك السمح دا لأني ما ح أقولا ليك برضو.
_أركبي طيب.
=طول الطريق كان سايق براحة ومتلفت علي ويحكي لي قدر شنو هو خطط للحظة دي ومن متين هو حاسس تجاهي بإحساس حلو بس ما كان قادر يقول لحدي ما حس إنو عمرو دخل بينا وقتها حس إنو بي سكوتو ممكن يخسرني وهو ما عايز كدا ولا ح يقدر يتحمل حاجة زي دي في يوم من الأيام وحكى لي كيف فاتح عزو في الموضوع كنت بضحك عليو لأني فاكرة نفسي براي العايشة شعور صعب طلع هو عاش لحظات أصعب مني.
لما وصلنا قبل ننزل إتجه علي وقال لي:
_ملك أنا بجد أسف لو لحظات الإنتظار كانت قاسية عليك بس حقك علي ومن هنا لقدام الإنتظار دا أنسيه ح نكون سوا لأخر العمر وأحلى شي إنو مكان شغلنا واحد يعني طول اليوم ح تكوني قدامي لو في سبب خلاني أعمل كل شي بيطلع بيدي عشان تشتغلي معاي هو شوفتك طول اليوم يا ملك إنتِ ما كنتِ عارفة بس والله اليوم الما بشوفك فيهو دا ما بعرف أعديه عادي عشان كدا حتى في الإجازات بتصل عليك وبحاول مرات كتيرة أشوفك وأجيكم أنا صح وقتها ما كنت مركز مع الشعور دا وما كنت بفكر بقلبي بس والله شعوري تجاهك دا أهم إنجاز في حياتي ♡
=ما عارفة أقول ليك شنو يا هشام.
_هشام سادة كدا؟
=هشام بي عسل طيب.
_ضحك .. أعسل منك ماف.
=طيب خلينا ننزل لأنو لينا مسافة واقفين.

دخلنا البيت إتفاجأت إنو أمو قاعدة معانا إفتكرت ح ينزلوا ناس أمي ويرجعوا بس هشام قال لي هو قال لـ ود عمو يوصلهم ويخلي أمو هو ح يوصلني ويرجع معاها.

دخلت طلعت نعالي نادتني أمي كانوا منتظريني كلهم بما فيهم مصطفى وتروني لما خالتي قالت لي تعالي أقعدي جنبي هنا.
مشيت قعدت جنبها على يمينا كان قاعد هشام وهي في نصنا وأمي قاعدة جنبي من غير لف ودوران سألوني إذا هشام إتقدم لي ح أوافق؟
ما عرفت أقول شنو لقيت نفسي بعاين لي هشام متأكدة دي خطتو بس كان يكلمني أقلاها في داعي يختني في موقف محرج زي دا قدام أمو وأخواني.
سكتا مصطفى قال ليهم: ياها موافقة أنا بعرفا أعقدوا أديتكم الإذن مش أنا مسؤول منها عزو وعرس بعد كدا البنات ديل مسؤليتي يا هشام تعال نتفاهم راجل لـ راجل.
كلنا ضحكنا هشام وقف ومشى عليو وقف جنبو وقال ليو:
طيب يا راجل البيت أنا عايز أختك دي عشان هي عاجباني وما ح ألقى أحسن منها.
مصطفى: يا زول إتكلم كويس مفروض تقولا بي خجل كدا وبعدين جيب رجالك وقابلني عندنا شورة نحن بعداك نشوفكم.
أميرة: والله يا مصطفى عفيت منك تب.
سامية: بالغت يا مصطفى هشام دا حاضر ولادتك إتكلم بـ أدب.
هديل: يعني أنا أبجورة ما في زول عايز ياخد راي؟
أنا كنت ساكتة ما عارفة أشارك معاهم بس حقيقي هشام مجنون في زول بتقدم بالطريقة دي الساعة ماشة لـ 11 وقدام أمو وناس بيتنا كمان يصبر لي.
بعد جوطة وونسة خالتي فجأة فكت زغرودة وحضنتو وقبلت علي جسمي برد وقلبي بقى يدق بطريقة ما عادية باركت لي وقالت لـ أمي خلاص لما عزو وهبة يرجعوا من الشقة ونجيب أعمامو نتفاهم في الموضوع دا.
إنسحبت منهم دخلت غرفتي وأنا ماسكة دموعي غيرت ملابسي وصليت العشا لاول مرة في حياتي أحس إنو ربنا إستجاب لدعوتي الما كانت مفهومة ولما أجي أدعي كنت بصارع نفسي أقول اسمو ولا لا أقول شنو لحظات كتيرة بقول "يارب" وبسكت بس حتى وأنا ما عارفة ربنا عارف كل حاجة ♡

بعد ساعة إتصل لي:
_أنا وصلت لمن يهمه الأمر.
=ضحكت عشان هو قالا بطريقة بتضحك حسسني إني ما مهتمة بس كنت عايزة أتصل ليه وهو إتصل قلت ليو: أحلى من يوصل والله.
_ياااه الواحد طول عمرو ما إتقال ليه أحلى من يوصل.
=براك فوتو عليك.
_أسي ما فات شي من هنا لقدام أنا أحلى من يعمل أي شي.
=طب والله حصل بجد.
_قبيل لسانك دا كان مالو؟
=إنت أصبر لي لما نتلاقى.

إتكلمنا شوية وقفل من سنين طويلة الليلة نمت مرتاحة ومتأكدة إنو في الدنيا دي في شخص بحبني وبخصني أنا والشعور دا حلو شديد.

_____
"في بيت ناس ملك"

صحيت إتصلت لـ ننو قالت لي جاية تفطر معانا ونرتب البيت ونرجع الزفاف للكوفير.
وأنا أساسًا كُنت عايزة أكلما بموضوع هشام بس متوترة ما عارفة أبدا ليها كيف خايفة تفهمني غلط فحقيقي شلت هم لأنو أنهار بالذات أقرب صحبة لي ولو حصل ليها أي شي بتجي تحكي لي عمرها ما دست مني شي كل أسرارا معاي أنا ما عارفة أسي أتصرف كيف.

BY رِوايات سُودانية🪐🤎!)"