group-telegram.com/ShipsaPsori/2370
Last Update:
29 декабря для всех обычный предпраздничный день. Для адыгов всего мира - это день, когда был убит ученый, фольклорист, хранитель традиций Аслан Ципинов (1959-2010 г.г.)
***
«Дунеижьыр щымыджэмыпцIэу
ЩIы фIыцIэжьыр щызэпцIагъащIэм…», –
И псэлъафэт Аслъэн ЦIыпIынэм,
Пасэрейри абы дигъащIэрт.
ЩIэми жьыми зыдигъэщIэжырт,
Бзэм и щэхукIэ ар къыдэпсалъэрт.
…Зэтрилъхьэмэ – мыщэщэжу,
Игъэлъалъэмэ – налъэ-налъэу…
Удэплъеймэ – уэгу мыджэмыпцIэу,
Укъеплъыхмэ – дызэпцIагъащIэу…
Уэ гъэпцIагъэкIэ ущIэзышым
Шэр техуарэт иту уи пащхьэм…
Зы фIэкI мыхъуми, ар зы дзэ фIыцIэт,
Щхьэрэ Iэрэ пытами, цIыхукъым,
Ер и кIуэцIти, гыбзэр и тхыцIэт…
Зэрихьами цIэ, ар цIыху щылъхукъым.
…КъытхэкIат дэ Аслъэн ЦIыпIынэр,
Щэхуу псалъэрэ жыжьэ къиплъу.
Нэплъэжыгъуэу лъэпкъым иIэнур
ПсэкIэ даIуэрэ гукIэ къищIэу…
ЩIыр зэгуэхуркъым, щIыр зэгуочыр,
Гур уфIыцIыркъым, гущхьэр къочэ.
ШэчыгъуафIэкIэ уемыджэну
Джэрпэджэжу гуауэр къэджэнущ…
Зы гупсысэм сызэтриIыгъэщ:
КъигъэщIари, ищIари - лIыгъэщ…
2012
#КъаныкъуэЗаринэ
BY Зарина Канукова Къаныкъуэ
Share with your friend now:
group-telegram.com/ShipsaPsori/2370