12 ЁШЛИ ҚИЗ ҲОМИЛАДОР БЎЛИБ ҚОЛДИ


Болалар омбудсмани Бухоро вилоятида 12 ёшли қиз ҳомиладор бўлиб қолгани аниқланганини маълум қилди. Қиз 4 ойлик ҳомила билан Бухоро шаҳар перинатал марказига ётқизилган. Қизнинг аҳволи бўйича маьлумот йўқ. Унга тиббий ва психологик кўмак берилгани айтилмоқда.


Ҳолат вояга етмаганлар ўртасида содир этилган. Қиз кўрсатмасига кўра унда доимий зўравонлик қурбони бўлган. Болани “аборт” қилиш имкони йўқ. Ҳомила соғлом. Лекин ҳомиладор қиз болани туғишга тайёр эмаслигини айтилмоқда.

Воқеа юзасидан жиноят иши қўзғатилган. Қизнинг кўрсатмалари ва яқинларининг кўрсатмалари инобатга олинган ва тергов олиб борилмоқда.


💬Telegram |📱Facebook |
🐦Twitter |📱Instagram | ▶️YouTube

НУКУСДА 19 ЁШЛИ МАСТ АСКАР 6 КИШИНИ ПИЧОҚЛАБ ТАШЛАДИ


3 январь куни Нукус шаҳрида ФВВга қарашли ҳарбий қисмда муддатли ҳарбий хизмат ўтаётган 19 ёшли аскар маст ҳолда тинч аҳолининг уйига кириб, ухлаб ётган аёлга тегажоғлик қилган.

Унинг эри уйғонгач унга чопқи билан ҳужум қилган, натижада 28 ёшли фуқаро вафот этди. Яна 5 киши турли даражада тан жароҳатлари олди. Ҳолат юзасидан жиноий иш очилган, Нукус ҳарбий прокуратураси тергов ҳаракатларини олиб бормоқда.

Маълумотларга кўра, 2025 йил 3 январь куни тонгги 4:00 ларга яқин Нукус шаҳрида Даналар кўчасида бир нечта фуқаролар қўшнилари пичоқлаб кетилгани ҳақида ИИБга хабар берган. Воқеа жойига тезкор-тергов гуруҳи, прокуратура ва ИИВ ходимлари етиб борган.

Тезкор суриштирув ишлари давомида 2005 йил Тошкент шаҳрида туғилган ФВВ махсус муҳандислик қурилиш бошқармаси оддий аскари Гаранин Максим маст ҳолатда хизмат ўтаётган жойидаги Назорат утиш жойида хизмат утаётган оддий аскар Ф.Н.ни уриб, кўчага чиқиб кетгани аниқланган.

У Нукус шаҳри Даналар кўчасидаги хонадонлардан бирига кириб, ошхонага кириб пичоқ ва чопқини олган. Ушбу хонадонда яшовчи фарзанди билан ухлаб ётган аёлга тегажоғлик қилмоқчи бўлган. Аёл уйғониб кетиб, бақиргач, унинг турмуш ўртоғи ҳам уйғонган. Маст аскар шу вақтда унга қўлидаги пичоқ билан ташланиб тан жароҳати етказган. 28 ёшли З.Қ. олган тан жароҳатлари туфайли касалхонада вафот этган.

Шундан сўнг ФВВ аскари ушбу хонадондаги 64 ва 37 ёшли ота-ўғилга ҳам чопқи билан ҳужум қилиб, турли даражадаги жароҳатлар етказган.



Жабрланувчиларнинг 1 нафари вафот этган, 4 нафарига шифохонада зарур тиббий ёрдам кўрсатилмоқда. Нукус ҳарбий прокуратураси томонидан тергов ҳаракатлари олиб борилмоқда.
Бундан ташқари, аскар Нукус шаҳри Айбуйир кўчасида яшовчи 68 ва 43 ёшли ота-ўғилга ҳам тан жароҳати етказган.
Воқеа жойидан 1 дона тиғ соҳаси узунлиги 20 см, эни 8 см бўлган чопқи далил тариқасида олинган. Гумон қилинувчи қўлга олинган.


Бош прокуратура матбуот котиби Ҳаёт Шамсутдиновнинг маълум қилишича, мазкур ҳолат юзасидан Жиноят кодексининг 97-моддаси (қасддан одам ўлдириш) 1-қисми ва 25, 97-моддаси (қасддан одам ўлдиришга суиқасд қилиш) 2-қисми «а, л» бандлари билан жиноят иши қўзғатилган.


💬Telegram |📱Facebook |
🐦Twitter |📱Instagram | ▶️YouTube

ДАЪВОГАР ИДДАОСИ: ОТАМНИ ЎЛДИРГАН ШАХС ҲАНУЗ ОЗОДЛИКДА

Ассалому алайкум, Элтуз.

Мен сизларга Наманган вилояти, Тўрақўрғон тумани, Катагон маҳалла фуқаролар йиғинидан мурожаат қиляпман.

2024 йилнинг 10 декабрь куни отам, нафақадаги ички ишлар майори Инамов Абдураҳмон, шу қишлоқда тадбиркорлик қилаётган Ш.А томонидан уриб ўлдирилган.

Ш.А жиноятни яшириш мақсадида, ўғиллари билан биргаликда отамни "ўзи йиқилиб ўлди" дея машинага юклаб юборишган. У пайтда отам аллақачон ўлган бўлган. Жиноятга гувоҳ бўлган шахсларни қўрқитиб, "ҳеч нарса кўрмадинг", дея босим ўтказишган.

Биз, оила аъзолари, отамнинг уриб ўлдирилганини жанозадан кейингина билдик. Воқеа содир бўлган жойдаги барча камера ёзувларини кўриб, Ш.Анинг жиноятини аниқладик. Отамни жонсиз танасини олиб келган ҳайдовчи ҳам отамни Ш.А ўлдирганини тасдиқлади.

Туман прокуратурасига ариза билан чиқдик. 15 декабрь куни жиноий иш ЖПКнинг 104-моддаси 3-банд "д" бўйича қўзғатилди. Биз отамнинг жасадини қайта эксгумация қилишга мажбур бўлдик. Экспертиза 2024 йил 18 декабрда ўтказилди.

Шунга қарамай, Ш.А ҳанузгача озодликда юрибди, гарчи у аввал ҳам жиноий жавобгарликка тортилган шахс бўлса-да.

Ҳурматли Элтуз, биз мазкур жиноий иш қонуний тарзда кўриб чиқилишини ва Ўзбекистон Республикаси Бош прокуратураси томонидан назоратга олинишини талаб қиламиз.
Ҳурмат билан, жабрланувчи оила.


💬Telegram |📱Facebook |
🐦Twitter |📱Instagram | ▶️YouTube

ЯНГИ ЙИЛДА БИР ҚЎШМАЧИ ЎЗ ФАОЛИЯТИНИ МАЖБУРАН ТЎХТАТДИ

Янги йил кириб келди. Ўзбекистонлик секс вўркерлар дунёнинг турли нуқталарида ишлашда давом этмоқда.
Ўзбекистонлик икки «ишбилармон» М.М. ва Ф.Садиковалар ўзаро тил бириктириб Туркияга фоҳиша етказиб беришни йўлга қўйишди.

Улар ажрашган ва яшаш шароити оғир бўлган икки аёл билан танишиб Туркияда фоҳишалик қилишга кўндирган. Уларга Тошкент-Анталия йўналишида чипта олиб бериб Андижондан Тошкент томон йўлга чиқишган.

Мамарўза М.М. икки аёлни Андижондан Тошкентга енгил машинада олиб кетаётган пайтда ИИБнинг тезкор тадбири давомида қўлга олинди.

Андижон вилоят суди одам савдоси билан шуғулланган қўшмачини 5 йил 2 ой муддатга озодликдан маҳрум қилди.

Қўшмачи қамағда. Туркия секс саноатида ишлашга ҳавасмандлар бошқа канал топиш.


💬Telegram |📱Facebook |
🐦Twitter |📱Instagram | ▶️YouTube

БАҲОДИР ФАЙЗИ: АМЕРИКАНИНГ ДОЛЛАР ДАРАХТИ

Америкада бизнес учун қанча пул керак?

Ўзбек диплом билан ишлаш мумкинми?

Миллий таомлар ёки бордел бизнеси.

Ҳовлимдан олтин ёки нефт чиқса, кимга тегишли бўлади? Бензин нархи.

- Саволларга Элтуз таҳлилчиси Баҳодир Файзи жавоб беради.


💬Telegram |📱Facebook |
🐦Twitter |📱Instagram | ▶️YouTube

АРХИВ ХОДИМЛАРИНИНГ МАОШ МУАММОСИ ҚАЧОНГАЧА ДАВОМ ЭТАДИ?

Ассалому алайкум, ҳурматли Элтуз! Вилоят ва туманлардаги архив ходимларининг маошлари ҳақидаги муаммони ёритишингизни сўраймиз. Архив ходимларининг ойлик маоши ачинарли ҳолатда — атиги 1 миллион 800 минг сўм. Ишонасизми? Архив хизмати Адлия тизимига ўтган бўлса-да, вазият ҳали ҳам ўзгаришсиз қолган. Бу замонавий Ўзбекистон учун тўғри келадими?

Ҳар йили ойлик маошлар кўтарилади, деган ваъдалар берилади, аммо йил охиригача ҳеч қандай ўзгариш кузатилмайди. Биз сиз айтган "картушка пули" ёки бошқа ижтимоий ёрдамларни олмаймиз. Эрталабдан кечгача, ҳафтасига беш кун, 9:00 дан 18:00 гача, чанг-тўзонли ҳужжатлар орасида, 60–70 йиллик архив материаллари билан ишлаймиз. Бироқ, бундай оғир меҳнат учун бундай маош адолатлими?

Ойликлар ҳақида бошқарма раҳбарлари юқорига мурожаат қилолмайди. Сабаби, уларнинг шахсий манфаатлари юқоридаги раҳбарлар билан боғлиқ, ўзлари етарли даромад топса, бошқа ходимларнинг муаммолари билан иши йўқ. Архив ходимларининг шароитларини яхшилаш ва маошларни кўтариш ҳақида ҳеч қандай ташаббус йўқ.

Архивларда ишлаш тарихий ҳужжатларни сақлаб қолишдек муҳим вазифани бажариш демакдир. Янги Ўзбекистон тарих акс этган бу ҳужжатларга нима учун эътибор қаратмаяпти? Ижтимоий адолат ва тарихий аҳамият нуқтаи назаридан бу масала жуда муҳим. Илтимос, бу муаммони каналиингизда ёритинг. Биз сиздан жуда умидвормиз. Сизнинг хабарларингизни юқоридагилар ўқийди, деб эшитганмиз. Илтимос, бу масалага эътибор қаратинг.


💬Telegram |📱Facebook |
🐦Twitter |📱Instagram | ▶️YouTube

ЭНГ АРЗОН СЕКС ХИЗМАТЛАР БУХОРОДАМИ?

Қўшмачилик энг стабил, доимий мижозларга эга бизнес турларидан. Бухоролик қўшмачи, уч фарзанднинг онаси Заироқа Гўзал Тўраевна ҳам шу бизнес билан шуғулланиб келади.

Нархлар арзон – чиройли қиз, ётоқ жой, пашша-машшаси билан бор йўғи 500.000 сўм. Лекин қўшмачига учраган навбатдаги икки мижоз ИИБ ходимлари бўлиб чиқди.

Заирова Гўзал келишилган пулни олаётганда йўлга тушди.
Бухоро шаҳар суди Заирова Гўзалга 3 йил озодликни чеклаш жазосини тайинлади. Қўшмачи уч йил кечаси уйда ухлайди.

Мижозлар, бошқа хата қидириш.


💬Telegram |📱Facebook |
🐦Twitter |📱Instagram | ▶️YouTube

ЧИҚИНДИЛАР МУАММОСИ: МАСЪУЛ ТАШКИЛОТ АЙБИГА ХАЛҚ ЖАВОБГАРМИ?

Ҳурматли депутатларимиз!

Юртимизда мавжуд аҳволни атрофлича ўрганмай туриб, чиқиндиларни олиб чиқиб кетиш учун уч ой ҳақ тўланмаса, электр токидан узиш ҳақида бир овоздан қарор қабул қилинди. Энди эса шу ерда савол туғилади: масъул ташкилотнинг айби туфайли чиқиндилар вақтида олиб кетилмасачи?

Масалан, Тошкент туманида “Зангиота ободон” масъулияти чекланган жамият фаолият юритади. Бу ташкилот ишидан аҳоли ҳақли равишда норози. Жумладан, тумандаги Чувалачи ҳудудида тўртта маҳалла: Чувалачи, Ширин, Истиқбол, Гултепа МФЙ мавжуд бўлиб, аҳоли сони 16 минг кишини ташкил этади. Лекин ҳудудга бор-йўғи битта машина ажратилган. Чиқиндилар хонадонлардан ташкилот раҳбари ваъда берганидек икки ҳафтада эмас, ҳатто бир ойда ҳам эмас, балки 35-40 кунда аранг олиб кетилмоқда.

2025 йилнинг 1 январидан бошлаб маиший чиқиндиларни олиб кетиш учун тўланадиган тўлов Тошкент тумани учун киши бошига 7840 сўм миқдорида белгиланди.

Ҳурматли депутатларимизга савол: агар маиший чиқиндилар бир ой ичида олиб кетилмаса ва аҳоли бунга ҳақ тўламаса, қандай чора кўрилади? “Нима бўлса бўлар, бўлса ташкилотга бўлсин, халқ бу билан камбағал бўлиб қолмайди”, деган ёндашув билан иш юритиладими?


💬Telegram |📱Facebook |
🐦Twitter |📱Instagram | ▶️YouTube

"ГАРАНТ БАНК" АЖ БУХОРО ФИЛИАЛИДА КОРРУПЦИЯ ИЛДИЗ ОТМОҚДА

2022 йил август ойида "Гарант Банк" АЖ бошқарувига Муҳаммедхонов Аброр Шухратович раиси этиб тайинланганидан кейин, у банк фаолиятида бир қатор ўзгаришларни амалга оширди.

Жумладан, Бухоро филиалига унинг таниши, Бердиев Баxтиёр Хайруллаевич раҳбар этиб тайинланди. Шунингдек, у ўз ўринбосари сифатида Тўхтаев Жамшид Жалиловични ишга жалб қилди. Маълумотларга кўра, мазкур шахс илгари судланган бўлган ва "Микрокредитбанк"дан ҳайдалган.

Бердиев Бахтиёр раҳбарлигида банк филиали фаолиятида қатор молиявий ва маъмурий ўзгаришлар кузатилди. Жумладан, филиалнинг эски биноси сотилиб, янги бино 10 миллиард сўмга харид қилинди. Баъзи манбаларга кўра, ушбу бинонинг ҳақиқий қиймати 3 миллиард сўмни ташкил этади.

Шунингдек, раҳбариятнинг шахсий эҳтиёжлари учун маблағлар сарфлангани, жумладан, дачалар қурилиши ва шахсий харидларни амалга оширилгани ҳақида маълумотлар мавжуд.

Бугунги кунда, Бердиев Бахтиёр лавозимидан четлаштирилган бўлса-да, ҳали ҳам банк фаолиятига таъсир ўтказиб келмоқда. У банкнинг автомобилларидан фойдаланиши, шунингдек, ходимларга нисбатан турли босим ва камайтиришлар амалга оширгани ҳақида хабарлар бор.

Шу муносабат билан "Гарант Банк" раҳбариятининг ушбу ҳолатлардан хабардор қилиниши ва тегишли чоралар кўрилиши мақсадга мувофиқ ҳисобланади. Ташкилот фаолиятини таҳлил қилиш ва тегишли текширувлар ўтказиш учун масъул органларнинг аралашуви талаб этилмоқда.

Ушбу маълумот юзасидан тегишли идоралар ва жамоатчилик диққатига ҳавола қилинади.


💬Telegram |📱Facebook |
🐦Twitter |📱Instagram | ▶️YouTube

РАДДИЯ

Ижтимоий тармоқларда Сариосиё туманидаги мактабларга сифатсиз кoптоклар тарқатилганлиги айтилган видеохабарлар тарқалди.

Ҳолат юзасидан мазкур видеолавҳа тасвирга олинган Сариосиё туманидаги 7-мактабнинг ўқув ишлари бўйича директор ўринбосари Рустам Рахмонов изоҳ берди.


💬Telegram |📱Facebook |
🐦Twitter |📱Instagram | ▶️YouTube

Бир хотин 9 ой боласига этдан эт беради, ақлидан ақл беради, 3 йил оқ сут емизиб боқади.

Эвазига «аёлнинг ақли заиф» деган тамғани олади.

Оломон ўз онасини аҳмоқ дейдиганларни минбарга чиқариб қўйди.

Ва «аҳли илм» деб ном берди!


💬Telegram |📱Facebook |
🐦Twitter |📱Instagram | ▶️YouTube

ВАЗИРНИНГ ХОТИРАЛАР КИТОБИДАН ПАРЧА

Собиқ Қишлоқ хўжалик вазири¸ Хоразм ҳокими Маркс Жуманиёзовнинг "Эсимда қолган онлар" китобидан парча:

"1986 йилнинг бошларида 18 йил обкомнинг биринчи котиби бўлиб ишлаган М.Худойбергановнинг нафақага чиқиши муносабати билан ишдан озод қилишди.

Олмалиқ шаҳар партия комитетининг биринчи котиби бўлиб ишлаган Мираҳмад Мирқосимов обкомга биринчи котиб қилиб сайланди.

Пленум бўлишидан бир кун олдин обкомга, Мадёр аканинг ёнига бордим. Мадёр ака ҳамма нарсани жой-жойига қўйиб, кетишга ҳозирланиб турган экан.

Мени самимий кутиб олдилар. Мен: «Бу нима қилганингиз, кечувда отларни алиштирмайдилар, деган гап бор. Нега ариза бердингиз? Шундай оғир вақтлар келганида бизларни ташлаб кетаверасизми?» дедим.

«Марксбой, гапингиз ўтмагандан кейин кетиш керак, давр шундай бўлиб колди», дедилар. Ундан-бундан суҳбатлашиб ўтирдик. Хайрлашиш олдидан

«Марксбой сиз тўғри йўл тутдингиз, 10 йил Ҳонкада раҳбар бўлиб, биронта одамни ёмонламадингиз, барчасини улуғлаб, яхши баҳолар бериб юрдингиз. Бугун қарасам, вилоят ташкилотларида ҳонқаликларнинг салмоғи жуда кўпайиб қолибди», дедилар.

Мен нафақат Ҳонқада, умуман умримда бировни ёмонлаган эмасман. Баъзи одамлар менга ёмонлик қилганда хам, уларни ёмонлаш у ёқда турсин, хеч нарса бўлмагандек, уларга яхшилик қилаверганман, яхши баҳо бериб юрганман.


Мадёр Худойбергановичнинг бевосита раҳбарлигида 16 йил ишладим. Айрим келишмовчиликлар ҳам бўлди, аммо мен доим ўз фикримни очиқ айтардим.

Мадёр ака ўз фикрини исботлаб айтгач, мен у кишининг топшириғини бажарардим. Умуман, у киши хато бўладими, нима қилсам ҳам ўз фикримни ўтказаман, деб манманлик қилмас эди.

Бир куни бир каналнинг бўйидан яёв юриб бораётганимизда Мадёр ака сўраб қолди: «Марксбой, ақлли киши ким, доно ким?» деб. Мен: «Билмайман», дедим.

«Ақлли киши шу каналга йиқилиб кетса, ақлини ишлатиб омон чиқади, дoнo киши бу каналга ҳеч вақт тушмайди», дедилар".


💬Telegram |📱Facebook |
🐦Twitter |📱Instagram | ▶️YouTube

АНДИЖОН ВИЛОЯТИ ҲОКИМИ ҲАМ МАЖЛИСБОЗ ЧИҚИБ ҚОЛДИ

Элтузга мурожаат қилган Андижонлик мулозим вилоят ҳокими Шуҳрат Абдураҳмонов рафторидан норозилик билдирди. Унинг фикрича, Андижон вилояти ҳокими Президент Шавкат Мирзиёевнинг талаб ва кўрсатмаларига риоя қилмаяпти.

Мурожаатда айтилишича, Андижон ҳокимининг ҳар душанба куни ўтказиладиган йиғилишлари расман соат 7:00 да бошланиши керак бўлса-да, амалда бу вақт 8:00 ёки ҳатто 9:00 га сурилади. Натижада йиғилишлар узоқ давом этиб, 12:00 ёки 13:00 да тугайди. Бу эса ходимлар учун қийинчилик туғдириб, кундалик вазифаларни бажаришга тўсқинлик қилмоқда.

Мурожаатда Президент Шавкат Мирзиёевнинг "Мажлисбозликни йўқотинглар " деган сўзлари эслаб ўтилган. Аммо бу кўрсатмаларнинг вилоят ҳокимлигида бажарилмаётгани қайд этилган.

"Мажлисбозликдан чарчадик. Соат нечида иш бошлашни, обед қилишни ёки кун давомида қайси вазифаларни бажаришни ҳам билмайсан киши. Бу ҳолат ходимларнинг иш унумдорлигига салбий таъсир кўрсатмоқда", — дейилади мурожаатда.

Бундан ташқари, мурожаатда Шуҳрат Абдураҳмонов номидан кеч соат 1:00 да ходимларга СМС хабарлар юборилиши ҳам танқид қилинган.

Элтуз мазкур мурожаат бўйича Андижон вилояти ҳокимлигидан расмий изоҳ кутади.

💬Telegram |📱Facebook |
🐦Twitter |📱Instagram | ▶️YouTube