group-telegram.com/tealkramm/328
Last Update:
مايفيد العتب. كلبي كلش تعب
ساكت بحيرتي نزلو دمعتي
_________________________
ياعلي فدوه الك. لايهمك ضلعي
يانفس شوطحت ويه طيحت دمعي
من اجوني الداري سئلو عني
كتلك هواي الضلع لاجمني
ماردت بيهم شخص يندلني
اخف قبري ارجوك من تدفني
حسره بيهم بقت. تلهب وماطفت
سمعو بدعوتي نزلو دمعتي
_________________________
هاعلي لومتت لاتدلي بقبري
والصبر ياعلي راح يلتم كسري
من يجيك افلان يسئل عنه
لوااندلاني يطب للجنه
ماتصير واله اخيب ضنه
اليقترب يم قبري جره من اذنه
مااسامح بشر قاتل ابني وغدر
وصلو العتبتي نزلو دمعتي
________________________
فاطمه امني لاتهمي بهايه
فاطمه من علي انتي اخذي حجايه
انتي ومسمين كوكب بسمج
كوكب الزهره يزهره يحبج
اشلع اعيون الوصل يم قبرج
بل وصيه تجتفت يم ضلعج
والهجم مادره سبحه لامومره
عايشه بهيبتي. نزلو دمعتي
________________________
بلحطب من اجو جمعو يم داري
تحظرت للحرب وبتسم فقاري
كلي ياحيدر عليهم سلني
اله اطير اركابهم بس هدني
ارد اشوفن يازلم تعبرني
يله صوت اركابهم سمعني
مني رايد امر. حته بيهم يكر
منتظر فزعتي نزلو دمعتي
_______________________
ياعمر يازلم كل نفع مابيهم
بس اسم والصدك زلم ماسميهم
براسهم ماتلكه غيره ونخوه
محد بديوان شارب كهوه
ساكت اعليهم تره بل كوه
انه والفقار عشره وخوه
والصدك بس اسم. ماكو بيهم زلم
تسمع احجايتي نزلو دمعتي
________________________
محمود الساعدي
السلام على فاطمة الزهراء
BY محمود الساعدي
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/tealkramm/328