group-telegram.com/tealkramm/342
Last Update:
يل خدمتك عافيتي""" وهاي المجالس بيتي
وبدربك وبكلبك """ خلينه
___________________
ثوب الاسود حظريته وكاصد التعزيتك
الله لوكاتبلي اموتن كون بحسينيتك
لو ادور الدنيا كلهه ماكو من حنيتك
لو اكسر اضلوعي كلهه مااظن وفيتك
بل مجلس تربينه "" وبخدمتك خلينه
نشتمك بس يمك ودينه
____________________
انتظر عاشور يوصل حته اعيش الخدمه
حلوه واحدنه اعل مودك كون يطلع دمه
لحظه مولاي من اعوفك افتقد للنعمه
شيسوه عمري وماكو انته والله يابو اليمه
تراب العمر من دونك "" هنيال اليخدمونك
وي أحبابك واصحابك تدرينه
_____________________
انته يادربي النجاتي والهله وراعيها
هيه دنيا بلاخدمتك باقي المن بيها
الدنيا خطار احنه بيها وللكبر تاليها
باجر بكبري وحشتي نورك يضويها
ياشمعه تضوي دروبي """ ثوب المجالس ثوبي
كدامك ""بخيامك """" ضوينه
_____________________
الارض تبجي المصابك والكواكب كلهه
اعليك اذا توكع دمعتي انته تستاهلهه
هيه روحي الماتخدمك خل تموت احسلهه
انته تندل شكو بروحي وحاجتي تندلهه
أتباهه بين الوادم """ غير انه الكم خادم
بعتابك""" وأبابك """"" تلكينه
______________________
بيك يحسين اليسولف تنسمع سالفته
خادمك عاش بكرامه شكبر حظه وبخته
جفي عل زنجيل انه من زغر عل لمته
كل محرم يوم عاشر راسي الك طبرته
ماتكفي هاي ادموعي "" كون انه أكسر اضلوعي
مجنونك"" وعيونك جنينه
_____________________
ارد اعيش الطف بواجي دمعته وحساسه
والله هنياله المشالك وانته اهله وناسه
الزاير الكاصد ظريحك دوه يصير مداسه
شلون ينساك اليحبك وانته تارس راسه
هام بعزائك كلبي وتسجله يمك تعبي
بترابك""" بمصابك """ بجينه
محمود الساعدي
BY محمود الساعدي
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/tealkramm/342