Што абмеркавала Ціханоўская з прэм’ер міністрам і міністаркай па еўрапейскіх справаў Швецыі?

У Стакгольме прэм’ер-міністр Швецыі Ульф Крыстарсан і міністарка па еўрапейскіх справах Есіка Розэнкратц, якая працуе ў кабінеце прэм’ера, сустрэліся са Святланай Ціханоўскай у офісе кіраўніка ўрада.

Падчас сустрэчы абмяркоўвалі:
➖шляхі вызвалення і спосабы дапамогі палітвязням;
➖ пытанне легалізацыі беларусаў у Швецыі і на тэрыторыі ЕС;
➖ бяспековую і палітычную сітуацыю ў рэгіёне,
➖падтрымку грамадзянскай супольнасці,
➖ магчымасць увядзення новых абмежаванняў за рэпрэсіі і парушэнні правоў чалавека супраць прадстаўнікоў рэжыму і яго саўдзельнікаў;
➖ падтрымку незалежных медыя, у тым ліку асобна закранулі пытанне «Радыё Свабода»

Прэм’ер выказаў падтрымку дэмакратычным сілам Беларусі і іх намаганням па дэмакратызацыі краіны і ўмацаванні незалежнасці. Святлана Ціханоўская падзякавала Швецыі за хуткі водгук на заклік падтрымаць беларускія арганізацыі і ініцыятывы, за прынцыповую пазіцыю ў дачыненні да рэжыму Лукашэнкі, а таксама за нязменную падтрымку Украіны.

Мемарандум аб паразуменні: у чым сутнасць?

Учора ў Бруселі Еўрапейскі эканамічна-сацыяльны камітэт і дэмакратычныя сілы Беларусі падпісалі «Мемарандум аб паразуменні».

Галоўная мэта дакумента — закласці асновы для пашыранага супрацоўніцтва паміж бакамі. У прыватнасці, умацаваць сувязі паміж грамадзянскай супольнасцю і незалежнымі СМІ краінаў Еўрапейскага Саюза і Беларусі, а таксама садзейнічаць удзелу беларускіх дэмакратычных структураў у еўрапейскіх сетках грамадзянскай супольнасці.

Па якіх напрамках будзе ажыццяўляцца супрацоўніцтва:

1️⃣Умацаванне ўзаемадзеяння паміж Еўрапейскім эканамічна-сацыяльным камітэтам, беларускімі дэмакратычнымі сіламі і арганізацыямі грамадзянскай супольнасці Беларусі;
2️⃣Ажыццяўленне сумесных мерапрыемстваў па павышэнні дасведчанасці аб унутранай сітуацыі ў Беларусі ў галіне парушэння правоў чалавека;
3️⃣Прасоўванне і падтрымка прадстаўнікоў беларускіх незалежных СМІ і журналістаў;
4️⃣Арганізацыя мерапрыемстваў, накіраваных на папулярызацыю беларускай спадчыны, культуры і мовы ў краінах Еўрапейскага Саюза;
5️⃣Распрацоўка і рэалізацыя сумесных ініцыятываў, накіраваных на супрацьдзеянне дэзінфармацыі і прапагандзе;
6️⃣Дапамога ў распрацоўцы і ацэнцы рэформаў для новай Беларусі, а таксама абмену лепшымі практыкамі і досведам пераходу да дэмакратыі.

Азнаёміцца з Мемарандумам можна па спасылцы.