Сяргей і Святлана Ціханоўскія разам з беларусамі Вільні падтрымліваюць палітвязняў! Далучайся!

Ужо заўтра, 28 чэрвеня, у самым цэнтры літоўскай сталіцы ладзіцца сустрэча з беларускай супольнасцю, на якой упершыню за доўгі час Святлана Ціханоўская выступіць разам з мужам. Пяць гадоў зняволення не зламалі Сяргея — цяпер ён зноў на волі і гатовы змагацца за будучыню вольнай Беларусі.

Запрашаем усіх далучыцца да мерапрыемства!

📍Месца: помніку Вінцасу Кудзірку
📆 Час: стартуем а 12:00 па віленскім часе.

Будзьма разам! Жыве Беларусь ❤️

❗️УВАГА! Апошнімі днямі з'явілася мноства фэйкавых каналаў ды старонак у сацсетках, якія заклікаюць дасылаць здымкі з івэнтаў і акцый беларускай дыяспары. Калі ласка, будзьце пільнымі і не адгукайцеся на правакацыі. Мы ніколі не просім дзяліцца дадзенымі, здымкамі ці нечым сенсытыўным, што магло б быць небяспечным для людзей. Калі ласка, дбайце пра сваю бяспеку і правярайце тых, з кім камунікуеце.

Адзіныя афіцыйныя кантакты для сувязі з офісам — тут.

ГАЛОЎНЫ ІВЭНТ ГОДА: КАНФЕРЭНЦЫЯ «НОВАЯ БЕЛАРУСЬ 2025»

Адчуваеш, што надышоў час гаварыць пра набалелае — без цэнзуры, без апраўданняў, без страху? Хочаш пабачыць палітыкаў, актывістаў, інфлюэнсераў, аналітыкаў і ўсіх, хто не спыняўся гэтыя пяць гадоў, разам на адной сцэне? Табе важна ведаць, што мы будзем рабіць і куды будзем рухацца?

Дыялогі, якія яшчэ ніколі не былі публічнымі.
Пытанні, ад якіх не ўцячы.
Дэбаты, пасля якіх мяняюцца погляды.
Інтэрактыў, які ствараеш менавіта ты.
Рашэнні, што могуць вызначыць наш шлях да 2030 года.

Два насычаныя дні:
➖Пяць гадоў пасля 2020: чаго дамагліся, што страцілі, што зразумелі
➖«Форум наспелых пытанняў»: пытаешся ты — адказваюць яны
➖Стратэгія, дзеянне, адзінства. Без фальшу і «пустых» абяцанак
➖Ініцыятывы, якія сапраўды працуюць
➖Людзі, якія былі, ёсць і будуць з Беларуссю

📍Варшава
📆 Жнівень

👉🏻 Рэгіструйся па спасылцы тут і цяпер, каб першым атрымліваць усе падрабязнасці пра івэнт і дэталі яго раскладу

Ты дакладна не захочаш такое прапусціць. Новы этап пачынаецца тут.

Парламенцкая група «За Дэмакратычную Беларусь»: з новымі сіламі — у нямецкім Бундэстагу!

Дарадца Святланы Ціханоўскай па парламенцкім супрацоўніцтве і канстытуцыйнай рэформе Анатоль Лябедзька наведаў Берлін, дзе правёў перамовы ў Бундэстагу. Адзін з галоўных вынікаў сустрэчаў, які можна адзначыць ужо цяпер, — аднаўленне працы групы «За Дэмакратычную Беларусь». Пасля выбараў у нямецкім парламенце група абнавіла склад, аб’яднаўшы дэпутатаў з трох галоўных фракцыяў нямецкага парламента: хрысціянска-дэмакратычнага саюзу, сацыял-дэмакратаў і «зялёных».

Чаго практычнага дамагаўся для беларусаў Анатоль Лябедзька падчас візіту?

➖працягу праекта стажыровак для беларускай моладзі ў парламенце: у мінулым годзе чацвёра беларусаў прайшлі стажыроўкі ў Бундэстагу;
➖запуску кампаніі ў падтрымку беларускіх палітвязняў, якая б магла стартаваць у верасні з нагоды дня народзінаў Алеся Бяляцкага;
➖старту праграмаў для аздараўлення чарнобыльскіх дзяцей. Каб абмеркаваць ініцыятыву, восенню плануецца зладзіць сустрэчу парламентарыяў, прадстаўнікоў чарнобыльскіх ініцыятываў і беларускай дыяспары;
➖працы ў ландстагах і — у доўгатэрміновай перспектыве — стварэння невялікіх дэпутацкіх групаў, якія мусяць наўпрост працаваць з беларускай дыяспарай (у тым ліку па тэме мясцовага самакіравання). У прыярытэтах такія гарады, як Дрэздэн, Мюнхен, Франкфурт.

Падрабязней пра тое, як працуюць парламенцкія групы і Альянс «За Дэмакратычную Беларусь» можна дазнацца па спасылцы.