group-telegram.com/createculturespace/2672
Last Update:
🧦🧦🧦
Твая любімая пара шкарпэтак распалася?
Ты сачыл(-)а за імі, як за сваім улюбёным серыялам, але Джульета згубілася ў пральнай машынцы, а Рамэа прадзіравіўся на вялікім пальцы.
Што рабіць з кактусікамі, бутэлькамі піва і каляднымі аленямі, якія грэлі твае ножкі і былі самымі блізкімі спадарожнікамі?
Што рабіць, калі я не хачу выкідваць любімую шкарпэтку і хачу даць ёй другое жыццё?
Дык вось! Чытай уважліва.
Вашыя самотныя шкарпэткі могуць стаць зоркамі на небе ці зоркамі на нашай сцэне! А вашыя залатыя рукі дапамогуць датыкнуцца шкарпэткам-адзіночкам да акторскай ігры.
❕Для пачатку вазьмі шкарпэтку, пасцірай яе, памый яе, абдымі яе і вазьмі з сабой у прастору CreateCulture па адрасе Karmelitų gatvė 5 у суботу 25 студзеня а 15-й гадзіне!
«Сям'я Шкарпэткіных» у пошуках галоўных герояў!🔎
📍Для стварэння герояў прыходзьце а 15:00 у CreateCulture SPACE, для прагляду гатовага спектаклю — а 18:30 у CreateCulture STUDIO 📍 І вось тут трэба зарэгістравацца!
Калі вы клапоціцеся пра другое жыццё вашых шкарпэтак, але ў гэты дзень вам больш захочацца пасядзець дома ці дарослае жыццё прымушае бегаць па важным справам — мы раім скарыстацца «Bye-Bye Skrynka» па адрасам Karmelitų g. 5 ці Savičiaus g. 17. Там вы зможаце пакінуць шкарпэтку на рэінкарнацыю ў руках кагосьці іншага! (Просьба не прыносіць брудныя, смярдзячыя шкарпэткі, рваныя — можна!) 🥸🫶
🧦🧦 🧦
BY CreateCulture Space
Share with your friend now:
group-telegram.com/createculturespace/2672