group-telegram.com/hussein_hider/406
Last Update:
حيدر طلع دفان..ويه ام الحسين
چف شايل التابوت..چف يلطم العين
........
طللَّع نعشها بليل ..واظلمت الدار
شب بالگلب چانون..بي تنچوي النار
موصدفه اجاهه الموت..ذابحها بسمار
موبس ضلع مكسور..بالعصره ضلعين
........
انشال الحنان وراح..ويه الحنينه
ماخذها امنه الوين..تنشد بنينه
گلهم خطفها الموت..من بين ادينه
والحسرة الاولاد..تبچي الحياطين
........
گالوله وين الموت..نشچيله همنه
نمشي انتوسل بيه..ماياخذ امنه
حيدر شبگهم حيل..والونه ونه
وزينب تون وتنوح..بحضان الحسين
.......
بعد البچي الكرار..راح الدفنها
عن البرد بالروح..غطه چفنها
شحاله الدفن ياناس..ام وابنها
جالس على التربان..وايعاتب البين
.......
جالس علي ودموع..تارس شليله
بيده الخليل اليوم..يدفن خليله
سطرتهه فوگ العين..صكت دليله
يمشي وتموت الگاع..وجروحه صوبين
........
يمشي وتخط رجليه..واتصور الحال
حمل العله الكرار..ماشالته جبال
جدم الدفنله اعزاز..بالگوه ينشال
الليله صفه محزون..دار الميامين
.........
رد من دفنها وضال..واگف على الباب
يابيته وام البيت..غطاهه التراب
يتلوه حيدر صار..ويّه الهوه الهاب
عافيته چانت وين..هسه اصبحت وين
...................................................
الشاعر
حسين حيدر الكربلائي2021/11/20
BY الشاعر حسين حيدر الكربلائي
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/hussein_hider/406