group-telegram.com/nvk_sakha/56614
Last Update:
✅Саха сирэ уонна Киргизия бииргэ үлэлэһии сөбүлэҥин саҥардыахтара
Сэтинньи 30 күнүгэр Саха сирин Ил Дархана Айсен Николаев уонна Киргизия миниистирдэрин кэбиниэттэрин бэрэссэдээтэлин солбуйааччы Адылбек Касымалиев оробуочай көрсүһүү кэмигэр үлэлэһии сөбүлэҥин саҥардар туһунан дуогабардастылар.
Атыы-эргиэн, экономика уонна научнай-техническэй өттүгэр билиҥҥи сөбүлэҥ 1996 сыллаахха баттаммыт. Салайааччылар эппиттэринэн, докумуон билиҥҥи кэм ирдэбилигэр сөп түбэспэт. Өрүттэр атыы-эргиэн, экономика, култуура, спорт уонна үөрэх курдук хайысхаларга бииргэ үлэлэһэргэ былааннаатылар.
«Билигин Саха сирин уонна Киргизия икки ардыгар атыы-эргиэн муҥутуурдук үрдээн иһэрэ көстөр. Ол эрээри бу өрөспүүбүлүкэлэр икки ардыларыгар бииргэ үлэлээһин кыаҕын толору арыйбат. Инникитин биисинэһи уонна тэрилтэлэри көҕүлүөххэ наада. Манна араас табаары оҥорон таһаарыыга үчүгэй кэскиллээҕин бэлиэтии көрөбүн», – диэн Айсен Николаев бэлиэтээтэ.
@nvk_sakha
BY НВК САХА
Share with your friend now:
group-telegram.com/nvk_sakha/56614