group-telegram.com/prisoners_spring96/3892
Last Update:
❗️Палітвязня Цімура Рызапура будуць судзіць за "злоснае непадпарадкаванне адміністрацыі калоніі"
Цімура затрымалі 30 верасня 2020 года ў Брэсце. Увечары 10 жніўня, калі ён вяртаўся з працы дадому, яго падстрэлілі гумавымі кулямі пяць разоў: адзін раз — у жывот і чатыры разы — у ягадзіцу. Пазней яго абвінавацілі ва "ўдзеле ў масавых беспарадках" паводле ч. 2 арт. 293 КК. Цімура на волі чакаюць жонка і трое непаўнагадовых дзяцей.
Цімуру прызначылі 4,5 гады калоніі. Тэрмін палітвязень спачатку адбываў ў наваполацкай калоніі. Адміністрацыя рэгулярна змяшчала яго ў штрафны ізалятар, а потым перавяла ў ПКТ. Пазней яму ўзмацнілі пакаранне і перавялі на турэмны рэжым.
Цяпер стала вядома, што 10 ліпеня ў судзе Ленінскага раёна Магілёва над ім распачнецца суд паводле ч. 2 арт. 411 КК (злоснае непадпарадкаванне адміністрацыі калоніі). Справу будзе разглядаць суддзя Наталля Панасенка.
💌Падтрымаце Цімура лістамі і тэлеграмамі: Турма № 4, 212011, Магілёў, Крупскай, 99А, Цімур Набіевіч Рызапур
💻Напісаць анлайн
BY Вясна: Палітвязні Беларусі
Share with your friend now:
group-telegram.com/prisoners_spring96/3892