group-telegram.com/teshevalive/813
Last Update:
Мы мафэхэм осэу къесыгъэм тызэкIигъэплъэжьи, нахьыпэм адыгэмэ агъэфедэщтыгъэ къэIуакIэхэр, тыкъэзыуцухьэрэ дунаим хахыщтыгъэ шIэныгъэм щыщхэр тыгу къыгъэкIыжьыгъэх.
Хьао — тыкъэзыуцухьэрэ дунаим, жьым ичъыIагъэ, ифэбагъэ, ом хэхъухьэрэ-хэшIыхьэрэ хъугъэ-шIагъэхэр зыфэдэхэр, язытет къызэрэтIоу, къызэрэтшIэрэ гущыI. Ары Шъаукъо Абубэчыр игущыIалъэ къызэрэхафэрэр.
Шыцыос — Iужъоу, жъгъэеу къесырэ ос пхъапхъ.
Ныожъ Iулъхь — ос цэшхохэу Iужъоу къесырэр.
Ос пхъапхъ — хъоеу уашъом къетэкъохырэ ос жъгъэир.
Осыкъау, осыукъо — къушъхьэ тхыцIэм щызэтырилъхьэгъэ осыр къэукъоу, ехьыжьэгъаеу, кIочIэшхо иIэу, ыпэ къифэрэр зэкIэ зэщиутымэ, зыдырихьыжьэу, нахьыбэ къэхъузэ къехырэ ос къецохъох.
ЖьыбгъацIэхэр:борэн, борэжъ, шъхьэрэжь, къамылыцжьыбгъ, нэкъуай, тыгъэжь, хыжьы, хыжьыхъужъ, акъужь, гъэлгъэжь, жьыкъумэ, хыуай, жьыуай, жьыгуу, жьыхьарз, жьыбгъэуадж, жьыкъухь, жьыуапIэ, жьыхъужъ, хыцукI, псыхьарз.
