group-telegram.com/unter_Kutte/15
Last Update:
нябесная курыца дзяўбла маладзіком
насенне ў тысячу сьветлавых год
таўкла вечаровага пеўня
на маім левым вуху
укэр-ак-ук
мне вельмі шкада
быць памежным слупом
калі маёй сьмерці не пачуе зязюля
ці можна тады лічыць што я быў
усе яны вернуцца ў лес
і біцьмуць палкамі цені дрэваў
мяжа — толькі нагода
сьнегу растаць
тут сядзеў адзін мытнік
у пальцах круціў срэбраньнік вечару
ён любіў абмочваць ногі
ў пурпуровых прасьцінах
зборнік кайнэ
каштуе даражэй за матчыны барбарызмы
ў карэньня таксама ёсьць свае
скрыжаваньні
толькі не забывайце гэтага дабравесьця
зубы зімовых авечак
шукаючы шлях у Фаран
ламалі на мяне іклы
і сплывалі вадой
(Н/н)іхто ня любіць ісьці за вадой
на маім месцы пакінулі яйка
здаецца ў той дзень
Бог упершыню выйшаў на працу
і насыпаў курам
ДАДАТАК:
ціп
ціп ціп
цып цып
чеп чеп чеп
tibu tibu tibu tibu
chuck chuck chuck chuck
petit petit petit petit petit petit
poule poule poule poule poule
BY кападакійскі гурток
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/unter_Kutte/15