#афиша #көмүскэл

🏃‍♂️ «Көмүскэл» түмсүү Оҕо күнүгэр аналлаах тэрээһиҥҥэ ыҥырар

@uoheebuluu

#СвоихНеБросаем #сво

⭐️ "Дойдум тыына" иистэнэр сыах волонтер Ольга Захарованы кытта бииргэ үлэлээн эрэллэр

Бу күннэргэ Кэнтик нэһилиэгин олохтоохторо 20 илими иистэнэр сыахха аҕалан туттардылар.

Ону тэҥэ "Түмэл түүнэ" Бүтүн Россиятааҕы аахсыйа чэрчитинэн ыытыллыбыт тэрээһиҥҥэ мөһөөччүктэнэн бэлэмнэммит кытыаннары иистэнэр сыах салайааччыта Васма Иванова волонтер Ольгаҕа тиксэрдэ.

Мантан инньэ байыастарга көмөнү оҥорор улуус үтүө санаалаах дьоно бииргэ көмөлөөн үлэлииргэ туруннулар. Оччотугар үлэ биир сүрүннэнэн, буойун уолаттарбытыгар көмөбүт тиксэрэ өссө тэтимириэҕэ.

Онон, улуус бары олохтоохторун баҕа өттүнэн күүстээх үлэҕэ сылдьар иистэнэр сыах Далбар Хотуттарын, хоһуун санаалаах Ольга Захарова үлэтин өйдүүргүтүгэр ыҥырабыт.

Бу илимнэри туһанан хаххалыыр сетка бэлэмнэнэр, оттон кытыан сыта саха буойуттарын ыраастаан, арчылыа, араҥаччылыа диэн бигэ эрэллээхпит.

Уолаттар, кытаатыҥ, тулуһуҥ, дойдугун дьоно куттуун-сүрдүүн, өйдүүн-санаалыын эһигинниин бииргэбитин умнумаҥ, Кыайыы хайаан да биһиэнэ буолуоҕа.✊✊✊

@uoheebuluu
@ulusmedia

#спорт

⭐️ ГТО нуорматын туттарыыга баһаарынай этэрээт салайар холбоһуктаах хамаандата бастаата

Тэрилтэлэр икки ардыларыгар ыытыллар спартакиада чэрчитинэн ГТО нуорматын туттарыы буолла.

Холбоһуктаах хамаанда ситиһиилэрин баһыйар элбэх өттүн Баһаарынайдар аҕалаллар.

@uoheebuluu

#кыһа#кэрээйгэтэ

Ыам ыйын 30 күнүгэр Николай Бойлохов аатынан Үөһээ Бүлүүтээҕи оҕо искусство оскуолатыгар үөрүүлээх күн үүннэ - оскуоланы түмүктүүр выпускной долгутуулаах түгэнэ буолла.

Быйыл искусство кэрэ эйгэтин - художественнай, хореография, фольклор, народной инструменнар отделениеларын уонна театр кылааһын барыта 68 выпускник үөрэнэн бүтэрэн, ситии свидетельствотын директор Иванов А.В. илиититтэн туттулар. Выпускниктары, учууталлары уонна төрөппүттэри Үөһээ Бүлүүтээҕи культура уонна духуобунай сайдыы департаменын салайааччыта Мойтохонова А. М. эҕэрдэлээтэ, бары үтұөнү баҕарда.

Бэлиэтээн эттэххэ, сылын аайы үтүө үгэс быһыытынан, Николай Бойлохов оҕолоро, сиэннэрэ бастыҥ выпусникка уонна учууталга анал бириэмийэни туттараллар. Быйыл бу бириэмийэни Александр Николаевич Бойлохов эҕэрдэ бастыҥын этэн туран, хореография кылааһын бүтэрбит Платонова Эвелинаҕа уонна Николай Бойлохов үөрэнээччитигэр, сольфеджио учуутала Софья Николаевна Михайловаҕа туттарда.

Биир ураты, бэлиэ түгэнинэн оҕо искусство оскуолатын Кэнтик нэһилиэгиттэн быйыл биир ыалтан 3 талааннаах кыргыттар Герасимовалар үөрэнэн бүтэрбиттэрэ буолар.

Бары выпускниктарбытыгар инники олохторугар искусство эйгэтигэр үөрэммиттэрэ туһалаах буолуо диэн эрэнэн туран, бары үтүөнү, сырдыгы баҕара хаалабыт! 👏👏👏💐💐💐

Анастасия Данилова, Н. И. Бойлохов аатынан оҕо искусство оскуолатын методиһа

"Үөһээ Бүлүү" хаһыат