Asalarilarni yetishtirish, ularni tanlash, parvarishlash va undan daromad olish bo‘yicha tavsiyalar

🐝Asalarichilikni boshlashdan oldin to‘g‘ri zotni tanlash muhim. Ularni tanlashda avvalo mintaqaviy iqlim sharoitlariga mosligini ham hisobga olish kerak. Masalan:

🇮🇹Italiya asalarisi: Bu zot hosildorligi bilan mashhur bo‘lib, asal yig‘ishda faol. Tinchligi va kasalliklarga chidamliligi bilan ajralib turadi.

❄️Kavkaz asalarisi: Sovuqqa va qiyin iqlim sharoitlariga chidamli zot bo‘lib, uzoq masofaga uchib, nektar yig‘adi.

🚪Krainsk asalarisi: Tinchligi va yaxshi hosildorligi bilan ajralib turadi.

📌Asalarilarni joylashtirishda gul va nektar manbalariga yaqin joylar tanlanadi. Bog‘lar, dalalar, o‘rmonlar yaqinida uyalarning joylashuvi yaxshi hosil beradi. Uyalarni quyoshli, shamoldan himoyalangan joylarga qo‘yish kerak.

🔝Ular uchun toza suv kerak, shuning uchun arilar yaqinida suv manbasi (ariqlar, hovuzlar) bo‘lishi maqsadga muvofiqdir. Shuningdek, har bir uyalar orasida yetarli masofa (2-3 metr) saqlanishi lozim. Bu asalarilarni parvarish qilish va asal yig‘ish jarayonini osonlashtiradi.

Asalarilarni oziqlantirish

💫Ular odatda o‘zlariga yetarli miqdorda oziq (asal va perga) yig‘adi. Ammo ba’zi hollarda, masalan, qish faslida yoki qurg‘oqchilik davrida ularni sun’iy oziqlantirish kerak bo‘lishi mumkin.

✅Masalan, suv va shakar aralashmasi bilan oziqlantirish odatiy usuldir. Bu ularni kuchli saqlash va o‘z vaqtida hosil olish uchun yordam beradi. Qishda esa asalarilar uchun qo‘shimcha protein manbalari, masalan, soya uni yoki tuxum kukuni bilan oziqlantirish kerak bo‘ladi.

Asalarilarga parvarish va kuzatish

💬Ularni vaqt-vaqti bilan kasalliklar va zararkunandalarga tekshirib turish lozim. Asosiy zararkunandalardan biri Varroa akarasi bo‘lib, unga qarshi maxsus dorilar bilan davolash kerak.

🔫Bunda uyalarni toza saqlash, mum va eski ramkalarni almashtirish asalarilar salomatligi uchun muhim. Qish fasliga yaqin ularga qo‘shimcha oziq beriladi va uyalar sovuqdan himoya qilinadi. Buning uchun uyalar qo‘shimcha qoplamalar bilan o‘raladi va ventilyatsiya tuzimi sozlanadi.

Iqtisodiy tejamkorlik

📝Asalarichilik iqtisodiy jihatdan daromadli bo‘lishi uchun bir nechta omillarni hisobga olish kerak.

➖ Birinchi yilda bir nechta (3-5) uy bilan boshlash va tajriba orttirgach, ko‘proq uylar qo‘shish yaxshi strategiyadir;
➖Asal bilan bir qatorda, mum, propolis va perga kabi qo‘shimcha mahsulotlarni sotish orqali daromadni oshirish mumkin.
➖Mahalliy bozor va talabni o‘rganib, asalni to‘g‘ri narxlarda sotish orqali foyda ko‘paytirish mumkin.

🌐Website 💬Telegram 💬Facebook 📺YouTube 📷Instagram

🌱 Уруғлик пахта элита уруғчилик хўжаликларида, хусусий уруғчилик корохоналарида ва илмий-тадқиқот институтиларининг филиалларида етиштирилади

АОКАда ўтказилган брифингда Қишлоқ ҳўжалигида билим ва инновациялар Миллий маркази ахборот хизмати раҳбари Анвар Ҳақбердиев уруғлик пахтани териб олишда қўйиладиган талаблар юзасидан маълумот берди:

⚡️Якка танлов, синов намунаси, уруғ кўпайтириш мақсадида элита уруғликлар терилиб махсус ёпиқ омборларда белгиланган тартибга кўра қанор қопларда сақланади.

⚡️Юқори авлодли уруғ кўпайтириш кўчатзори материаллари ва элита уруғлари қопларда сақланиб тиним даврини ўтказади. Уруғлик чигит махсус цехларда дориланиб сўнг икки ой муддатда тиним даврини ўтказади.

⚡️Уруғлик олиш мақсадида экилиши белгиланган чигитлар асосан тендердан ўтган фермер хўжаликларида ва махсус уруғчилик корхоналрида хамда илмий тадқиқот институтининг хўжаликларида экилади.

⚡️Кўрикдан ўтган далалар махсус бланка (полосаси бор) билан пахта тайёрлаш шохобчасига топширилади.

⚡️Терим жараёни пахта 80-85 % очилганда 3- ҳосил шохдан 8- ҳосил шохгача тўлиқ шаклланган кўсаклар териб олинади. ЎзДСТ меъёрий кўрсаткичларига асосан уруғлик пахта қабул қилинади. Меъёрдан ошиқ 0,1 % намлик ёки ифлослик бўлса техник пахтага ўтказилади.

📌 Батафсил

Telegram | Facebook | Instagram | Youtube | Медиабанк