Maktablarda “Ezgulik, bilim va maʼrifatni qurol qilib, jaholat va yovuzlik yo‘lini to‘saylik!” shiori ostida ota-onalar bilan uchrashuvlar tashkil etilmoqda✅ Avval xabar berilganidek, joriy yilning 30-sentabr kuni Davlatimiz rahbari pedagoglar bilan o‘tkazilgan ochiq muloqot davomida yurtimizdagi barcha ota-onalar, ustoz va murabbiylarga murojaat qilib, yoshlarning taʼlim – tarbiya masalasiga alohida to‘xtalgan edi.
📌 Ayni kunlarda yurtimizdagi barcha umumtaʼlim maktablarida yig‘ilish o‘tkazilib, direktor tomonidan keng jamoatchilik ishtirokida ota-onalarga murojaat yo‘llanmoqda.
‼️ Murojaatlarda o‘quvchilar tarbiyasida ota-onaning o‘rni alohida ahamiyat kasb etishi, bu boradagi ishlar samaradorligini oshirishda maktab bilan hamkorlikni yo‘lga qo‘yish dolzarb ekani taʼkidlab o‘tildi.
✏️ Shuningdek, ota-onalar o‘z farzandlarini tarbiyalashda milliy va umuminsoniy qadriyatlar, urf-odatlarni hurmat qilishga o‘rgatishi, ularning qalbida vatanparvarlik tuyg‘usini kuchaytirish, ekologik madaniyat, farzandlar vaqtini behuda o‘tkazmaslikka ahamiyat berishi zarurligi qayd etildi.
🔖 Yoshlarning hayotiy muammolariga yana-da ko‘proq eʼtibor qaratish, ularning ezgu intilish va tashabbuslari, innovatsion g‘oyalarini qo‘llab-quvvatlash eng asosiy, hal qiluvchi vazifa ekani taʼkidlandi.
Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram 🔎 Veb-sayt 😄 Linkedin