قدرات ثانوي ( ورقي و محوسب )

قدرات ثانوي ( ورقي و محوسب )

Photo

#تجربة

أهلًا ، معكم Eng.alfa ، اتوقع فيه ناس بتعرفني لاني اشرح كثير بالقروبات
الآن قاعدة اكتب تجربتي قبل لا تطلع الدرجة ، حظكم عاد تقدرون تشوفونها فوق بس انا للحين ما اقدر هههههههه

طيب ، للي ما يبي الكلام الكثير والتفاصيل بعطي الزبدة هنا اما الطبق الرئيسي راح يكون تحت
الزبدة :
مصادري كانت
كمي /
المعاصر 6 بلس
المعاصر 120
المنصف ، كان فيه حوالي 77 نموذج مكرر و17 جديدة ذاكرت 50 نموذج من المكرر و4 من الجديدة ، ما جاني شيء من اللي ذاكرته ، جاني نموذج بالاخيرر من اواخر النماذج بالمكرر لكن ساعدني جدددًا تدريبي على ذول
لفظي/
دورة ايهاب عبد العظيم للفظي

كم اقصر مدة ممكن تخلص فيها مذاكرة؟ تقدر بشهرين لثلاث شهور اذا ما تسوف

وش اهم النصائح؟ لا تركز على قسم وتهمل الثاني ، لا تخش الاختبار وانت ما خلصت كل شيء ، التزم بجدولك اللي حاطه للمذاكرة يرحم امك التزم عشان ما تتوهق وراك تحصيلي وراك ستيب وراك امور واجد ، اختبر كثير خصوصًا باللفظي ، وراجع القسمين كثير ، وحاول ما يعدي شيء الا وانت فاهمه كمي ، خل عندك دفتر للاسئلة الصعبة وللقوانين اللي تنساها كثير والقوانين الجديدة ، اذا خشيت الاختبار خلك سريع ، ضروري جدًا موضوع السرعة عشان الوقت

الطبق الرئيسي :
انا انسانة تقلق كثير ، جدًا ، بشكل غير معقول وتسويفي مب طبيعي
فكانت مدة مذاكرتي طويلة جدًا تقريبًا 6 شهور
لكن الحمد لله اخر شهرين التزمت وشديت على نفسي وانجزت
تدرون من كثر الخوف والقلق اللي فيني كنت بنفس ليلة الاختبار اشاور نفسي هل أأجله؟ لكن بلحظة من اللحظات سئمت من الجبن اللي فيني والخوف وقررت اني اواجه الاختبار ويا انا يا هو ، اذكر كنت اقول كذا بوحدة من القروبات انه يا انا يا قياس ، والحقيقة جزء من صملتي اني اختبر هو كان خوفي من ان الورقي قرب وانه اذا جا راح تزيد النماذج وبيصير شهر كامل ما يجي الا الجديد اللي زاد ، فيعني تقدرون تقولون ان الصملة كان نصها جبن ونصها شجاعة
لكن عالعموم اتركوككم من هالتفاصيل العاطفية البالية الغير مهمة ، خلونا نخش بالمهم اللي بيفيدكم ، راح اتكلم الان عن طريقة مذاكرتي

طريقة مذاكرتي :

⁃ في تأسيس الكمي باختصار كنت افهم القاعدة ثم احل كل شيء بنفسي واللي ما اعرف له احدده واشوف له شرح ، كنت اذاكر من 15-20 صفحة يوميًا

بعد ما خلصت التأسيس رحت مسكت القوانين والملاحظات والجداول اللي بالمعاصر وحفظتها

في التدريب كنت احل كل شيء بنفسي واللي ما اعرفه احط عليه علامة واشوف الشرح له بعد ما اخلص النموذج ، كنت اذاكر من 7-10 نماذج يوميًا
بعده المنصف نفس الطريقة احل كل شيء واللي ما اعرف له احدده واشوف له شرح

⁃ في اللفظي بعد ما فهمت التناظر كنت امسك النموذج و احل كل الاقسام بنفسي عدا قسم القطع واثناء حلي احدد اي شيء مب متاكدة منه او ما عرفت له بعد ما اخلص اشوف مقطع شرح الفيديو واصحح اخطائي ، واحاول اراجع اخطائي كل 5 نماذج خصوصًا اخطائي بالتناظر ، القطع كنت احفظها ، الارقام والعلاقات اللي فيها كنت اسوي ربط كثير ، بطرق غبية وتضحك بس كانت ترسخ بدماغي ، وكنت احاول اني اذا لقيت اي طريقة غير الحفظ سواء كانت ربط سواء كانت فهم سواء كانت قصة كنت اقبلها على طول ما اصر اني احفظ كل شيء ، لان مستحيل تحفظ كل هالكم الهائل من الارقام والربط طريقة مضمونة اكثر بالاختبار ، تخليك تسترجع المعلومات بشكل اسرع ، ذا شيء علميًا مثبت ، اربط بالحياة الواقعية تعدي باللفظي والقطع والعلاقات والارقام

بعد ما خلصت النماذج سويت مراجعة لها كنت اختبر بالنموذج بموقع الاختبارات حق الدورة واكبتشر على اخطائي بكل الاقسام عدا القطع ، القطع كنت اشوف القطع اللي انا سيئة فيها واحددها بفهرس الملف حق النماذج وبعد ما اخلص مثلًا 20 نموذج اختبرته اروح احفظ قطعهم واحاول اربط كثير فيهم وبرضو اراجع اللي كبتشرته

اشياء كنت اسويها ممكن تفيدكم :
1- كنت اشرح كثير للناس
2- كنت اكبتشر على اي سؤال صعب وانساه كثير واحطه بالبوم ، واحد للكمي واحد للفظي
3- كنت اقرا تجارب الناس كثير وحريصة على المصادر افضل شيء هو (المعاصر 7، المنصف، ايهاب عبد العظيم)
4- كنت اتدرب كثييرر واراجع القوانين باستمرار وعندي دفتر لاي قوانين جديدة تمر علي وماهي موجودة بكتاب التأسيس اكتبهم فيها
5- بعد ما خلصت تدريب راجعت الاسئلة اللي كنت احدد عليها بالنماذج اللي ما كنت اعرف احلها ، رجعت احلهم كلهم واللي ما عرفت له كنت اروح لدفتر القوانين واكتبه فيه
6- كنت احاول اوازن ما بين الكمي واللفظي وما اركز على واحد واهمل الثاني ، حتى لو كنت كويسة بواحد وسيئة بالثاني دايم التركيز متساوي ومراجعة باستمرار للي انا كويسة فيه وتدريب مكثف على اللي انا سيئة فيه
7- كنت اختبر كثير على النماذج بالاختبارات العادية مب المحاكية اللي بدورة ايهاب

www.group-telegram.com/ua/Kodurat1.com/1319

14.1K viewsedited  Nov 23, 2022 at 12:00

#تجربة

أهلًا ، معكم Eng.alfa ، اتوقع فيه ناس بتعرفني لاني اشرح كثير بالقروبات
الآن قاعدة اكتب تجربتي قبل لا تطلع الدرجة ، حظكم عاد تقدرون تشوفونها فوق بس انا للحين ما اقدر هههههههه

طيب ، للي ما يبي الكلام الكثير والتفاصيل بعطي الزبدة هنا اما الطبق الرئيسي راح يكون تحت
الزبدة :
مصادري كانت
كمي /
المعاصر 6 بلس
المعاصر 120
المنصف ، كان فيه حوالي 77 نموذج مكرر و17 جديدة ذاكرت 50 نموذج من المكرر و4 من الجديدة ، ما جاني شيء من اللي ذاكرته ، جاني نموذج بالاخيرر من اواخر النماذج بالمكرر لكن ساعدني جدددًا تدريبي على ذول
لفظي/
دورة ايهاب عبد العظيم للفظي

كم اقصر مدة ممكن تخلص فيها مذاكرة؟ تقدر بشهرين لثلاث شهور اذا ما تسوف

وش اهم النصائح؟ لا تركز على قسم وتهمل الثاني ، لا تخش الاختبار وانت ما خلصت كل شيء ، التزم بجدولك اللي حاطه للمذاكرة يرحم امك التزم عشان ما تتوهق وراك تحصيلي وراك ستيب وراك امور واجد ، اختبر كثير خصوصًا باللفظي ، وراجع القسمين كثير ، وحاول ما يعدي شيء الا وانت فاهمه كمي ، خل عندك دفتر للاسئلة الصعبة وللقوانين اللي تنساها كثير والقوانين الجديدة ، اذا خشيت الاختبار خلك سريع ، ضروري جدًا موضوع السرعة عشان الوقت

الطبق الرئيسي :
انا انسانة تقلق كثير ، جدًا ، بشكل غير معقول وتسويفي مب طبيعي
فكانت مدة مذاكرتي طويلة جدًا تقريبًا 6 شهور
لكن الحمد لله اخر شهرين التزمت وشديت على نفسي وانجزت
تدرون من كثر الخوف والقلق اللي فيني كنت بنفس ليلة الاختبار اشاور نفسي هل أأجله؟ لكن بلحظة من اللحظات سئمت من الجبن اللي فيني والخوف وقررت اني اواجه الاختبار ويا انا يا هو ، اذكر كنت اقول كذا بوحدة من القروبات انه يا انا يا قياس ، والحقيقة جزء من صملتي اني اختبر هو كان خوفي من ان الورقي قرب وانه اذا جا راح تزيد النماذج وبيصير شهر كامل ما يجي الا الجديد اللي زاد ، فيعني تقدرون تقولون ان الصملة كان نصها جبن ونصها شجاعة
لكن عالعموم اتركوككم من هالتفاصيل العاطفية البالية الغير مهمة ، خلونا نخش بالمهم اللي بيفيدكم ، راح اتكلم الان عن طريقة مذاكرتي

طريقة مذاكرتي :

⁃ في تأسيس الكمي باختصار كنت افهم القاعدة ثم احل كل شيء بنفسي واللي ما اعرف له احدده واشوف له شرح ، كنت اذاكر من 15-20 صفحة يوميًا

بعد ما خلصت التأسيس رحت مسكت القوانين والملاحظات والجداول اللي بالمعاصر وحفظتها

في التدريب كنت احل كل شيء بنفسي واللي ما اعرفه احط عليه علامة واشوف الشرح له بعد ما اخلص النموذج ، كنت اذاكر من 7-10 نماذج يوميًا
بعده المنصف نفس الطريقة احل كل شيء واللي ما اعرف له احدده واشوف له شرح

⁃ في اللفظي بعد ما فهمت التناظر كنت امسك النموذج و احل كل الاقسام بنفسي عدا قسم القطع واثناء حلي احدد اي شيء مب متاكدة منه او ما عرفت له بعد ما اخلص اشوف مقطع شرح الفيديو واصحح اخطائي ، واحاول اراجع اخطائي كل 5 نماذج خصوصًا اخطائي بالتناظر ، القطع كنت احفظها ، الارقام والعلاقات اللي فيها كنت اسوي ربط كثير ، بطرق غبية وتضحك بس كانت ترسخ بدماغي ، وكنت احاول اني اذا لقيت اي طريقة غير الحفظ سواء كانت ربط سواء كانت فهم سواء كانت قصة كنت اقبلها على طول ما اصر اني احفظ كل شيء ، لان مستحيل تحفظ كل هالكم الهائل من الارقام والربط طريقة مضمونة اكثر بالاختبار ، تخليك تسترجع المعلومات بشكل اسرع ، ذا شيء علميًا مثبت ، اربط بالحياة الواقعية تعدي باللفظي والقطع والعلاقات والارقام

بعد ما خلصت النماذج سويت مراجعة لها كنت اختبر بالنموذج بموقع الاختبارات حق الدورة واكبتشر على اخطائي بكل الاقسام عدا القطع ، القطع كنت اشوف القطع اللي انا سيئة فيها واحددها بفهرس الملف حق النماذج وبعد ما اخلص مثلًا 20 نموذج اختبرته اروح احفظ قطعهم واحاول اربط كثير فيهم وبرضو اراجع اللي كبتشرته

اشياء كنت اسويها ممكن تفيدكم :
1- كنت اشرح كثير للناس
2- كنت اكبتشر على اي سؤال صعب وانساه كثير واحطه بالبوم ، واحد للكمي واحد للفظي
3- كنت اقرا تجارب الناس كثير وحريصة على المصادر افضل شيء هو (المعاصر 7، المنصف، ايهاب عبد العظيم)
4- كنت اتدرب كثييرر واراجع القوانين باستمرار وعندي دفتر لاي قوانين جديدة تمر علي وماهي موجودة بكتاب التأسيس اكتبهم فيها
5- بعد ما خلصت تدريب راجعت الاسئلة اللي كنت احدد عليها بالنماذج اللي ما كنت اعرف احلها ، رجعت احلهم كلهم واللي ما عرفت له كنت اروح لدفتر القوانين واكتبه فيه
6- كنت احاول اوازن ما بين الكمي واللفظي وما اركز على واحد واهمل الثاني ، حتى لو كنت كويسة بواحد وسيئة بالثاني دايم التركيز متساوي ومراجعة باستمرار للي انا كويسة فيه وتدريب مكثف على اللي انا سيئة فيه
7- كنت اختبر كثير على النماذج بالاختبارات العادية مب المحاكية اللي بدورة ايهاب

BY قدرات ثانوي ( ورقي و محوسب )