رِوايات سُودانية🪐🤎!)"

#ثمن_الاختيار❤️
حلقة 14

"هو موقف بحصل بالغلط بس بوريك كل حاجة صح.))

عاينت لـ ملك لقيتا واقفة مع ولد ودا نفسو الكان جات معاهو بعد المغرب ما عارف كيف وقفت العربية بس فجأة تركيزي كلو بقى موجه ليهم.
أنهار إنتبهت لي وعرفت إني بعاين ليهم والغربية إنها ما إستغربت .. ما حسيتا إنها ما بتعرف الولد كأنها كانت عارفة إنو ملك ح تقابلو أو في بينهم شي ما حسيت بنفسي إلا وأنا نازل وماشي عليهم أنهار كانت بتنده علي بس ما ركزت معاها.

لما شافوني وقتها أنهار وصلتني وبقت ماشة معاي الولد عاين لينا وكسر عينو أما ملك كانت مستغربة مننا وقفت قدامها أنا ما عارف ح أقول شنو ولا ح أتصرف كيف بس العارفو إني ح أخربا ..!

هشام: على أساس مصدعة وما عايزة تطلعي غيرتي رايك فجأة؟
أنهار: هشام دقيقة ..
هشام: ما دقيقة ولا شي الموقفا مع ولد في نص الشارع شنو ممكن أفهم؟
ملك: نعم؟ يعني إنت أسي الـ مضايقك إني واقفة مع واحد في نص الشارع ما إني مصدعة صح؟
هشام: تصدعي ولا تمرضي أسي دي ما مشكلتي دا منو؟
عمرو: ممكن تهدأ ونفهمك كل حاجة..!
هشام: أنا ما بتكلم معاك عايز أسمع منها ما منك لأنو قبل كدا شفتها بالليل معاك ولسة منتظرا تفهمني..!
ملك: وأنا ما ح أقول شي بالطريقة دي..
هشام: يعني ما عايزة تبرري..!؟
ملك: أبرر ليك ليه وبعدين إنت قاعد تاخد راي لما بتطلع ولا يوم سألتك من الناس الفي حياتك؟
هشام : جيتي سألتيني وأنا ما وريتك؟ ملك ما تتخطي حدودك معاي.
ملك: أسألك ليه وكل زول حر في حياته.
هشام: حريتك تنتهي عندك مش لما الموضوع يكون بخصني.
ملك : وبخصك في شنو لما أقيف مع ولد ولا أطلع وأنزل معاه؟
هشام: أيوة بخصني جدًا ما مالي عينك يعني لما .. "لحق نفسه وسكت"
ملك: نحن في الشارع ما تكورك فيني يا هشام عشان أنا ما عملت شي غلط وياريت ما تدخل دي حاجة بيني وبين عمرو.
هشام: ما أتدخل؟ ملك إنتِ جادة؟ ناسية إني ود خالتك؟
ملك: براك قلتها ود خالتي وبس ما عاقد علي وبعدين تشوفني مع عمرو ولا غيرو ما حاجة تخصك ولا ح تفرق معاك بي شي.
هشام: خير يا ملك ما ح أتدخل وأسف على المقاطعة الحصلت دي .. "بي زعل إتحرك ومشى على عربيته"

ما كنت مستوعب كلام ملك ما كنت متوقع إنها في يوم تقول لي كدا ركبت العربية ومشيت حتى ما إنتظرت أنهار ولا إتذكرتها أصلًا.
كنت سايق كأني في سباق كلاما لسة بزن في أضاني وشكلها مع الولد ما عايز يفارق راسي..

بعد كلامها الـ قالتو دا ما كان في حل غير أعصر على قلبي وأحاول بكل الطرق إني أطلعا منو ..!

_____

"عند أنهار"

كنت واقفة مصدومة في رد فعل هشام وكلام ملك عمرها ما علت صوتا على زول ولا إتكلمت بالإسلوب دا البعرفو إنو هي وهشام متفاهمين فجاة حسيت دي ملك تانية غير البعرفا بعد هشام مشى إلتفت لقيت عمرو بهدي فيها ويعتذر منها وهي بتبكي ما إستغربت وجود عمرو لو هي عايزة تلاقيه حتى لو ما حابة تكلمني كان تقول لي عندي موضوع بس دست مني وقالت مصدعة ورفضت تطلع معانا عشان عمرو؟
ما أعتقد لقاءهم دا صدفة لأنو هم طبيعي بتواصلو وكل ما تحصل مشكلة بينا عمرو بستنجد بيها وبلاقيها عشان تصالحنا أعتقد عملوا كدا .. بس فاجئني رد فعل هشام لما نزل كان زعلان أي صح هي بت خالتو وأي شي بس هشام ما النوع التفكيرو سطحي وما لدرجة يتدخل في حياة ملك بالطريقة دي.

كلام ملك بزعل بس هي ليه كانت متعصبة وبتتكلم بالقساوة دي معاه؟
عمومًا ما كنت ح أمشي وأخليها في الموقف دا جيت مسكتها من يدها عمرو قال ليها:
_أرجعي البيت وكل شي ح يتصلح روقي وأديني خبر أنا ح أتصرف معاهو.
ملك إكتفت بإنها تهز راسا وهو طوالي إتحرك بدون ما يتكلم معاي.

رجعت مع ملك بيتهم وإتصلت لـ حسام كلمتو إني ح أبيت معاها في الاول إعترض عشان ما كلمتو من بدري بس حنستو لما وافق.
ملك من رجعت رقدت نامت أنا غيرت لبستي وطلعت إتونست مع أمها وهديل وكالعادة أشاغل مصطفى شوية وهو كمان يشيل ويقول لي والله يا ننو ياخ ياريتك عايشة معانا كان عملتي لينا جو.
حقيقي بيت ناس ملك بيحسسني بالعائلة الناقصاني باخد راحتي فيهو زي كأنه بيتنا من لما عرفنا بعض وأنا بحب أجيها في البيت وبتبسط جدًا مع أخوانا حتى هما بقوا حافظيني بعد المغرب ملك صحت وجات قعدت معانا كانت ساكتة أنا متأكدة إنو ملك بتكون قاعدة تفكر في الكلام الـ قالتو لـ هشام.
أثناء ونستنا عزو جا داخل وجاب معاه 2 بيتزا وسلم علي وقعدنا حارسينو يفتحا.

عزو: وأنا أقول سر اللمة الغريبة دي شنو كويس إنو أنهار خلتكم تقعدوا سوا في حتة واحدة.
أنهار: الله يخليني ليكم وبعدين لو عارفاك جايب بيتزا كان وريتك أنا بحب شنو بدل ما تجيب ساي.
عزو: عان صدقت روحا وشنو أجيب ساي دي إنتو لاقين أصلًا ما كتر خيري قاعد أدلعكم أكلي بس على ذوقي.

www.group-telegram.com/ua/RwayatSudan.com/42780

1.8K viewsتنزيل صابر ♡, Mar 18, 2023 at 09:52

#ثمن_الاختيار❤️
حلقة 14

"هو موقف بحصل بالغلط بس بوريك كل حاجة صح.))

عاينت لـ ملك لقيتا واقفة مع ولد ودا نفسو الكان جات معاهو بعد المغرب ما عارف كيف وقفت العربية بس فجأة تركيزي كلو بقى موجه ليهم.
أنهار إنتبهت لي وعرفت إني بعاين ليهم والغربية إنها ما إستغربت .. ما حسيتا إنها ما بتعرف الولد كأنها كانت عارفة إنو ملك ح تقابلو أو في بينهم شي ما حسيت بنفسي إلا وأنا نازل وماشي عليهم أنهار كانت بتنده علي بس ما ركزت معاها.

لما شافوني وقتها أنهار وصلتني وبقت ماشة معاي الولد عاين لينا وكسر عينو أما ملك كانت مستغربة مننا وقفت قدامها أنا ما عارف ح أقول شنو ولا ح أتصرف كيف بس العارفو إني ح أخربا ..!

هشام: على أساس مصدعة وما عايزة تطلعي غيرتي رايك فجأة؟
أنهار: هشام دقيقة ..
هشام: ما دقيقة ولا شي الموقفا مع ولد في نص الشارع شنو ممكن أفهم؟
ملك: نعم؟ يعني إنت أسي الـ مضايقك إني واقفة مع واحد في نص الشارع ما إني مصدعة صح؟
هشام: تصدعي ولا تمرضي أسي دي ما مشكلتي دا منو؟
عمرو: ممكن تهدأ ونفهمك كل حاجة..!
هشام: أنا ما بتكلم معاك عايز أسمع منها ما منك لأنو قبل كدا شفتها بالليل معاك ولسة منتظرا تفهمني..!
ملك: وأنا ما ح أقول شي بالطريقة دي..
هشام: يعني ما عايزة تبرري..!؟
ملك: أبرر ليك ليه وبعدين إنت قاعد تاخد راي لما بتطلع ولا يوم سألتك من الناس الفي حياتك؟
هشام : جيتي سألتيني وأنا ما وريتك؟ ملك ما تتخطي حدودك معاي.
ملك: أسألك ليه وكل زول حر في حياته.
هشام: حريتك تنتهي عندك مش لما الموضوع يكون بخصني.
ملك : وبخصك في شنو لما أقيف مع ولد ولا أطلع وأنزل معاه؟
هشام: أيوة بخصني جدًا ما مالي عينك يعني لما .. "لحق نفسه وسكت"
ملك: نحن في الشارع ما تكورك فيني يا هشام عشان أنا ما عملت شي غلط وياريت ما تدخل دي حاجة بيني وبين عمرو.
هشام: ما أتدخل؟ ملك إنتِ جادة؟ ناسية إني ود خالتك؟
ملك: براك قلتها ود خالتي وبس ما عاقد علي وبعدين تشوفني مع عمرو ولا غيرو ما حاجة تخصك ولا ح تفرق معاك بي شي.
هشام: خير يا ملك ما ح أتدخل وأسف على المقاطعة الحصلت دي .. "بي زعل إتحرك ومشى على عربيته"

ما كنت مستوعب كلام ملك ما كنت متوقع إنها في يوم تقول لي كدا ركبت العربية ومشيت حتى ما إنتظرت أنهار ولا إتذكرتها أصلًا.
كنت سايق كأني في سباق كلاما لسة بزن في أضاني وشكلها مع الولد ما عايز يفارق راسي..

بعد كلامها الـ قالتو دا ما كان في حل غير أعصر على قلبي وأحاول بكل الطرق إني أطلعا منو ..!

_____

"عند أنهار"

كنت واقفة مصدومة في رد فعل هشام وكلام ملك عمرها ما علت صوتا على زول ولا إتكلمت بالإسلوب دا البعرفو إنو هي وهشام متفاهمين فجاة حسيت دي ملك تانية غير البعرفا بعد هشام مشى إلتفت لقيت عمرو بهدي فيها ويعتذر منها وهي بتبكي ما إستغربت وجود عمرو لو هي عايزة تلاقيه حتى لو ما حابة تكلمني كان تقول لي عندي موضوع بس دست مني وقالت مصدعة ورفضت تطلع معانا عشان عمرو؟
ما أعتقد لقاءهم دا صدفة لأنو هم طبيعي بتواصلو وكل ما تحصل مشكلة بينا عمرو بستنجد بيها وبلاقيها عشان تصالحنا أعتقد عملوا كدا .. بس فاجئني رد فعل هشام لما نزل كان زعلان أي صح هي بت خالتو وأي شي بس هشام ما النوع التفكيرو سطحي وما لدرجة يتدخل في حياة ملك بالطريقة دي.

كلام ملك بزعل بس هي ليه كانت متعصبة وبتتكلم بالقساوة دي معاه؟
عمومًا ما كنت ح أمشي وأخليها في الموقف دا جيت مسكتها من يدها عمرو قال ليها:
_أرجعي البيت وكل شي ح يتصلح روقي وأديني خبر أنا ح أتصرف معاهو.
ملك إكتفت بإنها تهز راسا وهو طوالي إتحرك بدون ما يتكلم معاي.

رجعت مع ملك بيتهم وإتصلت لـ حسام كلمتو إني ح أبيت معاها في الاول إعترض عشان ما كلمتو من بدري بس حنستو لما وافق.
ملك من رجعت رقدت نامت أنا غيرت لبستي وطلعت إتونست مع أمها وهديل وكالعادة أشاغل مصطفى شوية وهو كمان يشيل ويقول لي والله يا ننو ياخ ياريتك عايشة معانا كان عملتي لينا جو.
حقيقي بيت ناس ملك بيحسسني بالعائلة الناقصاني باخد راحتي فيهو زي كأنه بيتنا من لما عرفنا بعض وأنا بحب أجيها في البيت وبتبسط جدًا مع أخوانا حتى هما بقوا حافظيني بعد المغرب ملك صحت وجات قعدت معانا كانت ساكتة أنا متأكدة إنو ملك بتكون قاعدة تفكر في الكلام الـ قالتو لـ هشام.
أثناء ونستنا عزو جا داخل وجاب معاه 2 بيتزا وسلم علي وقعدنا حارسينو يفتحا.

عزو: وأنا أقول سر اللمة الغريبة دي شنو كويس إنو أنهار خلتكم تقعدوا سوا في حتة واحدة.
أنهار: الله يخليني ليكم وبعدين لو عارفاك جايب بيتزا كان وريتك أنا بحب شنو بدل ما تجيب ساي.
عزو: عان صدقت روحا وشنو أجيب ساي دي إنتو لاقين أصلًا ما كتر خيري قاعد أدلعكم أكلي بس على ذوقي.

BY رِوايات سُودانية🪐🤎!)"