☕️ Вітаем, шаноўныя!

Сабралі для вас найбольш цікавыя матэрыялы «Белсату», які вы маглі прапусціць:

🔺 Белстат: сярэдні заробак у Беларусі — 2693,9 рубля

Рэжым пахваліўся тым, колькі ў сярэднім зарабляюць сёння беларусы. Мы вырашылі спраўдзіць і паглядзелі вакансіі з прапановамі заробкаў. Якая там розніца — чытайце праз VPN.

🔺 Беларусам масава піша «Акрэсціна»

Хтосьці прадстаўляецца ізалятарам і дасылае паведамленні, дзе палохае беларусаў падпіскамі на «экстрэмістаў». Як выглядаюць рассылкі — чытайце на старонцы (праз VPN).

🔺 Украінскія журналісты выявілі адказных за раскраданне культурных каштоўнасцяў у Херсоне

Хто абрабаваў музеі Херсона на 33 тысячы гістарычных артэфактаў і мастацкіх твораў — чытайце на сайце праз VPN.

#штопачытаць

Каля 100 тысяч чалавек выйшлі на мітынгі супраць Роберта Фіца

Учора па ўсёй Славаччыне прайшлі масавыя пратэсты з патрабаваннем адстаўкі прэм’ер-міністра. Толькі ў сталіцы выйшлі 60 тысяч чалавек. Арганізавалі акцыі рух «Мір Украіне» і апазіцыйныя партыі.

Сам Фіца заявіў, што за пратэстамі нібыта стаяць «замежныя эксперты», якія рыхтуюць пераварот.

Нагадваем, раней прэм’ер Славаччыны сустракаўся з Пуціным, а пасля гэтага прыгразіў скараціць падтрымку Украіны.

🇺🇸 Міністрам абароны ЗША стаў экс-тэлевядоўца Піт Хэгсэт

Яго кандыдатура выклікала спрэчкі праз абвінавачанні ў згвалтаванні. Аднак Сенат усё роўна ухваліў яго як новага кіраўніка Пентагона.

Што пра яго вядома?

🔻 Піт — ветэран Нацгвардыі ЗША, служыў у Іраку і быў добраахвотнікам у Афганістане.

🔻 З 2014 года працаваў журналістам на Fox News.

🔻 Падчас здымак аднаго з выпускаў шоу праходзілі спаборніцтвы па кіданні сякеры. Піт выпадкова трапіў сякерай у барабаншчыка ў прамым эфіры.

🔻 «З Пітам наша армія зноў стане вялікай», — казаў пра яго Трамп.

🔻 Хэгсэт крытыкуе саюзнікаў па NATO за недастатковыя выдаткі.

🔻 Яго не задавальняюць выдаткі Амерыкі на падтрымку ЗСУ.

🔻 Заявіў, што Кітай будуе армію, «спецыяльна прызначаную для перамогі над ЗША».

🔻 Піт Хэгсэт ажаніўся трэцім шлюбам, выхоўвае семярых дзяцей.

🔻 Ён выплаціў кампенсацыю ў памеры $50 тысяч жанчыне, якая абвінавачвала яго ў сэксуальных дамаганнях.

😳 ЗША прыпыніла праграмы дапамогі іншым краінам. Гэта можа закрануць і Украіну

У дакуменце адзначаецца, што пастанова не закране дапамогу Ізраілю і Егіпту. Іншыя краіны сярод выключэнняў не згадваюцца.

Паводле звестак выдання Politico, указ Дзяржаўнага дэпартаменту ЗША «шакаваў некаторых чыноўнікаў».

🫤 А суразмоўца Reuters у агенцтве ЗША па міжнародным развіцці (USAID) распавёў, што супрацоўнікам, адказным за праекты ва Украіне, загадалі «спыніць усю працу». Сярод замарожаных праектаў – падтрымка школаў і дапамога ў галіне аховы здароўя.

❗️У Беларусі зноў глушаць інтэрнэт

Пра праблемы паведамляюць нашыя чытачы.

Таксама ўлады абмежавалі на тры дні доступ з-за мяжы да некаторых сайтаў. патлумачылі гэта пагрозай «для аб'ектаў інфармацыйнай інфраструктуры і інфармацыі, якая апрацоўваецца з іх выкарыстаннем».

👉 А мы ў сваю чаргу нагадваем, што рабіць, калі адключаюць інтэрнэт.


*Сачыце за намі на тэлеграме @Belsat
Калі маеце важную інфармацыю, з намі можна звязацца праз тэлеграм @edytorBLST ці праз пошту [email protected]

💥 «Белсат» па-беларуску – у Google News

🙌 Падпісвайцеся на нас (калі гэта бяспечна) і будзем разам прасоўваць беларускую мову ў Google!

Наша старонка ў Google News

🙈 У Беларусі адбылося ўрачыстае адкрыццё…скамейкі

Законы ў нашай краіне замест чыноўнікаў цяпер будзе пісаць ШІ, а Лукашэнка надасць Героя Беларусі Пацу Вацу.

😁 Паралельная беларуская рэчаіснасць у новым выпуску сатырычнай праграмы «Хай Так tv»

😢 Маці дваіх дзяцей ужо заплаціла за лячэнне 100 тысяч долараў. Грошай больш няма, а лячэнне трэба працягваць

У Беларускі Аляксандры рак шыйкі маціцы. Сям’я дзяўчыны ўжо аддала на лячэнне больш за 100 тысяч долараў, але рэсурсы на гэтым цалкам вычарпаліся.

У Сашы 2 маленькія дачкі, дзеля будучыні якіх, яна працягвае змагацца за сваё жыццё.

👉 Паглядзіце гісторыю Аляксандры ў праграме «Беларус беларусу» і калі вы захочаце падтрымаць гэтую мужную дзяўчыну, то пішыце на адрас [email protected]

📌 «Хамас» вызваліў яшчэ чатырох закладніц, яны вярнуліся ў Ізраіль

Закладніц перадалі прадстаўнікам Чырвонага крыжа ў Газе. Дзяўчаты былі захопленыя 7 кастрычніка 2023 года падчас нападу «Хамас» на тэрыторыі Ізраілю.

Стан усіх чатырох дзяўчат добры, патрэбы ў рэанімацыі няма. Пазней іх перадалі прадстаўнікам Цагаль.

Паведамляецца, што ў абмен ізраільскі бок мае вызваліць 180 палестынскіх зняволеных.

🤯 Дыктатар абраў сабе дзяўчыну, якая маладзейшая за яго на 49 гадоў

На канцэрце да «Марафона адзінства» Лукашэнка быў заўважаны разам з сынам Мікалаем (па правую руку), а таксама з маладой дзяўчынай (па левую руку). Завуць яе Настасся Казырыцкая, і яна мадэль.

🤨 Настасся ўдзельнічала ў конкурсе «Міс Беларусь — 2021», але не перамагла. Нягледзячы на гэта, дзяўчыне «пашанцавала» — яна стала з’яўляцца разам з Лукашэнкам на навагоднім балі, балі выпускнікоў і на Дні Незалежнасці.

Казырыцкая вырасла ў сям’і экс-міліцыянта, які звольніўся з органаў прыкладна ў час яе нараджэння. Яна вучылася на бухгалтара і выступала як мадэль. Сёння 21-гадовая беларуска працуе асістэнткай па забеспячэнні дзелавога пратакола Нацыянальнай школы прыгажосці.

👉 Нагадаем, Лукашэнку 70 гадоў.

🤬 У Івацэвіцкім раёне выбарнікам «падказваюць» за каго галасаваць

Праваабаронцы паведамляюць, чальцы камісіі пільнуюць людзей проста каля кабінак для галасавання і ў некаторых выпадках наўпрост пальцам паказваюць, за каго паставіць галачку ў бюлетэні.

📺 Навіны за 5 хвілін

✔️ 46 беларусаў прыехалі прагаласаваць на гэтак званых выбарах з-за мяжы

✔️У Беларусі пачалі глушыць інтэрнэт

✔️Ціханоўская заклікала беларусаў замежжа да ўдзелу ў акцыях пратэсту 26 студзеня

✔️Шматтысячныя пратэсты ў Славакіі

✔️У Беларусі абнавілі «чорны спіс» літаратуры

Глядзіце ў кароткім выданні навін на Белсаце 💻

📌 Беларусь збіраецца ўзяць ільготны крэдыт у Кітая

Праўда ні мэта, ні сума, ні іншыя звесткі пра крэдыт не вядомыя.

У Кітаі існуе практыка даваць крэдыты на заведама стратныя праекты, каб загнаць краіну-пазычальніка ў даўгавую яму.

👉 «Белсат» запытаў экспертаў, чым можа пагражаць беларусам такое рашэнне ўладаў.

🤡 «Мы захаваем галоўнае: дыктатуру парадку, справядлівасці, дабра і павагі да чалавека». Сабралі галоўнае пра «выбары» на сёння

✔️ Для прыхільнікаў Лукашэнкі закон не працуе. Яны могуць спакойна здымаць бюлетэні і нават выкладаць іх у сацсеткі. У той час, як іншым за гэта пагражае штраф.

✔️ У Гомельскай вобласці мясцовыя ўлады далі загад адключыць інфармацыйныя экраны. Хіба баяцца новых трансляцыяў Ціханоўскай.

✔️ Ну і каб ужо дакладна перастрахавацца ад неспадзянак з боку гэтых «экстрэмістаў», па ўсёй ай-ці краіне глушаць інтэрнэт.

✔️ А вось улады Івацэвіцкага раёна ўвогуле лічаць мясцовых жыхароў за нейкіх не вельмі разумных людзей…бо, стоячы каля кабінак для галасавання, пальцам паказваюць за каго паставіць галачку.

✔️ У гэты ж час ЦВК хваліцца, што аж цэлых 52 замежніка прыехалі каб прагаласаваць.

✔️ Ну і на дэсерт – новы фільм «BELPOL» пра фальсіфікацыі выбараў і злітыя базы чальцоў выбарчых камісіяў.

❗️ З'явіўся фэйкавы Telegram-канал Ціханоўскай

Адрас адрозніваецца ўсяго адной літарай і нават колькасць падпісантаў падобная, таму будзьце пільныя!

На канале апублікавалі відэа, дзе Святлана Ціханоўская нібыта заяўляе, што складае паўнамоцтвы.

👉 Сапраўдны канал вось — @tsikhanouskaya

🔴 «Аб'ектыў» – галоўныя падзеі дня!

У сённяшнім выданні:

🔸У Беларусі пачаліся перабоі ў працы сайтаў і VPN. Што рабіць каб заставацца онлайн?

🔸Чаму беларускі бізнес перабіраецца за мяжу, а таксама, з якімі праблемамі сутыкаецца

🔸ЗША прыпыніла праграмы дапамогі замежным дзяржавам. Ці закране гэта Украіну і ваенную дапамогу ёй?

🔸26 студзеня дэмакратычныя сілы ладзяць альтэрнатыўныя акцыі, распавядзем дзе і што будзе адбывацца

Далучайцеся да нашага эфіру ⤵️

https://www.youtube.com/live/TGP92kvfsG0

😥 Гэтыя каты і сабакі спрабуюць хавацца ад расейскіх абстрэлаў

Паглядзіце, як валанцёры ратуюць гадаванцаў акурат на лініі фронту.

💥 #галоўнае за 25 студзеня

✔️ У Славаччыне мітынгі супраць Роберта Фіца

✔️ ЗША прыпыніла праграмы дапамогі іншым краінам

✔️ «Хамас» вызваліў яшчэ чатырох закладніц

✔️ Беларусь збіраецца ўзяць ільготны крэдыт у Кітая

✔️ З'явіўся фэйкавы Telegram-канал Ціханоўскай

✔️ У Белавежскай пушчы забаранілі паляванне на ваўкоў

#рэпрэсіі:

▪️ На «бязвыбарах» скончылася датэрміновае галасаванне. У ЦВК пахваліліся рэкорднай яўкай – 41,81%. Дайджэст бязвыбараў

▪️ Па памілаванні выйшаў палітвязень, асуджаны на 5 гадоў за данаты