Из Акафиста Иверской иконе Божией Матери

Икос 5
Видеша иноцы иверстии многажды икону Богоматере из храма верху врат монастырских на стену града незримою силою изнесенную, ужасахуся и стояху, зовуще к Ней таковая:
Радуйся, святую икону дати нам изволившая;
радуйся, покров ю быти нам обещавшая.
Радуйся, любовь Твою к обители нашей показавшая;
радуйся, благое о ней промышление явившая.
Радуйся, помощь наша в чуждей стране;
радуйся, в странствии нашем утешение.
Радуйся, Божие к нам благоволение;
радуйся, наше к Богу дерзновение.
Радуйся, слез наших избавление;
радуйся, сирых нас защитнице.
Радуйся, ограждение наше;
радуйся, едина радосте наша.
Радуйся, благая Вратарнице, двери райския верным отверзающая.
#православие #христианство
#Иверский_храм_ЙошкарОла