Tramp ma’muriyati noqonuniy migrantlarni har kuni harbiy samolyotlarda mamlakatdan chiqarib yuborish rejasini e’lon qildi

Bu “AQSH tarixidagi eng yirik deportatsiya operatsiyasi” bo‘ladi.

👉 @kunonline

Isroil va Livan o‘t ochishni to‘xtatish rejimini 18-fevralga qadar uzaytirdi

Tomonlar o‘rtasidagi kelishuvga ko‘ra, Isroil Livan janubidan qo‘shinlarini 27-yanvargacha olib chiqishi kerak edi. Ammo jarayon hali davom etishi e’lon qilingan.

👉 @kunonline

1-fevraldan bolalar uylarida “Onalar maskani” xizmati yo‘lga qo‘yiladi

Unga ko‘ra, og‘ir hayotiy vaziyatga tushib qolgan onalar va ularning bolalari yilgacha bo‘lgan muddatga ijtimoiy shartnoma asosida vaqtincha boshpana bilan ta’minlanadi.

👉 @kunonline

Yevropa Belarusdagi ovoz berishi tan olmadi. Yevropa Komissiyasi bu saylovlarni soxta va g‘ayriqonuniy, deb baholadi

Belarus muxolifatining surgundagi rahbari Svetlana Tixanovskaya saylovni “rejimning navbatdagi masxarabozligi” deb atagan.

👉 @kunonline

Surxondaryo viloyatining Termiz tumanida Damas yo‘lni kesib o‘tayotgan 1-sinf o‘quvchisini urib yubordi

Oqibatda 8 yoshli bola shifoxonada vafot etdi.

👉 @kunonline

“Chiptalarimiz Janubiy Koreyanikidan arzon” — temiryo’lchi narx-navo haqida

Kun.uz 1-fevraldan oshayotgan chipta narxlari yuzasidan temiryo’lchilar bilan suhbat o’tkazarkan, “Afrosiyob” samolyotdan ham qimmatligi xususida so’radi. Xodimlar fikricha, bu chiptalar aksincha, Janubiy Koreya poyezdlarinikidan ancha arzon.

👉@kunonline

Buxoro davlat texnika universiteti tashkil etiladi

Bu borada prezident qarori qabul qilindi.

👉@kunonline

O‘zbekistonga 2024-yilda elektromobillar bilan qo‘shib hisoblaganda jami 74,7 mingta yengil avtomobil import qilindi

Shundan 61 ming donasi Xitoydan keltirilgan. Keyingi o‘rinda Janubiy Koreya (11,9 mingta) va AQSH (639 ta) turibdi.

👉@kunonline

«Daniya yolg‘iz emas» — deya yozdi mamlakat bosh vaziri Mette Frederiksen va uyida Norvegiya bosh vaziri Yonas Gar Styore, Shvesiya bosh vaziri Ulf Kristersson hamda Finlandiya prezidenti Aleksandr Stubb bilan kechki ovqatni birga qilishgani aks etgan suratni joyladi

Bu Trampning Daniya tarkibidagi Grenlandiyaga da’vosi fonida bo‘lmoqda.

👉@kunonline

Boliviyada yo‘lovchi avtobusi yo‘ldan chiqib, ag‘darildi

Oqibatda 19 kishi, jumladan ikki bola halok bo‘ldi. Yana 9 kishi jarohatlandi.

👉@kunonline

“Dikiy arman” 20 yilga ozodlikdan mahrum qilindi

Qozogʻistonlik kriminal avtoritet, Yovvoyi Arman laqabi bilan tanilgan Arman Jumageldiyev Olma-ota sudining hukmi bilan 20 yilga ozodlikdan mahrum qilindi. U “Yanvar voqealari” tashkilotchiligi, jinoiy guruh tashkil etish kabi jinoyatlarda ayblanmoqda.

Shuningdek, unga homiylik qilgan Qozogʻiston MXQ sobiq xodimi Ruslan Iskaqov 15,5 yilga, uning hamkori sifatida ayblangan mahalliy kengashning deputati Qayrat Xudoybergen esa 8 yilga ozodlikdan mahrum qilindi.

👉 @kunonline

Tramp G‘azo sektoridan falastinlik qochqinlarni Misr, Iordaniya va boshqa arab davlatlariga ko‘chirishni taklif qildi

Iordaniya qiroli va Misr ushbu taklifni rad etdi. Xususan, Misr TIV “G‘azo aholisini o‘z yurtidan badarg‘a qilish” g‘oyasini qoralashini bildirdi.

👉 @kunonline

Turkiya kurortidagi Grand Kartal mehmonxonasida yuz bergan dahshatli yong‘in sababi oshpazlarning e’tiborsizligida bo‘lgan, deb xabar bermoqda Sabah

Oshpazlar grilni yoqilgan holda qoldirgan, keyinchalik olovni o‘t o‘chirish vositasi bilan emas suv bilan o‘chirishga uringan. Oqibatda olov butun xonaga sachragan.

Mehmonxona egasi yong‘in uchun barcha javobgarlikni xodimlarga: bosh oshpaz, elektrik va qo‘riqchilarga yukladi. Sudda u bosh oshpaz oshxonadagi elektr jihozlariga, elektrik esa yong‘in xavfsizligi tizimiga mas’ul ekanini ta’kidlagan.

👉 @kunonline

Eronda “G‘azo” nomli yangi dron sinovdan o‘tkazildi

U razvedka, kuzatish va nishonga yuqori aniqlikda zarba berishga mo‘ljallangan. Dron aqlli o‘q-dorilar va radioelektron urish tizimlari bilan jihozlangan.

Uning parvoz davomiyligi 35 soatgacha, uzoqligi 2000 kilometrdan ortiq, jangovar yuk ko‘tarish qobiliyati esa 500 kilogrammgacha yetadi.

👉 @kunonline

🔻AQSH dollarining rasmiy kursi biroz pasaydi

Markaziy bank 28-yanvardan xorijiy valutalarning o‘zbek so‘miga nisbatan yangi qiymatini belgiladi.

🇺🇸 USD 12 963,27 soʻm (–5,78)
🇷🇺 RUB 132,74 soʻm (+0,58)
🇪🇺 EUR 13 597,17 soʻm (–13,85)

👉 @kunonline

Yevropa Ittifoqiga a’zo 27 davlatning Tashqi ishlar vazirliklari rahbarlari Rossiyaga qarshi sanksiyalarni uzaytirishni ma’qullashdi.

👉 @kunonline

Toshkent yana havo sifati pasaygan poytaxtlar reytingida 2-oʻringa chiqib oldi

👉 @kunonline

Minglab falastinliklar Gʻazo shimoliga qaytmoqda

27-yanvar kuni Hamas garovdagilardan yana uch nafarini qo‘yib yuborishga va’da qilgach, Isroil falastinliklar Gʻazo sektori shimoliga qaytishi uchun blokpostlarni ochib yubordi.

👉 @kunonline

Toshkent shahar Uchtepa tumanidagi tikuvchilik korxonasi omborida yong‘in yuz berdi

27-yanvar kuni soat 21:33 da boshlangan yong‘in soat 01:41 da o‘chirildi. Yong’in oqibatida halok bo‘lgan va jabrlanganlar yo‘q.

👉@kunonline

Ayni paytda Toshkent havosi eng iflos shaharlar reytingida 8-o‘rinni egallab turibdi

👉@kunonline