س/ لو عملت ذنوب تاني بعد رمضان ...هل ده معناه ان عبادتي في رمضان ما اتقبلتش ؟ واعمل ايه عشان اوصل للهداية بحاول ما اعملش ذنوب بس بردو بغلط؟

ج/ربنا بيقول "وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ"
بس انت فاهم غلط
انت فاهم ان الهداية الا تخطئ
وده مستحيل،، "كلُّ ابنِ آدمَ خطَّاءٌ "
لكن الهداية هي انك تنوي الرجوع بصدق والاقلاع بصدق
ولو وقعت ترجع بسرعة تقوم على طول
ربنا قال "إِنَّمَا التَّوْبَةُ عَلَى اللَّهِ لِلَّذِينَ يَعْمَلُونَ السُّوءَ بِجَهَالَةٍ ثُمَّ يَتُوبُونَ مِن قَرِيبٍ"
ما قالش انهم هايبقوا معصومين
انت بتدور على العصمة الكاملة ،والله لم يطالبك بالعصمة لأنك بشر ضعيف
بل..... طالبك بالسعي لها
ولازم هيحصل تفريط بسبب طبيعتك البشربة
وعشان كده ربنا شرع التوبة للمؤمنين
انت فاهم ان القبول في رمضان معناه انك تخرج للحياة قديس لا تخطئ....وده مستحيل
القبول في رمضان معناه انك تخرج أقرب إلى الطاعة واحب لله، ابعد عن المعصية
لكن محدش قال انك مش هتعصي خالص والا يبقى كل الناس ما اتقبلتش لأن الكل يذنب
معنى القبول انك تطلع بتحب ربنا وطاعته وتكره المعصية
وده واضح في كلامك انك كاره للمعصية ونادم .....ودي علامات التوبة
ماحدش يقدر يقول لحد انت مقبول ولا لأ
لكن من أحسن العمل واحسن الظن بالله فهو مقبول بإذن الله
"أنا عند ظنِّ عبدي بي فليظُنَّ بي ما شاء"

العلماء لما تكلموا في شروط التوبة لم يشترطوا عدم العودة للذنب
ولكن اشترطوا .....
🚫العزم على عدم العودة
فأنت اذا عزمت على عدم العودة صادقا نادما يبقى انت كده تُبت
لو َوقعت بعدها فـ ده مش معناه ان التوبة مش مقبولة خالص
ولكن ... معناه ان الشيطان غلب جولة
وانت كنت غالبه جولات قبلها

فحال المؤمن بعد الذنب:
1️⃣ ندم
2️⃣إقلاع عن الذنب وتركه
3️⃣عزم على عدم العودة
ولو وقعت بعد ذلك سارع للتوبة
ولو وقعت الف مرة....تُب الف توبه
التوبة تمسح الذنب "إِنَّ الْحَسَنَاتِ يُذْهِبْنَ السَّيِّئَاتِ"
وده مش معناه انك تتجرأ على الذنب ولكن تعرف الطبيعة البشرية الضعيفة عشان ماتتصدمش
لكل جواد كبوة ؛
ومامن مؤمن إلا وله ذنب ؛
لكن التحدي الكبير.... مش بس عدم الوقوع في الذنب
التحدي الأكبر انك لو وقعت أو زللت هاتتصرف ازاي.....
هاتكبر دماغك وتكمل زي زمان❌
ولا هتسارع لربك تتوب َوتستغفره وتسترضيه وتسرع لعمل حسنات تذهب السيئات✅
هو ده علامات القبول فعلا
_لن تكون قديسا معصوما
لكن.... ذنوبك هتقل جدا
_ولو وقعت هتقوم بسرعة تائبا منكسرا لربك
فقم وانفض عنك غبار اليأس
وأري الله من نفسك الخير "لَلَّهُ أَشَدُّ فَرَحًا بِتَوْبَةِ عَبْدِهِ حِينَ يَتُوبُ إِلَيْهِ"

رسايل

‏ما دُمتَ تسعىٰ في طريـق حفظ القـرآن فَالزَمْ ثبـاتَك؛ اصطفـاك الله؛
فلا تَبْرَحْ -يا صاحبي- حتى تَصِلَ، حتى تحفظ آخِرَ حرف مِن كـتاب الله،
حتى تَبلُغَ «اقرأْ وارْتَقِ ورَتِّـلْ كما كنتَ تُرتِّل في الدنيا فإنَّ مَنزلتك: عند آخر آية تقرؤها»؛

ولــكــنْ ضَـعْ نُصْبَ عينَيْك دائمًا: "الإخلاص" أولًا ثم الحفظ والعـمل...

السلام عليكم ورحمة الله وبركاته
صباح الخير يا شباب

لو انت في عافية دلوقتي = إوعى تدلع!
انت مش عارف بكرا فيه إيه!

وإوعى تفتكر إنك هتقدر في أي وقت!
قلبك مش بإيدك، همَّتك مش بإيدك
حياتك كلها مش بإيدك..

فاشتغل واجتهد في أبواب الخير والطاعات اللي ربنا فتحها ليك..
الأبواب دي نعمة كبيرة من ربنا عز وجل، غيرك ممكن يكون محروم منها..
ومن شكر النعمة إنك تُحسن استقبالها، وتُحسن استخدامها، وتُحسن العمل فيها.

فاجتهدوا وأروا الله عز وجل من أنفسكم خيرا.

د محمد الغليظ

السلام عليكم ورحمة الله وبركاته
صباح الخير يا شباب

عشان تسوق عربيتك، أنت محتاج بنزين يحركها، ودركسيون يوجهها، وفرامل توقفها عند اللزوم..

وعشان تسوق نفسك في طريق ربنا
انت محتاج رجاء وحب يحركها، وعلم نافع يوجهها، وخوف من العقاب يوقفها قبل المعصية.

وهو ده التوازن المطلوب في حياة أي مسلم.

يقول الله تعالى: {أَمَّنْ هُوَ قَانِتٌ آنَاءَ اللَّيْلِ سَاجِدًا وَقَائِمًا يَحْذَرُ الْآخِرَةَ وَيَرْجُو رَحْمَةَ رَبِّهِ ۗ قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ ۗ إِنَّمَا يَتَذَكَّرُ أُولُو الْأَلْبَابِ}.

د محمد الغليظ

اللهم لبيك لا عيش إلا عيش الاخره فارحم الأنصار والمهاجرة 👇
https://www.group-telegram.com/Mnhag/89661

📥 قناة شرعية دينية على منهج أهل السنة والجماعة تنشر الفوائد والدرر العلمية، بالإضافة إلى مقاطع صوتية ومرئية ...👇
https://www.group-telegram.com/Ghirasaljanah/361945


√ لدعم قناتك @Adamlsta0bot

لن نستسلم لأننا فشلنا ، ولن نيأس لأنهم خذلونا ، ولن نبكي لأنهم رحلوا، فكل 😍👇
https://www.group-telegram.com/addlist/ZIAqSwWfL9M0Zjk0


همسات الى قلبك ☺️👇
https://www.group-telegram.com/addlist/ZIAqSwWfL9M0Zjk0

العبادة السهلة البسيطة التي لا تحتاج إلى مجهود بدني أو مادي
https://www.group-telegram.com/addlist/ZIAqSwWfL9M0Zjk0