Раварыстаў хочуць зноў прымусіць спешвацца на пераходах ❗️🚴‍♀️

У 2025 годзе збіраюцца зноў скарэктаваць правілы дарожнага руху

🚲 Сярод зменаў - нормы, па якіх веласіпедысты і асобы, якія перасоўваюцца на сродках персанальнай мабільнасці (СПМ), абавязаны будуць спешвацца пры перасячэнні праезнай часткі дарогі. Тут цікава, як жа адмысловыя велапераезды з разметкай? Змыюць?

У праекце ўказа спасылаюцца на тое, што аварыі з веласіпедыстамі і СМП сталі часцейшымі: за 10 месяцаў 2024 года ДТЗ з веласіпедыстамі стала больш на 10,2%, з карыстальнікамі СМП — на 61,4%‼️ У 2023 годзе гэтыя паказчыкі таксама раслі (на 16% і 60,7% у параўнанні з 2022-м). Галоўнай прычынай усё ж прызнаюць большую папулярнасць такога транспарту, але і тое, што многія не зніжаюць хуткасць пры перасячэнні дарогі, як патрабуюць актуальныя правілы.

Раварыстам дазволілі не спешвацца на пераходах толькі ў кастрычніку 2022 года...

🛴У новых зменах таксама скарэктуюць паняцце СПМ: імі будуць лічыць толькі тыя прыстасаванні, якія не разганяюцца хутчэй за 25 км/г.

Гэта тлумачаць тым, што зараз некаторыя прадаўцы прадаюць электратранспарт, які на самай справе больш падобны да мапедаў ці нават матацыклаў, але запэўніваюць, што правы і рэгістрацыя не патрэбныя. Новая норма дапаможа спыніць гэта і не дазволіць удзельнічаць у руху на магутных электратранспартных сродках без выканання ПДР.

Будуць і іншыя змены. Праект указа аб карэкціроўках ПДР унясуць у Савет Міністраў у сакавіку.

Воданапорную вежу ў самым цэнтры Фолюша хочуць захаваць - яе прадаюць са зніжкай 10%. Там можна адкрыць кафэ!

Аднапавярховую вежу плошчай 24,6 кв.м збудавалі ў 1968 г.

У арэнду прапануюць надзел зямлі пры ёй плошчай 0.0371 га па адрасе зав. Фолюш, 4.

Частка вежы плошчай 12,3 кв.м здаецца ў арэнду да 25.10.2026 пад абсталяванне базавай станцыі сотавай сувязі.

Паводле ўмоў, у пабудове можна адкрыць памяшканне адміністрацыйнага і (або) адміністрацыйна-гандлёвага, фінансавага, фізкультурна-аздараўленчага і (або) спартыўнага прызначэння, рознічнага гандлю, грамадскага харчавання.

Новы пачатковы кошт - 82 628 руб. Вежу ўжо спрабавалі прадаць у 2024 г.
Аўкцыён пройдзе 14 сакавіка.

Што рабіць, калі патрэбны знак? 👀🚏

Дарожны знак могуць усталяваць па просьбе людзей. Для гэтага трэба:

▪️звярнуцца ў мясцовы выканаўчы орган (гарывыканкам або райвыканкам);
▪️у пісьмовай заяве апісаць праблему і патлумачыць, чаму трэба ўсталяваць знак. Вашы дадзеныя і запыт перададуць далей;
▪️камісіі па бяспецы дарожнага руху - вывучыць пытанне, абследаваць тэрыторыю, ацаніць сітуацыю і прыняць рашэнне.

Самавольна ставіць знакі забаронена.

Дом на Міцкевіча, 9 рэканструююць пад краму

Гэта суседні будынак з «Домам з цмокамі» ў Новым Свеце.
Ён стане будынкам адміністрацыйна-гаспадарчага прызначэння, з крамай нехарчовых тавараў і кабінетамі.

Вакол добраўпарадкуюць тэрыторыю: азеляняць, пракладуць дарожкі.
Ацяпленне зробяць ад гарадскіх цепласетак (пераважны варыянт) або ад міні-кацельні (электрычнай, газавай або на біямасе).

📍 Будоўля будзе ў зоне аховы гістарычнай забудовы і водаахоўнай тэрыторыі Гараднічанкі.

📅 Правядуць грамадскія абмеркаванні справаздачы аб уплыве на навакольнае асяроддзе (АУНА):
да лютага 2025 — падрыхтоўка справаздачы АУНА;
да красавіка 2025 — грамадскія абмеркаванні і сход;
да ліпеня 2025 — канчатковае рашэнне па праекце.

📒Будынак выкупіла фірма "Формула вады" ў 2020 г., як і Міцкевіча, 7. Умовы продажу забаранялі разбурэнне, пашкоджанне будынкаў, пагаршэнне іх тэхнічнага стану і навукова неабгрунтаванае змену параметраў, страту канструктыўных і архітэктурных асаблівасцей, пагаршэнне іх успрымання, неабгрунтаваную змену архітэктуры фасадаў. Раней будынкі, якія лічацца сімваламі раёна ўнікальнай гарадской драўлянай забудовы Новы Свет, хацелі зносіць, але гараджане пратэставалі.

У Гародні з’явяцца новыя пляцоўкі для выгула сабак! 🐶

У 2025 годзе ў горадзе ўладкуюць 4 новыя пляцоўкі для выгулу:
▪️ Фолюш – каля воданапорнай вежы;
▪️ Пестрака – каля аўтапарка №1;
▪️ Глухава – на пустцы;
▪️ Таўлая – побач з каналізацыйнай помпавай станцыяй

Зараз у Гародні ёсць 5 пляцовак і 8 месцаў для выгулу.

📌 У чым розніца?
Пляцоўка – агароджаная зона, дзе сабаку можна адпусціць з павадка.
Месца – адкрытая тэрыторыя без агароджы.

Новыя пляцоўкі абяцаюць зрабіць з трэнажорамі для жывёл, лаўкамі і сметніцамі. Добры крок для гаспадароў сабак і для горада! 🐕✨

Па спасылцы - карта з актуальными месцамі і пляцоўкамі для выгулу сабак у Гародні ад гарвыканкама

Прыпынак на Свярдлова вернуць на ранейшае месца сёння (21.02) а 17.00

З 13 студзеня там рамантавалі "кішэню". Першапачаткова прыпынак абяцалі вярнуць крыху раней - 7 лютага

1 сакавіка, у Гродне будуць святкаваць Масленіцу - а праз гэта перакрываць рух транспарту і мяняць маршруты 🚎 🚌

У ноч з пятніцы на суботу транспарт перакрыюць:
▪️ з 00.00 гадзін да 21:00 – на плошчы Тызенгаўза;
▪️ з 11:00 да 21:00 – на вуліцы Дзяржынскага (на адрэзку вул. 17 верасня - вул. Сацыялістычная), на вуліцы Сацыялістычнай (на адрэзку ад Дзяржынскага да Кірава), вуліцы Ажэшкі (на адрэзку ад вул. Леніна да вуліцы Дзяржынскага).

👉Як паедзе транспарт у суботу

Дом - прыклад драўлянага канструктывізму на рагу Міцкевіча ў Новым Свеце пераробяць пад гасцініцу 🏛

Зялёны будынак на рагу Міцкевіча і Мітрапаліта Філарэта пераробяць пад гасцініцу з рэстаранам і кафэ на першым паверсе. Гэта драўляны дом у стылі канструктывізму 1930-х, адзін з нячастых прыкладаў такой архітэктуры ў Гродне.

На сайце гарвыканкама з'явілая праграма АУНА, у якой сказана пра рэканструкцыю нежылога дома. Прызначэнне зямельнага надзела пад ім - будаўніцтва і абслугоўванне гасцініцы і грамадскаага харчавання. Наколькі ў часе прац захаваюць будынак, пакуль не зразумела.

🏗 Што будзе ў выніку:
▪️на 1 паверсе – рэстаран, кафэ і вестыбюль гасцініцы,
▪️на 2 і 3 паверхах – апартаменты і нумары,
▪️у падвале – тэхнічныя і дапаможныя памяшканні.
Ацяпленне і гарачая вада – ад кацельні на газе або на цвёрдым паліве.

❗️Дом знаходзіцца ў зоне аховы нерухомых гісторыка-культурных каштоўнасцей: «Гістарычны цэнтр г. Гродна» і ў водаахоўнай зоне Юрысдыкі. Рэалізоўваць праект будуць з улікам комплекснага навуковага даследавання, а для земляных і будаўнічых прац спатрэбіцца археалагічны нагляд.

👥 Праект справаздачы аб уплыве на навакольнае асяроддз (АУНА) выставяць на грамадскае абмеркаванне:
- сакавік 2025 – падрыхтоўка справаздачы аб уплыве на навакольнае асяроддзе,
- сакавік-красавік 2025 – грамадскія абмеркаванні,
- травень-чэрвень 2025 – канчатковае рашэнне па рэканструкцыі.
❗️Сход будуць праводзіць толькі ў выпадку зваротаў грамадзян.

🛠 Замоўца праекта – гандлёвы дом «Шакоціс».

📖 Дом пабудаваны пасля 1932 г. Мае гарызантальную абшыўку, кампазіцыя пабудавана на суадносінах аб'ёмаў розных вышынь.Нізкасхільны дах схаваны за шырокім карнізам. Вокны рознага памеру надаюць дому выразнасць і ўнікальны рытм. Магчыма, у 1937 г. тут быў магазін таварыства «Ранак» («Jutrzenka»).