🙌 «Незабудка» хос саастаах дьону түмүөҕэ

👍 Бүгүн, бэс ыйын ыйын 25 күнүгэр улуустааҕы нэһилиэнньэ социальнай көмүскэлин кэлим киинигэр, «Аҕа көлүөнэ» диэн бырайыак чэрчитинэн үөрүүлээх быһыыга-майгыга «Незабудка» диэн кабинет арылынна.
Бу хос, 55 сааһыттан үөһэ саастаах уонна доруобуйаларынан хааччахтаах дьоҥҥо деменцияны (түөһэйиини) сэрэтэргэ уонна чөлүгэр түһэриигэ көмөлөһөргө, олох хаачыстыбатын үрдэтэргэ, олоххо актыыбынай буолалларын ситиһэргэ туһаайыллыаҕа.

😊Ол курдук киин иһинэн үлэлиир уйулҕа үөрэхтээҕэ уонна социальнай үлэһиттэр, итиэннэ тастан ыҥырыллар араас исписэлиистэр көмөлөрүнэн, тренинг дьарыктар, өйү сайыннарар оонньуулар, маастар кылаастар, о.д.а. тэрээһиннэр буолуохтара. Саастаах дьон бу хоско түмсэн, бэйэ-бэйэлэрин кытта алтыһар-кэпсэтэр сирдэринэн буолуоҕа. Маннык хайысхалаах хос улууспутугар биир бастакынан киирэн, үлэтин саҕалаата. Итиэннэ сайыҥҥы сынньалаҥ кэнниттэн күһүҥҥүттэн үлэтин толору салҕыаҕа.

✍️Мария Аргунова

✅@uamurusahargata @ulusmedia

🙌 Алексей Еремеев: Иннокентий Бочкарев олоҕун холобура дьону патриотизмҥа угуйар

👏 Саха сирин бочуоттаах тутааччыта уонна СӨ норуодунай хаһаайыстыбатын үтүөлээх үлэһитэ Иннокентий Васильевич Бочкарев үбүлүөйүгэр анаммыт тэрээһин чэрчитинэн, Ил Түмэн Бэрэссэдээтэлэ Алексей Еремеев эҕэрдэ тылын эттэ уонна саҥа кинигэлэрин билистэ.

👍Алексей Еремеев бэйэтин этиитигэр Иннокентий Васильевич өрөспүүбүлүкэҕэ тыа сирин сайдыытыгар, үөрэхтээһин систиэмэтигэр уонна патриотическай иитиигэ сүдү кылаатын бэлиэтээтэ. Иннокентий Бочкарев бэйэтин холобурунан санаатын күүһүн, дьыалаҕа бэриниилээх буолуутун, төрөөбүт дойдутугар тапталын көрдөрбүт киһи буоларын тоһоҕолоото.

🌐Сиһилии ➡️ БАТТАА

✅@uamurusahargata @ulusmedia

👍👏 Биир дойдулаахтарбыт Иннокентий Сыроватскай уонна Станислав Луковцев республика үрдүнэн ыытыллыбыт патриотическай ырыа күрэһигэр «Сураҕа суох сүппүт саллаат» ырыаларынан кыайыылаах үрдүк аатын ыллылар.

Бүгүн Дьокуускай куоракка Россия Геройдарыгар анаммыт «Наши маяки» дьоро киэһэҕэ кыайыылаахтар ааттарын доргуччу ааттаан наҕараадалаатылар. Кыайыылаахтарга иккиэннэригэр СӨ култуураҕа уонна духуобунай сайдыыга миниистирэ Афанасий Ноев 25 000 солк. суумалаах сертификаттары туттарда.

«Бастионы памяти» историческай-патриотическай бырайыак чэрчитинэн, дойдуга тапталы иҥэрэр суолталаах ырыа күрэһэ Улуу Кыайыы 80 сылыгар уонна Россияҕа, республикаҕа Дойдуну көмүскээччилэр сылларынан ыытыллыбыта. Күрэскэ идэтийбит да, холонооччу да ааптардар кытыннылар.

Сиһилии Мария Аргунова
⬇️
БАТТАА

✅@uamurusahargata @ulusmedia