#бэлиэкүн

🎞 Ахсынньы 2⃣8⃣ күнэ – Киинэ аан дойдутааҕы күнэ.

🎞 1895 с. бу күн Парижка Капуцинок бульварга баар ''Гранд-кафеҕа'' бырааттыы Люмьердар аан бастакы киинэни көрдөрбүттэрэ. Ити күнтэн аан дойдуга Киинэ күнэ бэлиэтэнэр буолбута. Ити эрэ иннинэ Огюст уонна Луи Люмьердар ''Синематограф'' диэн бэйэлэрэ айбыт аппарааттарыгар патент ылбыттара. Ол аппараат чэпчэки ыйааһыннааҕа, сыаната да ыарахана суоҕа. Онон түргэнник тарҕанан, киинэ сайдар суолга турбута. 1900 сыл саҕаланыыта дойду бары кэриэтэ муннугар киинэ тыйаатырдара баар буолбуттара. Ол эрээри, оччотооҕу киинэ саҥата суоҕа.

🎞 Саҥалаах киинэ 1927 с. кэлбитэ. ''Уорнер Бразерс'' хампаанньа ''Певец дзажа'' диэн киинэтиттэн саҥа түһүмэх саҕаламмыта.

🎞 Киинэ иитэр, үөрэтэр, сайыннарар кыаҕа балысхан. Кини уопсастыба, судаарыстыба да олоҕор улахан оруоллаах.

🎞 Саха сиригэр эмиэ бу эйгэ улаханнык сайынна. Улуус аайы киинэ уһуллар, нэһилиэнньэ кыттыһар. Бырааһынньыгынан!

✍️ Уйаара КУСТУК

✅ @uamurusahargata

Улуустааҕы үөрэхтээһин салаатын 665 үлэһитэ улуус хаһыатыгар сурутта 🫶

Үүнэр көлүөнэни иитэн-үөрэтэн таһаарар сүдү эппиэтинэстээх Уус Алданнааҕы үөрэх салалтатын уонна үөрэх эйгэтин үлэһиттэрэ улууспут хаһыатыгар үүнэр 2025 сылга көхтөөхтүк суруттардылар 🫶

Ол курдук, управление 33 үлэһитэ, оскуола үлэһиттэриттэн 328, оҕо тэрилтэлэриттэн 252, эбии үөрэхтээһин кииниттэн 52 киһи суруттарда. Олор истэригэр Сыырдаах, Түүлээх, Уһун-Күөл, Тулуна, Хомустаах орто оскуолатын, уонна Мындаабатааҕы «Күнчээнэ», Бэйдиҥэтээҕи «Чэчир», Мүрүтээҕи «Кэскил» уһуйаан кэлэктииптэрэ хаһыакка 100 % хаһыакка суруттарбыттарын бэлиэтиибит.

Бу курдук улууспут олоҕор-дьаһаҕар, инники кэскилигэр төһүү суолталаах үөрэх эйгэтин үлэһиттэрэ улууспут дьонугар-сэргэтигэр холобур буолан, инники күөҥҥэ сылдьалларын өссө төгүл бигэргэттилэр.

Онон улуустааҕы “Мүрү саһарҕата” хаһыат эрэдээксийэтин аатыттан улахан махталбытын тиэрдэбит.
Баҕарабыт эһиэхэ, үлэҕитигэр ситиһиилэри, олоххутугар дьолу-соргуну! 💞💞💞💞💫

✅ @uamurusahargata @ulusmedia

💫 Күндү ааҕааччыларбыт, сурутааччыларбыт!

Ааһан эрэр сылга биһиги ✈️ @uamurusahargata каналбытын сэҥээрэн, сурутан, күннэтэ тахсар сонуннарбытын, суруйууларбытын сэргээн бииргэ буоларгыт иһин махталбытын тиэрдэбит🫶

Улахан махталбытын биһиги үлэбитигэр күүс-көмө буолар уопсастыбаннай кэрэспэдьиэннэрбитигэр уонна тиһигин быспакка нэһилиэктэрин, үлэлиир тэрилтэлэрин сонуннарын, тэрээһиннэртэн хаартыскаларын, видеоларын ыытар, күн ахсын күн-дьыл туругун таһаарар суруйууларбытыгар хаартыскаларын үллэстэр дьоҥҥо аныыбыт😘

Хас биирдии тэрээһин, умнуллубат чаҕылхай түгэн улууспут историята буолан сурукка тиһиллэн иһэрин туһугар уонна ону куйаар ситиминэн киэҥ эйгэҕэ тарҕатарга-таһаарарга күннэтэ сыралаһар үлэбит салҕанар, өссө даҕаны саҥаттан-саҥа интэриэһинэй, сэргэх суруйуулар баар буолуохтара😉 Өрүү бу курдук көхтөөх буолуҥ, ааҕыҥ, санааҕытын үллэстиҥ👏👏👏

✅ @uamurusahargata @ulusmedia

#БороҕоннооҕуРЭСиһитиннэрэр

⚡️Ахсынньы 27 күнүгэр 10 кВ күүрүүлээх Дыгдаал уот ситимигэр мууһу, хаары ыраастыыр үлэ оҥоһулларынан, 10.00 чаастан 16.00 чааска диэри Дыгдаалга уонна Балыктаахха (хотоҥҥо, “Билайн” базовай станциятыгар) уот арахсыаҕа.

⚡️Эмиэ ити күн 35 кВ күүрүүлээх Бороҕон – Төҥүлү уот ситимигэр 35 кВ күүрүүлээх Тумул подстанциятыттан 35 кВ күүрүүлээх Арыы Тиит подстанциятыгар диэри мууһу, хаары ыраастыыр үлэ оҥоһулларынан, 11.00 чаастан 15.00 чааска диэри Суоттуга, Арыы Тииккэ, Хоноҕорго уот арахсыаҕа. Онуоха 30-туу мүнүүтэлээх быстах араарыылар 11.00 чааска уонна 15.00 чааска Тумулга оҥоһуллуохтара.

⚡️Ахсынньы 28 күнүгэр 10/0,4 кВ күүрүүлээх “Туяра” ТП-га уталытыллыбат үлэ оҥоһулларынан, 10 кВ күүрүүлээх Л-Бороҕон-2 уот ситимигэр: Алданская, Западная, Ленская, Мюрюнская уулуссаларга, Крылов аатынан уулуссаҕа, ветстанцияҕа, «Дьол», Спецсервис котельнайдарга, “Үрдэл” маҕаһыыҥҥа, улуустааҕы киин балыыһа роддомугар, кухнятыгар, стоматологиятыгар, улахан дьон, оҕо поликлиникаларыгар, Мүрү 2-с No-дээх орто оскуолатыгар, тепловой пуунугар, киин котельнайга, прокуратураҕа, Мүрү 1-гы No-дээх орто оскуолатыгар, “Армон” котельнайга, Офиснай кииҥҥэ, Палладиум, Мүрү атыы-эргиэн кииннэригэр, редакцияҕа, Мүрү нэһилиэгин дьаһалтатыгар, Сбербааҥҥа, Россельхозбааҥҥа, социальнай көмүскэл управлениетыгар, Кэнчээри ДЭЦ дьиэтигэр, Кэскил, РАПО котельнайдарга, почтаҕа, энергосбыкка, Бороҕон сэл. арҕаа өттүгэр барытыгар: Ленин аат. уул. 1-57, Лонгинов аат. 1-82, Герой Егоров, Проф. Егоров. уул., Окоемов аат. уул. 1-67 13.00 чаастан 14.00 чааска диэри уот арахсыаҕа.

✅ @uamurusahargata @ulusmedia

“Полицейский дед мороз” диэн сылын аайы Россия үрдүнэн ыытыллар акцияҕа улуустааҕы ИДьО сотрудниктара кыттыыны ылан, улуус олохтоохторун эҕэрдэлээтилэр, бэлэхтэри туттардылар 🥳🥳🥳

✅@uamurusahargata @ulusmedia