🍃Күндү Мүрү алаас олохтоохторо уонна ыалдьыттара!

🎶 Эһигини "Өркөн" оҕо киинигэр Россия образцовай коллектива Светлана уонна Егор Неустроевтар "ТУЛУЙХАН" оҕо эстраднай студияларын, Бороҕоннооҕу филиалын сайыҥҥы дьарыктарын оччуоттуур "ОҔО, ОҔО ЭРДЭХХЭ" эҕэрдэ кэнсиэрин кэлэн көрөргүтүгэр ыҥырабыт!

🎫 Кэнсиэргэ киирии билиэт сыаната:
2️⃣5️⃣0️⃣ солкуобай.

📆 Саҕаланар: бэс ыйын 2️⃣8️⃣ күнүгэр киэһэ 1️⃣6️⃣ чаастан.

🤗 КЭЛИҤ! СЫЛДЬЫҤ! ОҔО СААС ЫРЫАЛАРЫГАР УЙДАРАН ДУОҺУЙА СЫННЬАНЫҤ!

📲БИЛСЭР ТЕЛЕФОН: 8 914 220 86 57

✅@uamurusahargata @ulusmedia

👆1929-1930 сылларга бүтүн дойду үрдүнэн таһаарыллыбыт дьаһалларга олоҕуран, бастакы артыаллар, салгыы холкуостар аҕа уустарынан түмсэн тэриллэн барбыттара

🧐 Ол саҕана туох да былаана суох, көҥүл былаастаах баай төрүттээх кинээстэр дьаһалларынан тэриллибит, аҕыйах нэһилиэнньэлээх эрээри, олус киэҥ сиринэн тайаан сытар чуолкай кыраныыссата да суох нэһилиэктэр элбэхтэр эбит.

☝️Холобур, Сабарай уонна Сыҥаах диэн кэккэлэһэ олорор аймахтыы нэһилиэктэр Суотту Элэһиниттэн уонна Мэҥэ Хаптаҕайыттан (Мөҥүрүөнтэн) Мүрү Эбэ Чомчоҕой тумулугар тиийэ, өссө ону ааһан сорох ыаллана илик Холлоҕостоох эргин олохсуйбуттара биллэр.

✍️ Салгыы ытык кырдьаҕаспыт Гаврил Портнягин суруйуутугар
⬇️
БАТТАА

✅ @uamurusahargata @ulusmedia

🙌 Улууспут көһө сылдьар микрореабилитационнай киинэ 66 оҕоҕо көмө оҥордо

Улуустааҕы нэһилиэнньэ социальнай көмүскэлин кэлим киинин (сал. Иннокентий Сергеев) иһинэн ааспыт сылтан үлэлиир элбэх өҥөнү оҥорор дьиэ кэргэн киинин биир хайысхатынан доруобуйаларынан хааччахтаах уонна саҥалара мөлтөх оҕолору кытта үлэлэһии буолар (сүрүннээччи Анна Бурнашева).

👍 Бу үлэ чэрчитинэн улууспут нэһилиэнньэлээх пууннарын кэрийэн оҕолору кытта дьарыгы, төрөппүккэ сүбэ-ама биэрэн, барыта 66 оҕоҕо болҕомтолорун уурдулар. Ол курдук улуустааҕы киин балыыһа уонна үөрэх салалтатын кытта дуогабардаһан, оҕо доруобуйатын көрөн-истэн, дьарыктары тэрийэллэр. Күн бүгүн дефектолог Лилия Сивцева уонна логопед-учуутал Ульяна Омукчанова социальнай киин анал хосторугар кэлэн дьарыгы ыыталлар.

✍Мария Аргунова

✅@uamurusahargata @ulusmedia

💫 Бэс ыйын 26 күнэ

♈️ Хой

Этиини ылынарга тиэтэйимэ — усулуобуйалара олус табыгастаах курдук да буоллахтарына. Үчүгэйдик толкуйдаан уонна сыаналаан көр. Баҕар, барыта эйиэхэ эппиттэрин курдук буолуо суоҕа.

♉️ Оҕус

Күүтүллүбэтэх харчы киириэн сөп — бириэмийэ, лотереяҕа кыайыы, аймахтар көмөлөрө. Бытархайга харчыны бараабат буола сатаа, хайдах туһалаахха туттуохха сөбүн толкуйдаа.

♊️ Игирэлэр

Үлэни барытын бэйэҕэр ылыма. Эйигинэ суох быһаарыллыбат эрэ дьыаланан дьарыктан, сорҕотун атыттарга хааллар. Күнүс айдаантан тэйэн, бириэмэҕин бэйэҕэр аныырын ордук.

♋️ Рак

Бу күн айан барыта дьоллоох буолуо — тус да, дьыалабыай да. Ол гынан баран, кыаҕыҥ муҥура суох буолбатаҕын умнума, ол эбэтэр аһара үлэлээһин сотору кэминэн биллэриэн сөп. Үлэҕин төһө кыалларынан түргэнник бүтэрэ сатаа уонна бу күн эрдэ утуйан, сынньанар ордук.

♌️ Хахай

Эн саҕалаабыт дьыалаҥ ситиһиитэ, үчүгэйдик толкуйдууртан уонна кутталлаах хардылаары төһө эрдэттэн көрөртөн, тутулуктаах. Түргэнник быһаарыыны ылыныма, барытын болҕомтолоохтук ыйааһыннаа. Ким эрэ эйигиттэн көмө көрдөөтөҕүнэ, аккаастаама.

♍️ Кыыс

Бүгүн олус болҕомтолуох буолуон. Ханнык да дьыала ис хоһоонун өйдүүр кыахтааххын. Күүскүн-уоххун кыра дьыалаҕа бараама, ол оннугар бу хаачыстыбаларгын туһанан быһаарар боппуруостары көр.

♎️ Ыйааһын

Бу күн эйиигин дьаһайа сатыыр киһини көрсүөҥ — бэйэтигэр наадалаах үлэни оҥорорго күһэйэ сатыаҕа. Бэринимэ! Аһара дьаныардаах дьон ыҥырыыларын аахайбакка сырыт, киһи ымсыырбат балаһыанньатыгар түбэһиэххин сөп.

♏️ Скорпион

Ыалга күүлэйдиир, кулуупка сылдьар, эбэтэр доҕордуу көрсүһүүлэргэ кыттар санааҕын өрө көтөҕүө уонна хомолтоттон тэйитиэ. Ол гынан баран, тугу да талыҥ, арыгы диэни иһимэҥ – үлэ нэдиэлэтэ күөстүү оргуйа турарын умнуман.

♐️ Охчут

Киэһээтин үлэ айдааныттан тэйэн – пикниктаан, походка тахсан, ойуурга хааман сынньаныҥ. Онтон ити кыаллыбат буоллаҕына, тугу эмэ атыылаһан бэйэҕэр бэлэх оҥор.

♑️ Чубуку

Бу күн барыта былаан быһыытынан барыа суоҕа, элбэх дьыаланан дьарыктаныаҥ. Сылайбат туһугар, саамай сүрүн уонна ыксаллаах соруктарга болҕомтоҕун уур. Кэлин даҕаны оҥоруохха сөп дьыаланы бүгүн тохтотуҥ.

♒️ Күрүлгэн

Дьон эйигин хомото сатыан сөп уонна этиһиигэ угуйуохтара, ол гынан баран эн албыннарга бэриниэ суохтааххын. Бэйэҕин куһаҕан өттүнэн көрдөрөргүн эрэ кэтэһэллэр.

♓️ Балыктар

Өйүҥ-санааҥ сынньалаҥы көрдөһөр, сынньалаҥ наада. Эт-хаан өттүнэн дьарыктаныҥ — дьиэҕэ үлэлээн-хамсаан, эбэтэр спордунан дьарыктаныахха сөп.

✅ @uamurusahargata @ulusmedia