group-telegram.com/uoheebuluu/30827
Last Update:
#эргэсаҥадьыл
Өргүөт нэһилиэгэр ырыа дьоро түһүлгэтэ түстэннэ
Үөһээ Бүлүүттэн кэрэ-мааны куоластаах далбар хотуттара "Үрдэл" вокальнай ансамбль, салайааччы Саха Өрөспүүбүлүкэтин культуратын туйгуна Ньургустаана Бугулова уонна Дүллүкү нэһилиэгиттэн Өрөспүүбүлүкэҕэ интернет ситимигэр "Хачыгаар ырыаһыт уолаттар" диэн киэҥник тарҕаммыт Дүллүкү көмүс куоластаах хоһууттара, салайааччы сыана бэтэрээнэ, "Саха Өрөспүүбүлүкэтин культуратыгар үтүө кылаатын иһин" түөскэ кэтэр бэлиэ хаһаайына Михаил Тарасов ылбаҕай ырыаларынан ураты тыыннаах эҕэрдэ киэһэтин тэрийдилэр. Саҥа сылынан Өргүөттэргэ бэртээхэй бэлэх уунан үөртүлэр.
Мустубут дьон сөҕөн- махтайан, үөрүү-көтүү, дохсун ытыс тыаһынан уруйдаан-айхаллаан, дуоһуйа сынньанан тарҕастылар.
Түгэнинэн туһанан "Үрдэл" уонна "Дорҕоон" ансамбль ырыа куттаах кыргыттарга уонна уолаттарга ис сүрэхтэн махталбытын биллэрэбит.
Махталы кытта Өргүөттээҕи КСК коллектива
"Үөһээ Бүлүү' хаһыат
BY Газета Верхневилюйского района "Үөһээ Бүлүү"
Share with your friend now:
group-telegram.com/uoheebuluu/30827