group-telegram.com/uoheebuluu/31601
Last Update:
#
Бүгүн Техникумҥа төрөөбүт тыл уонна сурук-бичик нэдиэлэтигэр анаммыт тэрээһиннэри түмүктүүр, номнуо үгэскэ кубулуйбут, сыллата ыытыллар мааны астаах сандалы күрэҕэ буолла.
Устудьуоннар бөлөхтөрө сахалыы таҥнан-саптан, саха төрүт аһын минньигэһин, тотоойутун, булт эриэккэһин астаан аҕалан дьүүллүүр сүбэни, үлэһиттэри күндүлээтилэр. Ол курдук, эт аһыттан тииҥ этигэр тиийэ, үүт үрүмэтиттэн оҥоһуллубут минньигэс отонноох рулет, тоҥ, бурдук ас арааһын астаан аҕалан сандалы маанытын тэлгэттилэр.
3 киһитэ састааптаах дьүүллүүр сүбэ бэрэссэдээтэлэ дириэктэри иитэр үлэҕэ солбуйааччы Антонина Болтокова үлэлээтэ.
Ас арааһын, сиэдэрэйин көрүү кэмигэрхомоҕой хоһоонньуттар итиэннэ сахалыы мааны таҥастаах устудьуоннар икки ардыларыгар күрэх буолла.
Оттон ааһан эрэр нэдиэлэ устата техникумҥа төрөөбүт тыл уонна сурук-бичик күнүгэр анаан кинигэ быыстапката турда. Ону таһынан блиц-оонньуу, аман өс күрэҕэ, өбүгэлэр оонньуулара, "Тыыннаах хартыына" диэн хаартыска эстафетата буолан ааста.
Техникум үгэһинэн, маннык күрэхтэр түмүктэрин нэдиэлэ бастакы күнүгэр үөрүүлээх линейкаҕа таһаараллар. Кыайыылаах бөлөх көһө сылдьар кубок хаһаайына буолар.
Сэргэх олохтоох техникумҥа устудьуоннар олохторо күөстүү оргуйар.
@ueheebuluu
@ulusmedia
