group-telegram.com/CabinetBelarus/3064
Last Update:
Платформу «This Is Youth», запуск якой адбыўся напрыканцы мінулага году, прэзентуе прадстаўніца па моладзевай палітыцы і студэнцтве Кабінета Маргарыта Ворыхава:
«Вас адлічылі з універсітэта? Мы можам дапамагчы. Платформа «This Is Youth» падкажа, як аднавіць акадэмічныя дакументы, атрымаць фінансавую і юрыдычную дапамогу, а таксама як працягнуць навучанне і справіцца з цяжкасцямі. Тут вы знойдзеце кантакты ўніверсітэтаў і праграм у Літве, Чэхіі, Германіі і іншых краінах, якія прымаюць беларускіх студэнтаў, а таксама інфармацыю аб стыпендыях і грантах.
Але гэта яшчэ далёка не ўсё. «This Is Youth» – праект, закліканы падтрымаць беларускую моладзь у самых розных складаных жыццёвых абставінах. Платформа не толькі прапануе канкрэтную дапамогу, але і становіцца прасторай для гісторый поспеху, якія натхняюць і дапамагаюць арыентавацца ў складаных сітуацыях.
«This Is Youth» ужо атрымала станоўчыя водгукі ад студэнтаў. За першы месяц платформа сабрала больш за 500 наведвальнікаў, а больш за 30 карыстальнікаў звярнуліся за індывідуальнай кансультацыяй па пытаннях аднаўлення дакументаў, пераезду за мяжу і фінансавай падтрымкі.
Што будзе далей? У найбліжэйшы час на платформе з’явяцца новыя матэрыялы: гайды па пераводзе ва ўніверсітэты за мяжой і парады па адаптацыі ў новай краіне. Мы працягваем пашыраць супрацоўніцтва з міжнароднымі арганізацыямі і ўніверсітэтамі, каб адкрыць яшчэ больш магчымасцей для беларускіх студэнтаў. І імкнёмся прыслухоўвацца да вашых заўваг, каб зрабіць платформу яшчэ лепшай. Заходзьце, пішыце, далучайцеся!
👉 thisisyouth.info
@CabinetBelarus
BY Аб’яднаны Пераходны Кабінет Беларусі
Share with your friend now:
group-telegram.com/CabinetBelarus/3064