It's Tanzeel ♡.

س سؤال :-
" انا يا هوله دايرة اتغير، واطلع اجمل نسخة فيني واكون انسانة غير، كيف اقدر اعمل كدا لاني حاولت كم مرة وفشلت😢؟




ج جواب :-
كونك تكوني دايرة تتغيري، او تعملي تحديث لنفسك وتكوني نسخه افضل من نفسك ده شي حلو جدا 💙

_ بس ده ما بكفي، ده ما حايخليك تتغيري ولا حايساعدك كتير لان الرغبة مش كل حاجة!

_ ف كبداية انتي لازم تحددي، دايرة تغيري شنو؟
او معايير النسخه الافضل بالنسبة ليك شنو؟
لان كلمة تغيير وكلمة نسخه افضل ديل كلمات فضفاضة، فلمن تقولي دايره تعمليهم ما حاتقدري تعمليهم ما لم تحددي..

_ انتي شخصية مركبة ومكونة من الاف الصفات والعادات، فعلشان كدا لمن تكوني دايرة تتغيري يبقي لزاما عليك تحددي دايرة تغيري شنو بالضبط!


اضرب ليك مثال :

_ الليله لمن تجي وتقولي دايرة تتغيري ما حاتقدري تتغيري، وده مش علشان انتي ماعندك الارادة بالعكس ده علشان انتي ما حددتي دايرة تغيري شنو في شخصيتك دي ...!"

فهل انتي مثلا دايرة تغيري :
علاقتك بربنا وتحسينها اكتر _ ولا دايرة ترفعي من ثقتك بنفسك _ ولا دايرة تغيري علاقاتك مع اهلك وصحابك _ ولا دايرة تتخلصي من عادة سيئة زي الكذب او النميمه او او او..... الخ

فانتي لمن تحددي دايرة تغيري شنو حاتقدري تغيريه، اما لم ما تحددي دايرة تغيري شنو فماحاتقدري تغيري حاجة؛ وده لان انتي حاتكوني ملخومة بالف عادة وصفة دايرة تغيريهم سواء دايرة تكتسبيهم او تتخلصي منهم، ف ده بيعمل ليك تشتت وبيستنذف طاقتك قبل ما تبدي ..


المثال :

الليله لو قلتي دايرة اقرا ما بتقري عارفة ليه؟
لانك ماحددتي دايرة تقري شنو فلمن تجي تقري حاتلقي روحك كل دقيقة بتختاري في كتاب مختلف ، وكل ما تمسكي كتاب حاتخليه علشان تقدري تقري اللي بعديه.

بس لمن تحددي دايرة تقري كتاب معين، هنا بتقدري تقري حتي لو حاتقري 10 صفحات بس حاتلقي روحك قريتي لانك ببساطة حددتي الكتاب اللي دايرة تقريهو فكذلك الوضع مع التغيير.


👈🏼 اما بالنسبة لرغبتك في انك تكوني شخص احسن من ذاتك ف دا شي جميل ..

بس داير اسالك؟ الشخصية اللي دايرة تكونيها شنو؟ هل عارفة صفاتها؟ او هل عارفة عاداتها؟ ولا هل عارفاها كيف بتتصرف؟

وشخصيتك الحالية دي مالها؟ عيبها شنو؟ والناقصها شنو؟ ومحتاجة تعديل وين؟

فاذا مالقيتي اجابات للاسئلة الفوق دي ما حاتقدري تغيري شخصيتك بالكامل لانك ببساطة مش عارفة الشخصية اللي دايرة تكوينها ، وعاملة زي بتاع الطيارة السايق ليهو طيارة في الجو بس مش عارف فيها جاز ولا لا ، ولا عارف هو ماشي وين ، ولا عارف حاينزل وين ف حيفضل دائر ودائر كدا في الجو لغايه ما الطيارة تقع وجازها يخلص ويموت!

👈🏼 فالحل يا آنسة يا عزيزة انتي .. 💙


• انك تحددي في البداية الحاجة اللي دايرة تغيريها شنو في نفسك كذبك _ سلوكك _ خوفك _ أو شنو بالضبط ؟

• بعد تحددي العادة الدايرة التغيريها يبقي طوالي تشتغلي عليها، بانك تبدي تقللي منها بالتدريج يعني لو بتكذبي او بتتكلمي ف الناس قللي من الحاجه دي ابدي راقبي نفسك و تصرفاتك و كلامك و كل م تلقي نفسك بديتي تتكلمي ف الناس وقفي نفسك، استغفري و غيري الموضوع كل مره جاهدي نفسك لحدي ما تبطلي خالص ..

• لازم تعرفي انو التغييير محتاج وقت فما تستعجلي للنتائج وماتلومي نفسك اذا فشلتي لان الفشل شي وارد، بس بعد كل فشل وكل سقوط اعرفي الاسباب وماتقعي فيها تاني خالص.


• اخر حاجة الصبر بس 💙🌸


👈🏼 اما لنسبة لانك دايرة تكوني شخصية احسن فيبقي لازم تعرفي ..

انو الشخصية الاحسن بتتكون من اجزاء والاجزاء دي ياها : عاداتك _ وتصرفاتك _ وسلوكك _ وافكارك _ ومشاعرك.

فعلشان تبقي شخصية احسن لازم تعدلي من :

• افكارك لازم تخلي افكارك بتتوافق مع الشخصية الدايرة تكونيها، فانتي مش دايرة تكوني مميزة يبقي فكري زي تفكير البنت اللي مميزة.

• تصرفاتك مش دايرة تصرفاتك تتغير وتبقي غير ، يبقي اتصرفي زي تصرفات الشخصية الانتي دايرة تكونيها بس اهم شي شخصيتك تكون خاصة بيك مش تقلدي زول معين ولا تقارني نفسك مع زول معين.


• سلوكك..
خلي حركاتك وسلوكياتك بتتوافق مع الشخصية الانتي دايرة تكونيها، فما ممكن تقولي دايرة ابقي بنت هادئة وانتي يوميا بتجوطي في اي زول ! ولا ممكن تقولي دايرة ابقي شخصية قراءة وبتحب القراءة وانتي ما بتفتحي كتاب اصلا..

• مشاعرك..
مشاعرك دي بتخليها تنضج عن طريق القراءة والخبرات، فكل ماتقري كتاب مشاعرك بترتقي نتيجة لارتقاء افكارك، وكل ما تتعرضي لخبرات مؤلمة او جميلة في الحياة افكارك حاتتغير وبالتالي مشاعرك برضو، فاذاً...
مشاعرك مرتبطة بافكارك 💙


محبات ي السمحات 💋💋


#مشكلة_وحل
#سلسة_كيف؟(5)
#تحسين_الشخصية.
#Hoola_Moh.
@Fadfadah98.

www.group-telegram.com/us/Fadfadah98.com/3185

2.2K viewsتنزيل صابر 🖤, edited  Feb 9, 2021 at 03:35

س سؤال :-
" انا يا هوله دايرة اتغير، واطلع اجمل نسخة فيني واكون انسانة غير، كيف اقدر اعمل كدا لاني حاولت كم مرة وفشلت😢؟




ج جواب :-
كونك تكوني دايرة تتغيري، او تعملي تحديث لنفسك وتكوني نسخه افضل من نفسك ده شي حلو جدا 💙

_ بس ده ما بكفي، ده ما حايخليك تتغيري ولا حايساعدك كتير لان الرغبة مش كل حاجة!

_ ف كبداية انتي لازم تحددي، دايرة تغيري شنو؟
او معايير النسخه الافضل بالنسبة ليك شنو؟
لان كلمة تغيير وكلمة نسخه افضل ديل كلمات فضفاضة، فلمن تقولي دايره تعمليهم ما حاتقدري تعمليهم ما لم تحددي..

_ انتي شخصية مركبة ومكونة من الاف الصفات والعادات، فعلشان كدا لمن تكوني دايرة تتغيري يبقي لزاما عليك تحددي دايرة تغيري شنو بالضبط!


اضرب ليك مثال :

_ الليله لمن تجي وتقولي دايرة تتغيري ما حاتقدري تتغيري، وده مش علشان انتي ماعندك الارادة بالعكس ده علشان انتي ما حددتي دايرة تغيري شنو في شخصيتك دي ...!"

فهل انتي مثلا دايرة تغيري :
علاقتك بربنا وتحسينها اكتر _ ولا دايرة ترفعي من ثقتك بنفسك _ ولا دايرة تغيري علاقاتك مع اهلك وصحابك _ ولا دايرة تتخلصي من عادة سيئة زي الكذب او النميمه او او او..... الخ

فانتي لمن تحددي دايرة تغيري شنو حاتقدري تغيريه، اما لم ما تحددي دايرة تغيري شنو فماحاتقدري تغيري حاجة؛ وده لان انتي حاتكوني ملخومة بالف عادة وصفة دايرة تغيريهم سواء دايرة تكتسبيهم او تتخلصي منهم، ف ده بيعمل ليك تشتت وبيستنذف طاقتك قبل ما تبدي ..


المثال :

الليله لو قلتي دايرة اقرا ما بتقري عارفة ليه؟
لانك ماحددتي دايرة تقري شنو فلمن تجي تقري حاتلقي روحك كل دقيقة بتختاري في كتاب مختلف ، وكل ما تمسكي كتاب حاتخليه علشان تقدري تقري اللي بعديه.

بس لمن تحددي دايرة تقري كتاب معين، هنا بتقدري تقري حتي لو حاتقري 10 صفحات بس حاتلقي روحك قريتي لانك ببساطة حددتي الكتاب اللي دايرة تقريهو فكذلك الوضع مع التغيير.


👈🏼 اما بالنسبة لرغبتك في انك تكوني شخص احسن من ذاتك ف دا شي جميل ..

بس داير اسالك؟ الشخصية اللي دايرة تكونيها شنو؟ هل عارفة صفاتها؟ او هل عارفة عاداتها؟ ولا هل عارفاها كيف بتتصرف؟

وشخصيتك الحالية دي مالها؟ عيبها شنو؟ والناقصها شنو؟ ومحتاجة تعديل وين؟

فاذا مالقيتي اجابات للاسئلة الفوق دي ما حاتقدري تغيري شخصيتك بالكامل لانك ببساطة مش عارفة الشخصية اللي دايرة تكوينها ، وعاملة زي بتاع الطيارة السايق ليهو طيارة في الجو بس مش عارف فيها جاز ولا لا ، ولا عارف هو ماشي وين ، ولا عارف حاينزل وين ف حيفضل دائر ودائر كدا في الجو لغايه ما الطيارة تقع وجازها يخلص ويموت!

👈🏼 فالحل يا آنسة يا عزيزة انتي .. 💙


• انك تحددي في البداية الحاجة اللي دايرة تغيريها شنو في نفسك كذبك _ سلوكك _ خوفك _ أو شنو بالضبط ؟

• بعد تحددي العادة الدايرة التغيريها يبقي طوالي تشتغلي عليها، بانك تبدي تقللي منها بالتدريج يعني لو بتكذبي او بتتكلمي ف الناس قللي من الحاجه دي ابدي راقبي نفسك و تصرفاتك و كلامك و كل م تلقي نفسك بديتي تتكلمي ف الناس وقفي نفسك، استغفري و غيري الموضوع كل مره جاهدي نفسك لحدي ما تبطلي خالص ..

• لازم تعرفي انو التغييير محتاج وقت فما تستعجلي للنتائج وماتلومي نفسك اذا فشلتي لان الفشل شي وارد، بس بعد كل فشل وكل سقوط اعرفي الاسباب وماتقعي فيها تاني خالص.


• اخر حاجة الصبر بس 💙🌸


👈🏼 اما لنسبة لانك دايرة تكوني شخصية احسن فيبقي لازم تعرفي ..

انو الشخصية الاحسن بتتكون من اجزاء والاجزاء دي ياها : عاداتك _ وتصرفاتك _ وسلوكك _ وافكارك _ ومشاعرك.

فعلشان تبقي شخصية احسن لازم تعدلي من :

• افكارك لازم تخلي افكارك بتتوافق مع الشخصية الدايرة تكونيها، فانتي مش دايرة تكوني مميزة يبقي فكري زي تفكير البنت اللي مميزة.

• تصرفاتك مش دايرة تصرفاتك تتغير وتبقي غير ، يبقي اتصرفي زي تصرفات الشخصية الانتي دايرة تكونيها بس اهم شي شخصيتك تكون خاصة بيك مش تقلدي زول معين ولا تقارني نفسك مع زول معين.


• سلوكك..
خلي حركاتك وسلوكياتك بتتوافق مع الشخصية الانتي دايرة تكونيها، فما ممكن تقولي دايرة ابقي بنت هادئة وانتي يوميا بتجوطي في اي زول ! ولا ممكن تقولي دايرة ابقي شخصية قراءة وبتحب القراءة وانتي ما بتفتحي كتاب اصلا..

• مشاعرك..
مشاعرك دي بتخليها تنضج عن طريق القراءة والخبرات، فكل ماتقري كتاب مشاعرك بترتقي نتيجة لارتقاء افكارك، وكل ما تتعرضي لخبرات مؤلمة او جميلة في الحياة افكارك حاتتغير وبالتالي مشاعرك برضو، فاذاً...
مشاعرك مرتبطة بافكارك 💙


محبات ي السمحات 💋💋


#مشكلة_وحل
#سلسة_كيف؟(5)
#تحسين_الشخصية.
#Hoola_Moh.
@Fadfadah98.

BY It's Tanzeel ♡.