group-telegram.com/Fadfadah98/3893
Last Update:
سلسلة
#مودة_ورحمة❤️
الفصل ( ٧ )
في بلدنَا غالباً بكون العقِد يُوم العرِس ودي ميزَة حلوة شدِيد في أعراسنَا ، ف يلا زولنَا وزولتنَا ديل الليلة يُوم عقِدهُم وبالمرَّة #يوم_عرسهم💍❤
إحم ..
- قبل ما نبدأ..
ضرورِي نفهم إنو المودّة والرحمة اللي ربنَا إتكلَّم عنهُم في الآية بينَك وبين شريكك شعور عمرك ما حتحسّ بيهو في فترَة الخطوبة مهما كنتَ بتحبَّها ، دا شئ بيوجِدو ربنَا وبيخلقُو بعد الزواج زي ما بيخلِق في قلب كُل أم حُب أولادها ؛ الحُب دا ما ليهو علاقَة بإنها حلوة ولا لا ، مثيرة ولالا ، بتخلِّف ولالا.. الحُب دا إحساس طبيعي بيقذفه ربنَا في قلب الزوجين بعد العقد ، والحُب دا يستاهَل يراعوه ويحافَظوا عليه عشان يستمر.
#الفرحة_الحلال♥️
”يُمّه اللِّيلة يُوم فَرَحِي يا يُمّه ، يُمّه الليلة يُوم فرحِي“
-تصفيق للناس القروهَا بلحنها😂♥️- ندخُل في الجَد بعدا
#نصائح_مهمة 💍 :-
♥️ بعد ما ربنَا يمُن عليك باليُوم دا إستحالة تحاربُوا بنعمتو عليك ، لازِم في اليُوم دا ترضِي ربنَا على قد ما تقدّر ؛ يعنِي ما تخلِّي فرحَك في الأرض يغضِب حبيبك اللي فِي السَّماء
- طيِّب كيف أفرَح وفي نفس الوقِت أرضِي ربنَا؟!!!
● أول شئ تظهِر الفرحة والسّرور ، وتظهر فضل ربنَا عليك إنو وصَّلك لليُوم دا ، وقبل ده تكُون مخطِّط ليهو كويس جداً ، ما هي دي ليلة العُمر زي ما بيقولوا
♥️ إختار مكان مُناسِب على حسب قُدرتك وإمكانياتَك وما تَهدِر قروشَك على حاجَات تافهة أو حاجات لحظِية ..
دا عِرسك إنت ما عِرس النَّاس ، مافي زول بيستاهَل تغضِب ربنا عشانه..
غالباً الناس في بلدنا هِنا بيدّقوا صيوان منفرِد للرُجال ، وواحد تانِي للنسوَان ودي حاجة كويسة برضُو ، يعنِي الأعراس المفصُولة دي بتكون مُريحة أكتر للبنَات عشان يآخدن راحتِن ويقشِرن بطريقتِن ، وفي ناس بيعملُوه في صالَة الفهم دا ، المُهِم كلُ زول وقدرتُوا ، وسواءً كان في صالَة ولا فِي البيت الناس تراعِي لربنا شويّة يا جماعَة ، الأعراس بقَت ما بتفرِق بشئ عن البارات والديسكُوهات والملاهِي الليلية!
بإختصَار..
كلّ ما كان العرس بسيِط بكون أرقَى وأخفّ ، وبالمرّة تستفيدُو من القروش دِي في حاجَة تانية أهم 🎀.
❤ بعض الزِّيجات السودانية عندهم عادة #الجرتق ، بالنسبة للناس الما بيعرفوه ، أو الحابين يفهموا أصل العادة دي ممكن تلقوها في الرابط دا على ويكبيديا وحتنصدموا جداً من الحتقروه ، الناس بتعمل الحاجة دي بعفوية شديدة بدون ما يعرفوا هي جات من وين وبتتعمل ليي :
https://ar.m.wikipedia.org/wiki/%D8%A7%D9%84%D8%AC%D8%B1%D8%AA%D9%82
(لازم تشوفوا المقال الفي الرابط الفوق دا) ، وبناء عليه فالناس بيعملوه إتقاءً للعين وطرداً للحسد ودي حاجة ما صاح يخوااانا عشان الجاية من الله بتجيك وما صاح نتشاءم أو نتطير أو نتفاول بشئ معين .. لأنو كل شئ بيد ربنا ، خايفين علي العرسان من العين بإختصار حصنوهُم وبس ، اللهم زي ما قلنا فالعادات اللي ما بتتعارض مع الشريعة هي مُسموح بيها والعكس ، وبالتالي ربط الحريرة في يد الراجل .. ويلبسوه هِلال من الذهَب والفهم دا ما يجوز لأنو يحرّم على الرجال لبس الذهب والحرير ، لما جاء في الحديث الصحيح :
(أحِلَّ الذهب والحرير على إناث أمتي وحُرّم على ذكورهم)
رابط الفتوى هنا كامل ، واحد سوداني سأل الشيخ محمد العثيمين رحمه الله👇 :
https://www.alnilin.com/1243461.htm/amp
- ده ما معناه ننسى عاداتنا وتقاليدنا ، لأنو هي بتعبّر عننا ، بس نختها في قالب الدين ونعملها بما يرضي الله❤.
♥️ من أجمَل الوصَايا الإتقالَت #للبنَات في اليوم دا وصيّة أمامه بنت الحارِث لأم إيّاس ، قالت ليها :
(أي بُنيّه ، فإنكِ فارقتِ الجوّ الذي منه خرجتِ إلى وكرٍ لم تعرفيه ، وقرينٍ لم تألفيه ، فأصبح بملكه عليكِ رقيباً ومليكاً ، فكونِي له أمة يكُن لكِ عبداً ، وأحفظِي له عشر خِصال :-
- أما الأولى والثانية :
فالصُحبة بالقناعة ، والمُعاشرَة بحسن السّمعِ والطاعة.
- أما الثالثة والرابِعة :
فلا تقَع عيناه منكِ على قبيح ، ولا يشّمُ منكِ إلا أطيب ريح.
- أما الخامسة والسادسة :
فالتفقُّد لوقت طعامِه ، والهدوء عندَ منامِه ، فإن حرارة الجوع ملهَبة ، وتنغيص النوم مكربَة.
- وأما السابعة والثامنة :
فالعنايةُ ببيتهِ وماله ، والرعايةُ لنفسهِ وعيالو ..
BY It's Tanzeel ♡.
Share with your friend now:
group-telegram.com/Fadfadah98/3893