It's Tanzeel ♡.

كيف اكتسِب عادة و أواصِل فيها؟!💙

(بوست 1)

☆قاعدة مهمة  :-
إكتساب أي شئ بتم عن طريق ممارستو والسعى المستمر للوصول إليه.


■قبل ما نبدأ بكيفية إكتساب العادات لازم تعرف إنو إكتساب أي عادة بيمر ب 3 مراحل :

1_المقاومة:
ودي المرحلة البتحتاج فيها لقوة إرادة قوية ومجاهدة نفس عالية عشان تتغلب علي المغريات الحوليك.
وإنت في المرحلة دي حتحس بزهج وملل مضاعف ، حتظهر ليك حاجات تاني مفروض تعملا وكمية من الملهيات ، كل المطلوب منك ما تستسلم ليها وتلتزم بفعل العادة مهما حصل .

2_عدم الراحة:
في المرحلة دي حتحتاج  قوة إرادة بس ما بنفس القدر الأول ، بس إستمر في المقاومة وأعرف إنك ماشي صح وخلي دا حافز ليك عشان تستمر.

3_التلقائية :
ودي المرحلة الحتلاحظ فيها إنك ما محتاج قوة وإرادة ولا مجهود عالي عشان تقوم بفعل العادة وهنا احذر
لأنك حتحس إنك إكتسب العادة وتاني ما ضروري تمارسها يومي !
دا أكبر غلط وأتزكر  إنو العادة هي عشان تحافظ عليها لازم تستمر في عملها.



■كيفية إكتساب العادات:

٢_ما تبني أكثر من عادة في نفس الوقت ، بس لي؟

اي عادة عشان تكتسبها انت محتاج قدر من قوة الإرادة  فلمن تحاول تكتسب أكتر من عادة حتتشتت تضغط و ما حتقدر تعمل ولا وحدة فيهم.

٢_الإستمرارية أهم من النتائج ، ركز علي تثبيت السلوك وليس النتيجة
و إتزكر انت حاليا عاوز تكتسب عادة ما تحصل علي نتيجة ، ما مهم تقرأ 100 صفحة من كتاب في يوم ، بس مهم تقرأ 100 صفحة في 100 يوم .

٣_إستخدم محفزات مرئية ، كيف؟
مثلا عاوز تكتسب عادة القراءة حتخت الكتاب العاوز تقراه في اكتر الأماكن البتتواجد فيها  وكل ما تجي ماري فيه لو ما إلتزامك مع نفسك خلاك  تقرأ ، تأنيب الضمير  حيخليك.

٤_التخطيط للعادة ، ما ينفع تقول أنا عاوز إكتسب عادة القراءة مثلا وتسكت علي كدا وتعتمد علي عقلك يزكرك او يحفزك انك تعمل العادة دي لا
لازم تخطط بلتفصيل ، متين ووين وكيف وكم؟

٥_تابع نفسك وإنت بتكتسب العادة ، ممكن تعمل جدول عديل تحدد فيه الأيام الإلتزمت فيها ، والأيام الضاعت بدون إلتزامك فيها .. اكتب المغريات وحاول المرة الجاية إتغلب عليها.


☆الخطوة الاخيرة والأهم : ربط سلوك عادة قديمة بعادة جديدة.

ذي ما قلت في المقال الفات إنو حياة الإنسان عبارة عن مجموعة من العادات فإنت هنا حتستغل العادات الإنت أصلاً بتعملها ، كيف؟

النوم عادة إنت بتمارسو كل يوم  فالربط هنا حيكون إنك كل يوم بعد تصحي حتقرأ صفحة واحدة من كتاب ، وهنا حتكتسب عادة القراءة.🌸

الصلاة فريضة إنت بتأديها كل يوم فالربط هنا حيكون إنك بعد كل صلاة حتقرأ أيه من المصحف، وهنا حتكتسب عادة القراءة من المصحف.🌸

الطبيعي إنك كل يوم بتمسك التلفون فالربط هنا حيكون إنك قبل ما تمسك التلفون تحفظ 3 كلمات باللغة الإنجليزية
وهكذا .



#مهاد_مكاوي.
#اكتساب_العادات ١.
#مشكلة_وحل.

@Fadfadah98.

www.group-telegram.com/us/Fadfadah98.com/4350

1.5K viewsتنزيل صابر 🖤, Jan 14, 2022 at 03:50

كيف اكتسِب عادة و أواصِل فيها؟!💙

(بوست 1)

☆قاعدة مهمة  :-
إكتساب أي شئ بتم عن طريق ممارستو والسعى المستمر للوصول إليه.


■قبل ما نبدأ بكيفية إكتساب العادات لازم تعرف إنو إكتساب أي عادة بيمر ب 3 مراحل :

1_المقاومة:
ودي المرحلة البتحتاج فيها لقوة إرادة قوية ومجاهدة نفس عالية عشان تتغلب علي المغريات الحوليك.
وإنت في المرحلة دي حتحس بزهج وملل مضاعف ، حتظهر ليك حاجات تاني مفروض تعملا وكمية من الملهيات ، كل المطلوب منك ما تستسلم ليها وتلتزم بفعل العادة مهما حصل .

2_عدم الراحة:
في المرحلة دي حتحتاج  قوة إرادة بس ما بنفس القدر الأول ، بس إستمر في المقاومة وأعرف إنك ماشي صح وخلي دا حافز ليك عشان تستمر.

3_التلقائية :
ودي المرحلة الحتلاحظ فيها إنك ما محتاج قوة وإرادة ولا مجهود عالي عشان تقوم بفعل العادة وهنا احذر
لأنك حتحس إنك إكتسب العادة وتاني ما ضروري تمارسها يومي !
دا أكبر غلط وأتزكر  إنو العادة هي عشان تحافظ عليها لازم تستمر في عملها.



■كيفية إكتساب العادات:

٢_ما تبني أكثر من عادة في نفس الوقت ، بس لي؟

اي عادة عشان تكتسبها انت محتاج قدر من قوة الإرادة  فلمن تحاول تكتسب أكتر من عادة حتتشتت تضغط و ما حتقدر تعمل ولا وحدة فيهم.

٢_الإستمرارية أهم من النتائج ، ركز علي تثبيت السلوك وليس النتيجة
و إتزكر انت حاليا عاوز تكتسب عادة ما تحصل علي نتيجة ، ما مهم تقرأ 100 صفحة من كتاب في يوم ، بس مهم تقرأ 100 صفحة في 100 يوم .

٣_إستخدم محفزات مرئية ، كيف؟
مثلا عاوز تكتسب عادة القراءة حتخت الكتاب العاوز تقراه في اكتر الأماكن البتتواجد فيها  وكل ما تجي ماري فيه لو ما إلتزامك مع نفسك خلاك  تقرأ ، تأنيب الضمير  حيخليك.

٤_التخطيط للعادة ، ما ينفع تقول أنا عاوز إكتسب عادة القراءة مثلا وتسكت علي كدا وتعتمد علي عقلك يزكرك او يحفزك انك تعمل العادة دي لا
لازم تخطط بلتفصيل ، متين ووين وكيف وكم؟

٥_تابع نفسك وإنت بتكتسب العادة ، ممكن تعمل جدول عديل تحدد فيه الأيام الإلتزمت فيها ، والأيام الضاعت بدون إلتزامك فيها .. اكتب المغريات وحاول المرة الجاية إتغلب عليها.


☆الخطوة الاخيرة والأهم : ربط سلوك عادة قديمة بعادة جديدة.

ذي ما قلت في المقال الفات إنو حياة الإنسان عبارة عن مجموعة من العادات فإنت هنا حتستغل العادات الإنت أصلاً بتعملها ، كيف؟

النوم عادة إنت بتمارسو كل يوم  فالربط هنا حيكون إنك كل يوم بعد تصحي حتقرأ صفحة واحدة من كتاب ، وهنا حتكتسب عادة القراءة.🌸

الصلاة فريضة إنت بتأديها كل يوم فالربط هنا حيكون إنك بعد كل صلاة حتقرأ أيه من المصحف، وهنا حتكتسب عادة القراءة من المصحف.🌸

الطبيعي إنك كل يوم بتمسك التلفون فالربط هنا حيكون إنك قبل ما تمسك التلفون تحفظ 3 كلمات باللغة الإنجليزية
وهكذا .



#مهاد_مكاوي.
#اكتساب_العادات ١.
#مشكلة_وحل.

@Fadfadah98.

BY It's Tanzeel ♡.