It's Tanzeel ♡.

#قوة_الإرادة🔥❤️

"هي القدرة علي فعل ما هو غير محبب للنفس لتحقيق مصلحة أو هدف معين"


وبالدارجي كدا..
هي إنك تجبر نفسك علي عمل الأشياء المملة لأنك عارف إنو وراها فائدة كبيرة إنت عاوز تصل ليها ، أو تمنع نفسك من الحاجات المسلية لأنك عارف إنها حتضرك.

ممكن نقول علي #قوة_الإرادة إنها الوقود البنحقق بيه أحلامنا ، والفرق بين الإنسان البيمتلك القدرة دي والما عندو :

~العندو قوة إرادة حيقدر يصبر علي تعب الإجتهاد وإغراء الملهيات عشان يصل لهدفو.

~والما عندو حيستسلم للإجهاد والمغريات ويضع اللوم علي الظروف.

مهم تعرف إنو قوة الإرادة دي قدرة ذهنية ممكن تكتسبها .
وفي كتار من الكتاب شبهوها بالعضلة وأطلقو علي القدرة الذهنية دي إسم will power muscle "عضلة قوة الإرادة " عشان يَسهُل للناس فهمها، وذكرو إنها ذي اي عضلة في جسم الإنسان قابلة للضعف والقوة .

■شنو الحاجات البتضعف عضلة قوة الإرادة؟

_إتخاذ القرارات الغير مهمة ، ذي لمن تقعد كل صباح ساعة قدام الدولاب عشان تختار لبسة!
_كبت المشاعر ووجهات النظر ، وهنا بحصل صراع جواك ما بين إتكلم ولا لا؟
_كبت الغضب.
_ الجوع وقلة النوم، اي الجوع 😂
وعلي فكرة من الغلط إنك تتخذ قرار وإنت جعان أو نعسان لأنو هنا عقلك حيميل لإتخاذ القرار الأسهل ، وقد يكون القرار الأسهل دا في وقتها القرار الغلط
_اللامبالاة المُفرطة ، ومثال ليها التأجيل المستمر وإنت عارف العواقب بس عامل رايح!

■كيف أزيد من قوة عضلة الإرادة عندي؟

_الاهتمام بالنوم والأكل ، تديهم حقهم بدون إفراط .
_ أمش دائماً بقاعدة الأهم أولاً ، لأنو في البداية عضلة الإرادة عندك حتكون ضعيفة فلو أجهدتها بعمل الحاجات الغير مهمة لمن يجي وقت المهمة ما حتقدر.
_بسيط الحياة وأخد الأمور ببساطة ، لأنك انت حاليا بتتعلم فما مطلوب منك تطلع حاجة بروفيشنال.
_غير البيئة المحيطة بيك وإبتعد عن الناس السلبية .
_ألزم نفسك بحاجات صعب تنسحب منها ، بإختصار ورطها وما تديها مجال للمماطلة.
_إتجنب الفوضى والتشتت ، إذا كانت في المكان البتنجز فيه عملك أو داخلك في عقلك.
_إتجنب جلد الذات لأنو ذي ما قلنا فوق إنت بتتعلم حالياً فحتغلط عشان تتعلم.

▪كيف أطبق النقاط دي؟
_ركز علي تحقيق هدف واحد ويكون الأهم حالياً وما تشغل راسك بكم هدف مع بعض.
_إتجنب بقدر الإمكان المغريات وإتحلي ببعض المسؤولية وما تبقى ذي الشافع البجري وراء الحلاوة.
_التخطيط وعدم الإعتماد علي الإرادة فقط ، ما تقول أنا عندي إرادة قوية خلاص حتقدر تعمل الحاجة الفلانية ، لا لازم تخطط وتضع بدائل في حال حصل أي طارئي.
_راقب سلوكك كل مرة وشوف الأعزار البتقولها لنفسك عشان تتجنب أعمالك ، شنو الحاجات الغلط البتعملها ومحتاجة تغيير؟
دونها وإشتغل عليها
_إمنح نفسك مكافأة في كل مرة بتعمل حاجة ولو كانت بسيطة .

☆لازم يكون عندك رغبة كبيرة عشان تقدر تحصل علي قوة إرادة قوية.



#مهاد_مكاوي
#مشكلة_وحل.
@Fadfadah98.

www.group-telegram.com/us/Fadfadah98.com/5681

1.5K viewsتنزيل صابر 🖤, Jun 2, 2022 at 07:03

#قوة_الإرادة🔥❤️

"هي القدرة علي فعل ما هو غير محبب للنفس لتحقيق مصلحة أو هدف معين"


وبالدارجي كدا..
هي إنك تجبر نفسك علي عمل الأشياء المملة لأنك عارف إنو وراها فائدة كبيرة إنت عاوز تصل ليها ، أو تمنع نفسك من الحاجات المسلية لأنك عارف إنها حتضرك.

ممكن نقول علي #قوة_الإرادة إنها الوقود البنحقق بيه أحلامنا ، والفرق بين الإنسان البيمتلك القدرة دي والما عندو :

~العندو قوة إرادة حيقدر يصبر علي تعب الإجتهاد وإغراء الملهيات عشان يصل لهدفو.

~والما عندو حيستسلم للإجهاد والمغريات ويضع اللوم علي الظروف.

مهم تعرف إنو قوة الإرادة دي قدرة ذهنية ممكن تكتسبها .
وفي كتار من الكتاب شبهوها بالعضلة وأطلقو علي القدرة الذهنية دي إسم will power muscle "عضلة قوة الإرادة " عشان يَسهُل للناس فهمها، وذكرو إنها ذي اي عضلة في جسم الإنسان قابلة للضعف والقوة .

■شنو الحاجات البتضعف عضلة قوة الإرادة؟

_إتخاذ القرارات الغير مهمة ، ذي لمن تقعد كل صباح ساعة قدام الدولاب عشان تختار لبسة!
_كبت المشاعر ووجهات النظر ، وهنا بحصل صراع جواك ما بين إتكلم ولا لا؟
_كبت الغضب.
_ الجوع وقلة النوم، اي الجوع 😂
وعلي فكرة من الغلط إنك تتخذ قرار وإنت جعان أو نعسان لأنو هنا عقلك حيميل لإتخاذ القرار الأسهل ، وقد يكون القرار الأسهل دا في وقتها القرار الغلط
_اللامبالاة المُفرطة ، ومثال ليها التأجيل المستمر وإنت عارف العواقب بس عامل رايح!

■كيف أزيد من قوة عضلة الإرادة عندي؟

_الاهتمام بالنوم والأكل ، تديهم حقهم بدون إفراط .
_ أمش دائماً بقاعدة الأهم أولاً ، لأنو في البداية عضلة الإرادة عندك حتكون ضعيفة فلو أجهدتها بعمل الحاجات الغير مهمة لمن يجي وقت المهمة ما حتقدر.
_بسيط الحياة وأخد الأمور ببساطة ، لأنك انت حاليا بتتعلم فما مطلوب منك تطلع حاجة بروفيشنال.
_غير البيئة المحيطة بيك وإبتعد عن الناس السلبية .
_ألزم نفسك بحاجات صعب تنسحب منها ، بإختصار ورطها وما تديها مجال للمماطلة.
_إتجنب الفوضى والتشتت ، إذا كانت في المكان البتنجز فيه عملك أو داخلك في عقلك.
_إتجنب جلد الذات لأنو ذي ما قلنا فوق إنت بتتعلم حالياً فحتغلط عشان تتعلم.

▪كيف أطبق النقاط دي؟
_ركز علي تحقيق هدف واحد ويكون الأهم حالياً وما تشغل راسك بكم هدف مع بعض.
_إتجنب بقدر الإمكان المغريات وإتحلي ببعض المسؤولية وما تبقى ذي الشافع البجري وراء الحلاوة.
_التخطيط وعدم الإعتماد علي الإرادة فقط ، ما تقول أنا عندي إرادة قوية خلاص حتقدر تعمل الحاجة الفلانية ، لا لازم تخطط وتضع بدائل في حال حصل أي طارئي.
_راقب سلوكك كل مرة وشوف الأعزار البتقولها لنفسك عشان تتجنب أعمالك ، شنو الحاجات الغلط البتعملها ومحتاجة تغيير؟
دونها وإشتغل عليها
_إمنح نفسك مكافأة في كل مرة بتعمل حاجة ولو كانت بسيطة .

☆لازم يكون عندك رغبة كبيرة عشان تقدر تحصل علي قوة إرادة قوية.



#مهاد_مكاوي
#مشكلة_وحل.
@Fadfadah98.

BY It's Tanzeel ♡.