group-telegram.com/TTOYOTT/17585
Last Update:
سلام عليكم طلاب❤️
اليوم راح اشرحلكم ( التوافيق) لسادس الادبي
♦️أول شي شلون اعرف بالامتحان رايد حل هذا السؤال بتوافيق ؟
⚜️اكو بعض الكلمات تلكاها بسؤال ونعرف انو توافيق ✅
الكلمات الدالة
1-الاسئلة الامتحانية✅
2-الاشكال الهندسية ✅
3-المستطيل او المربع ✅
4-سحب بدون ارجاع ✅
5-الجان بدون الترتيب✅
6-كل مسئلة فيها غير ترتيب فهي توافيق ✅
طلاب هسة أكيد اكو البعض مافاهم لذلك راح اشرحلكم نقطة نقطة
النقطة الأولى( يكلك الاسئلة الامتحانية يعني كل مالكيت اسئلة امتحانية فهي توافيق)
النقطه الثانية الاشكال الهندسيه
النقطة الثالثه يكلك المستطيل او المربع بهذا السؤال ياطلاب مايطيك قيمه (r) لا هو يكلك كم قطعة مستقيم او مستطيل او مربع لذلك اكو قانون الهن.✅
المستقيم =2 يعني نخلي قيمه r =2✅
المستطيل او المربع تخلي قيمته=4 يعني قيمه r =4✅
الشكل الخماسي = 5✅
الشكل السداسي =6✅
النقطة الرابعه يكلك سحب بدون ارجاع يعني مثلا سحب كرات حمراء او خضراء
بعد ماعرفنه الكلمات الداله على توافيق✅
شلون احل التوافيق؟
طريقه الحل 🔥
طلاب التوافيق بالحل تحوله تباديل يعني تخلي كسر بالبسط تحل تباديل (n) يعني شلون يعني تبدي بيها ضرب بحسب قيمه (r) هسة أكيد دختو بس سهل👏
راح اعيد هاي الملاحضه تخلي قيمه (n)بالبسط وتبدي بيهى تنازلي مثلا (8)قيمه (n) وقيمه (r) (4) تبدي بيهى من ال(8)تنازلي اربع مرات✅
يعني 8×7×6×5 اوك
زين شنو نخلي بالمقام ؟
طلاب تخلون بالمقام قيمه (r) وهم تنازلي بس لازم تنتهي ب(1).♦️
اوك يعني احنه مو كلنه قيمه (4) تصير 4×3 ×2×1 تمام👏
هسة فهمتو على الموضوع زين
توافيق ياطلاب ترمزوله بحرف (C) بس سونه جبير. ✅
وتخلون قيمه (n) فوك وقمه (r) جوة وتحلوها نفس مفهمتكم يعني تحلونها تباديل قيمه nبالاعلى وقيمه rبالاسفل
هسة إذا لكيتو كلمه (مابين) يعني ضرب c×c
شويه وراح انزللكم امثله حتى تفتهمون اكثر
@TTOYOTT
BY 🖤أبطال سادس 100 لعبتنا🤍
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/TTOYOTT/17585