group-telegram.com/TaymurazTuskaev/1691
Last Update:
Республикæйы зынаргъ цæрджытæ!
Джеоргуыбайы кадджын бæрæгбоны фæдыл арфæ кæнын Ирыстоны æппæт цæрджытæн!
Ацы рæсугъд бæрæгбон нæм æрцыд незамантæй. Уый æвдисы ирон адæмы хъæздыг удварн æмæ хæрзæгъдаудзинад. Уастырджи адæмты иугæнæг фарн у æмæ къуырийы дæргъы Иры дзыллæтæ кувдзысты кæрæдзийæн аргъгæнгæйæ, кæрæдзи æмбаргæйæ, сыгъдæгзæрдæ æнгомæй æппæт адæмтимæ дæр цæрын куыд фæразой, уымæ.
Уастырджи хæстонты, бæлццæтты, кæстæрты бардуаг у æмæ уын мæ зæрдæ зæгъы, цæмæй сæрмагонд æфсæддон операцийы чи архайы, уыдон тагъд рæстæг сæрæгас æмæ уæлахизимæ сæмбæлой сæ хæдзæрттыл.
Уæ алкæйы бæлццон дæр рæствæндаг уæд. Уæ кæстæрты хурæй бафсæдут, сæ фидæны фæндæгтæ рухс æмæ цардбæллон куыд уой, абонæй сæ сомбон рæссугъддæр куыд уа, ахæм арфæ уын Уастырджи ракæнæд.
Уæ алкæйы бинонтыл дæр, хистæрæй кæстæрмæ, æнæниз, уæнгрог зæрдæрухсмæ сидæг куывтытæ æрцæуæд. Уæ хорз хъуыддæгтæн Уастырджи ныфсæвæрæг фæуæд!
Арфæгонд ут æмæ уæ бæрæгбоны хорзæх уæд!
BY Таймураз Тускаев
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/TaymurazTuskaev/1691