group-telegram.com/aya210/64495
Last Update:
هل عم أحكي من برجي العاجي وأنا عندي امتيازات غير عنكم؟
لا، أنا عم أحكي من القاع
أقل مثال
شايفين هاد الموبايل؟
كلشي تعلمته وتطورت فيه كان من خلال هالموبايل القديم
كان بس نزل تطبيقين يعطيني مساحة ممتلئة
أغلب التطبيقات ما تشتغل عليه إلا أقدر لاقي نسخ قديمة وضل حاول فيها مشان تنزل
ما فيه يوتيوب، ولا تطبيقات لغة ولا تطبيق كورسيرا فكنت أفتحهن من المتصفح
بالأول كنت أحكي إني ما بقدر أعمل شي بسبب ما معي موبايل حديث
بس قلت بحاول بالمتاح، فـ شو أبرز الأشياء يلي عملتها وهو معي:
درست مستويين كاملين لغة انكليزية
تعلمت لغة تركية
شفت أفلام ومسلسلات
قرأت فوق الـ ١٣٠ كتاب ورواية
عملت كورسات على كورسيرا وأخذت شهادات
عملت قناة عالتلغرام وتعرفت على أشخاص رائعين
شفت مقابلات وسمعت بودكاست بالعشرات
كتبت نصوص ومقتطفات قصيرة
قرأت عشرات المقالات
تعلمت كثييير أشياء مابقدر أتذكرها كلها
شلون؟
لأنو كان بدي وعندي رغبة حقيقية
و هالموبايل كان مرافقني طيلة فترة التطور والتعلم يلي مريت فيها(تقريباً ٤ سنوات)
وبس من ٨ شهور صار معي موبايل جديد وحديث
تخيلو إني مضيت الفترة هي كلها عم أشكي وأبكي وما عملت شي فيها!!
BY ـ آيـة.م ♥️🪄
Share with your friend now:
group-telegram.com/aya210/64495